#ДеньРеспублики
#ВерхневилюйскаяЦРБ
Бүгүн,  муус устар 27 күнүгэр, улуустааҕы киин балыыһа скверигэр биир дойдулаахпыт, Ил Түмэн 4-с, 5-с созывтарын депутатын, "Алмазэргиэнбанк" правлениятын салайааччытын, Саха Өрөспүүбүлүкэтин бочуоттаах меценатын, СӨ норуот хаһаайыстыбатын бочуоттаах үлэһитин Александр Степанович Миронов паамытынньыгын тула Өрөспүүбүлүкэ күнүн бэлиэтиир үөрүүлээх миитин буолла. Миитиҥҥэ улуус инники кэскиллэрэ Д. С. Спиридонов аатынан  улуустааҕы гимназия  үөрэнээччилэрэ кытыннылар. Кинилэргэ туһаайан,  Өрөспүүбүлүкэбит сайдыытыгар сүҥкэн кылааттарын уурбут үтүө дьоммут ааттара ахтылынна,  төрөөбүт дойдубут үүнэн-сайдан кэлбит историята сырдатылынна.    Үөһээ Бүлүү улууһун баһылыгы экономика салаатыгар солбуйааччы М.В. Игнатьева,  улуустааҕы үөрэх салаатын каадырга исписэлииһэ К.В. Борисова. Үөдүгэй нэһилиэгин дьаһалтатын баһылыгын солбуйааччы Д.С. Ефремов, Үөһээ Бүлүүтээҕи Д.С.Спиридонов аатынан гимназия директора С.Н. Кардашевскай,  директоры үөрэх  чааһыгар солбуйааччы Т.Н. Федотов  үүнэр көлүөнэҕэ кэс тылларын тиэртилэр, Өрөспүүбүлүкэбит инники сайдыытыгар туһалаах дьоһун дьон буолан тахсалларыгар, сайдыы киэҥ аартыгын салайсалларыгар  эрэнэллэрин биллэрдилэр. Миитин  кыттыылаахтара А.С. Миронов мэҥэ тааһыгар  сибэкки дьөрбөтүн уурдулар
Киин балыыһа пресс-сулууспата