Убаастабыллаах Үөһээ Бүлүү улууһун урбаанньыттара! Эһигини идэлээх бырааһынньыккытынан - Урбаанньыт күнүнэн "Үөһээ Бүлүү улууһа (оройуона)" муниципальнай оройуон аатыттан уонна тус бэйэм итиитик-истиҥник эҕэрдэлиибин.

Урбаанньыт үлэтэ олус сыралаах, элбэх кыһамньыны уонна эппиэтинэһи ирдиир. Урбаанньыт бэйэтин эрэ туһугар буолбакка нэһилиэнньэ наадыйыытын толорорго элбэх кылааты оҥорор. Урбаанньыттар баар буолаҥҥыт улууспут социальнай-экэнэмиичэскэй сайдыыта күүһүрэр, бөҕөргүүр, улуус олоҕун таһыма үрдүүр.

Урбаанньыттар улууһу табаарынан уонна араас өҥөнөн хааччыйарга эрэ буолбакка, уопсастыбаннай уонна аһымал акцияларга көхтөөхтүк кытталлар, саҥа үлэ миэстэтин таһаараллар.

Түгэни туһанан махтаныам этэ анал байыаннай дьайыыга сылдьар уолаттарбытыгар уонна Нам улууһугар халаан уутугар эмсэҕэлээбиттэргэ суһал көмөнү хомуйарга көмөлөспүт, кылааттарын киллэрбит, ону таһынан улуустааҕы араас тэрээһиннэргэ, аһымал акцияларга кыттыыны ылар урбааньыттарга.

Бүгүҥҥү бэлиэ күҥҥэ баҕарабын эһиэхэ сайдыыны. Күн аайы бигэ дохуоттаах буолун, саҥа саҕалааһыннаргыт барыстаах буоллуннар. Чэгиэн туругу, чөл доруобуйаны, үбү-харчыны, ситиһиилэри!

Үөһээ Бүлүү улууһун баһылыга Валерий Николаев.

#ДеньРоссийскогоПредпринимательства
#Верхневилюйск

t.iss.one/ValeriNikolaev