#Чиряев100сааһа
#быыстапка
Убаастабыллаах улуус олохтоохторун Үөһээ Бүлүүтээҕи устуоруйа уонна этнография түмэлэ биһиги киэн туттар киһибит, бөдөҥ общественнай-политическай деятель Чиряев Гавриил Иосифович төрөөбүтэ 100 сылыгар аналлаах хаартыска быыстапкатын көрө-истэ, сэҥээрэ күндү ыалдьыт буоларгытыгар ыҥырар.
Түмэл үлэһиттэрэ Чиряев Г.И. күн сирин көрдөрбүт төрөппүттэрин, оҕо сааһын, Аҕа дойду сэриитин сылларын туһунан кэпсиэхтэрэ, XXI үйэ оҕолоругар, ыччаттарыгар 50-60 сыллар кэмнээҕи история чахчыларын арыйыахтара.
Гавриил Иосифович Саха сирин обкомун 1 секретарынан үлэлии сылдьан өрөспүүбүлүкэ социальнай экономическай сайдыытын араас хайысхаларын үрдүкү таһымҥа таһаарбыта.
Быыстапка иккис хайысхатынан Гавриил Иосифович Чиряев 1955-1958 сылларга Үөһээ Бүлүүгэ салайааччы быһыытынан үлэлии-хамсыы кэлбит кэмин көрдөрүү буолар. Эдэр, киэҥ сайдыылаах киһи биир дойдулаахтарын сырдык, дьоллоох олоххо тардыныыларын өйөөн үгүс үлэни-хамнаһы ыыппыта.
Быыстапканы көрөөччүлэр болҕомтотугар түмэл фондатыттан архыып докумуоннара, хаартыскалар, Гавриил Чиряев бииргэ улааппыт оҕолорун, үөрэммит табаарыстарын, иилээн-саҕалаан үлэлэспит дьонун ахтыылара турдулар. Кини бэйэтэ суруйбут ыстатыйаларын ааҕыаххытын уонна СӨ киинэ фондатын хроникаларын көрүөххүтүн сөп.
Дириҥ ис хоһоонноох быыстапка муус устар 25 күнүгэр диэри үлэлиир, бука барыгытын көрө-истэ, улуус баай историятын билсэ күндү ыалдьыт буоларгытыгар ыҥырабыт.
Марианна Борисова, Үөһээ Бүлүүтээҕи устуоруйа уонна этнография түмэлин научнай-сырдатар үлэҕэ методиһа
"Үөһээ Бүлүү" хаһыат
#быыстапка
Убаастабыллаах улуус олохтоохторун Үөһээ Бүлүүтээҕи устуоруйа уонна этнография түмэлэ биһиги киэн туттар киһибит, бөдөҥ общественнай-политическай деятель Чиряев Гавриил Иосифович төрөөбүтэ 100 сылыгар аналлаах хаартыска быыстапкатын көрө-истэ, сэҥээрэ күндү ыалдьыт буоларгытыгар ыҥырар.
Түмэл үлэһиттэрэ Чиряев Г.И. күн сирин көрдөрбүт төрөппүттэрин, оҕо сааһын, Аҕа дойду сэриитин сылларын туһунан кэпсиэхтэрэ, XXI үйэ оҕолоругар, ыччаттарыгар 50-60 сыллар кэмнээҕи история чахчыларын арыйыахтара.
Гавриил Иосифович Саха сирин обкомун 1 секретарынан үлэлии сылдьан өрөспүүбүлүкэ социальнай экономическай сайдыытын араас хайысхаларын үрдүкү таһымҥа таһаарбыта.
Быыстапка иккис хайысхатынан Гавриил Иосифович Чиряев 1955-1958 сылларга Үөһээ Бүлүүгэ салайааччы быһыытынан үлэлии-хамсыы кэлбит кэмин көрдөрүү буолар. Эдэр, киэҥ сайдыылаах киһи биир дойдулаахтарын сырдык, дьоллоох олоххо тардыныыларын өйөөн үгүс үлэни-хамнаһы ыыппыта.
Быыстапканы көрөөччүлэр болҕомтотугар түмэл фондатыттан архыып докумуоннара, хаартыскалар, Гавриил Чиряев бииргэ улааппыт оҕолорун, үөрэммит табаарыстарын, иилээн-саҕалаан үлэлэспит дьонун ахтыылара турдулар. Кини бэйэтэ суруйбут ыстатыйаларын ааҕыаххытын уонна СӨ киинэ фондатын хроникаларын көрүөххүтүн сөп.
Дириҥ ис хоһоонноох быыстапка муус устар 25 күнүгэр диэри үлэлиир, бука барыгытын көрө-истэ, улуус баай историятын билсэ күндү ыалдьыт буоларгытыгар ыҥырабыт.
Марианна Борисова, Үөһээ Бүлүүтээҕи устуоруйа уонна этнография түмэлин научнай-сырдатар үлэҕэ методиһа
"Үөһээ Бүлүү" хаһыат