Үлэ нэдиэлэтин түмүктүүр сүбэ мунньах олохтоох бэйэни салайыныы күнүнэн дьаһалта, салалта үлэһиттэрин эҕэрдэлээһинтэн саҕаланна.

2013 сыллаахха муус устар 21 күнүн Арассыыйаҕа Олохтоох бэйэни салайыныы күнүнэн биллэриллибитэ. «Гражданскай общество, демократия сайдарын туһугар, олохтоох бэйэни салайыныы институтун оруолун улаатыннарар туһуттан» диэн Дойду Президиэнэ Владимир Путин бу күнү олохтуур туһунан Ыйааҕы таһаарбыта.

Үөрүүлээх быһыыга-майгыга дьаһалта уонна салалталар үлэһиттэригэр анал ааттаах блокноттары улуус баһылыгын собуйааччы Анна Михайловна Уларова туттарда.

Үөһээ Бүлүү улууһун култуураҕа уонна духуобунаска департаменын салайааччыта Айталина Михайловна Мойтохонова эҕэрдэ тойугу туойда.

Олохтоох бэйэни салайыныы күнүгэр Арассыйа, Саха Сирэ, Үөһээ Бүлүү олохтоохторун тустарыгар сыраларын ууран эппиэтинэстээхтик үлэлии сылдьар дьоммутугар ситиһиилээх, таһаарыылаах үлэни баҕарабыт!

Бүгүҥҥү бырааһынньык күн эһиги тулуургут, болҕомтоҕут, дьоҥҥо кыһамньыгыт, төрөөбүт дойдугут сайдарын туһугар туох кыалларынан барытын оҥоро сатыыр дьулуургут иһин махтанабыт!

#ОлохтоохБэйэниСалайыныыКүнэ
#ДеньСамоуправления
#ҮөһээБүлүү

Үөһээ Бүлүү улууһун дьаһалтатын пресс-сулууспата