Көрүүҥ, мин сыр оҥордум👍😋😋😋 Алҕаска😅

Үүт туттарар сиргэ кыайан илдьибэккэ, икки хоннорбут үүппүтүн үллэрээ күннээххэ "ээ чэ" диэн баран эрийэн кэбистибит. Бэртээхэй сүөгэй буолла. Эриллибит үүтүнэн бурдук аһа оҥордум, ордугун холодильникка ууран кэбистим.

Бүгүн көрбүтүм үүтүм бөлөнүйэн хаалбыт. Иэдьэгэй оҥорор эбиппин диэн, кыра уокка оргута уурдум.

Арай... иэдьэгэй буолбакка, сыр буолан таҕыста. Уута туспа арахсан, аһа сымыыт курдук бөлөхтөнөн таҕыста. Ууннары тардан көрбүппүт - "тянучка"👍

Дьиктиргээһин бөҕө буоллубут эрээри, тоҕо эрэ төлөпүөҥҥэ устар туһунан санаан да көрбөтөхпүт😅

Иһиккэ кутан, холодильникка уурдубут. Киэһэ аһылыкка үөрэ-көтө сиэн кэбистибит👍😋

Биллэн туран, туох да эппэтибит. Олох натуральнайынан. Оҕолор олус сөбүлээтилэр: ким туустаан, ким хартыыһалаан, ким кетчуптаан сиэтилэр.

#тыасирэ #бэйэаһа

Убаһа субай хаанын олох профессиональнайдык кутар буолбуппун бигэргэтэр өссө биир видео көтөн кэллэ🤩

«Махтаал, наһаа астыык😋😋😋. Эйигиттэн ылбыппытын кэмсиммэтибит. Эһиил эмиэ ылыахпыт", - диэтилэр.

Дьэ, бэрт. Бэйэ хаһаайыстыбатыттан бородууксуйа оҥорон атыылыыр дьоҥҥо маннык сыанабыл өссө эппиэтинэһи сүктэрэр👍 астыыр аһыҥ өссө тупсарыгар кыһаллаҕын.

Атыылаһалларыгар "Хайдах тэспэккэ буһарабыт?" диэн ыйыталлар.

Эппиэт: Ууну кытта тэҥҥэ угабыт. Уу оргуйбутун кэннэ кыра уокка уолуппакка 30-40 мүнүүтэ буһарабыт, аа-дьуо эргитэн биэрэбит.

Чаас аҥара оргуйбутун кэннэ "зубочистканан" тэһэн бэрэбиэркэлиибит, салгынын таһаарабыт👍

Минньигэстик аһааҥ😋😋😋

#бэйэаһа #убаһахаана