Бүгүн, сэтинньи 6-с күнүгэр Үөһээ Бүлүү улууһун депутаттарын сэбиэтин 22-с уочарата суох Сессиятыгар кыттыыны ыллым.

Сессияҕа улуус депутаттара Харбалаах нэһилиэгин генеральнай былааныгар уларыйыылары киллэрэр туһунан Быһаарыы бырайыагын ылыннылар.

Санатан этэр буоллахха, Харбалаах нэһилиэгэр саҥа оскуола-уһуйаан тутуутугар анаан талыллыбыт сир экспертизаны ааспатаҕыттан сибээстээн тутуу бырайыагар уларыйыылар киирбиттэрэ.

Сессия түмүгэр ылыллыбыт Быһаарыы чэрчитинэн оскуола-уһуйаан тутуллар саҥа сиригэр генеральнай былаан оҥоһуллан бырайыактааһын үлэтэ салҕаныа.

#СессияДепутатов
#ВерхневилюйскийУлус

t.iss.one/ValeriNikolaev