#Түмэр

Бүгүн Үөһээ Бүлүүтээҕи лиссиэй-интэринээккэ физика уонна математика учууталларыгар өрөспүүбүлүкэтээҕи «Түмэр» форум саҕаланна.

Тэрээһиҥҥэ ыҥырыылаах ыалдьыттар, ытыктабыллаах учууталлар кыттыыны ыллылар. Араас аһаҕас уруок-күрэхтэрэ ыытылыннылар. Барыта 80-ча учуутал кыттыыны ылар.

Форумҥа Дьокуускай куорат 2-с нүөмэрдээх орто оскуолатын нуучча тылыгар уонна литературатыгар учуутала Мария Марковна Захарова 6-с кылаас оҕолоругар "Детство" диэн аһаҕас уруок ыытта. Оҕолор оҕо саас тиэмэтигэр өйтөн суруйдулар. Виктор Иванов бэйэтин суруйуутун доргуччу ааҕан, учууталтан хайҕанна.

Бэлиэтээн этэр буоллахха, Мария Захарова М.А.Алексеев аатын сүгэр Үөһээ Бүлүүтээҕи гимназияны ситиһиилээхтик 2009 сыллаахха үөрэнэн бүтэрбитэ. Ол кэннэ Санкт-Петербургтааҕы Герцен аатынан педагогическай университеты 2014 сыллаахха бүтэрбитэ. Онтон эдэр учуутал манна 4-с нүөмэрдээх орто оскуолаҕа түөрт сыл таһаарыылаахтык учууталлаабыта. Билигин Дьокуускай куоракка ситиһиилээхтик үлэлии сылдьар. 📚 🖊️ 👩‍🏫

@ulusmedia

#Түмэр

Тохсус кылаас оҕолоругар 30-с нүөмэрдээх Санкт-Петербургтааҕы губернаторскай физико-математическац лицей преподавателэ Олег Вадимович Ренев анаан-минээн кэлэн, математикаҕа аһаҕас уруок ыытта.

Оҕолор олус сэргээн үөрэннилэр, ыраахтан кэлбит преподаватель оҕолор билиилэрин таһымын биһирээтэ.

@ulusmedia