#Бастыҥтанбастыҥ

⭐️ «САҤА ДЬЫЛААҔЫ МУУС-ХААР ОҤОҺУК» муус-хаар оҥоһуктарынан биһиги нэһилиэкпит олохтоохторо, тэрилтэлэрэ сылын ахсын тэлгэһэлэрин, түөлбэлэрин киэргэтэн, сыыр оҥорон оҕолору, түөлбэни эрэ буолбакка бүтүн нэһилиэкпит олохтоохторун үөрдэллэр. Ону өйөөн нэһилиэк баһылыга Максим Силигиянов дьаһалынан, хамыыһыйа үлэтин түмүгүнэн кыайыылаахтары быһаардылар.

«САҤА ДЬЫЛААҔЫ МУУС-ХААР ОҤОҺУК» күрэх кыайыылааҕа - НИКОЛАЕВ Николай Семенович.

Наҕарааданы Үөһээ Бүлүү бөһүөлэгин депутаттарын Сэбиэтин бэрэссэдээтэлэ Захаров Анатолий Викторович туттарда.

@uoheebuluu

#бастыҥтанбастыҥ

⭐️ "САҤА ДЬЫЛЛААҔЫ МУУС-ХААР ОҤОҺУК" тэрилтэлэр икки ардыларыгар ыытыллыбыт күрэх кыайыылааҕа - Үөһээ Бүлүүтээҕи М.Т. Егоров аатынан 2-с нүөмэрдээх орто оскуола коллектива. Наҕарааданы дириэктэр Алексей Николаевич Федоров тутта.

"Үөһээ Бүлүү" хаһыат

#бастыҥтанбастыҥ

⭐️“СЫЛ БАСТЫҤ КОМЕНДАНА” анал ааты Егоров Альберт Родионовичка, Интернациональная 3\1 дьиэ коменданынан туттардылар.

Анал ааттары Үөһээ Бүлүү бөһүөлэгин баһылыгын солбуйааччы Егор Владимирович Михайлов туттартаата.

@uoheebuluu

#бастыҥтанбастыҥ

⭐️“СЫЛ БАСТЫҤ ОБЩЕСТВЕННИГА” үрдүк аат улууспут талааннаах ырыаһытыгар, улуустааҕы, регионнааҕы, республикатааҕы тэрээһиннэр кыайыылаахтарыгар Владимир Васильевка ананна.

@uoheebuluu

#бастыҥтанбастыҥ

⭐️“СЫЛ БАСТЫҤ ТҮӨЛБЭТЭ” - "БИЛИИЛЭЭХ" түөлбэ (салайааччы Васильева Наталья Матвеевна).

Олохтоох бэйэни салайыныыны нэһилиэнньэлээх сирдэргэ түөлбэнэн үлэни тэрийии ыытыллыбыта балачча кэм буолла. Үөһээ Бүлүү бөһүөлэгэр күн бүгүн түөлбэлэр олох хаамыытынан тэҥҥэ үктэһэ, үлэлии-хамсыы олороллор.

@uoheebuluu

#бастыҥтанбастыҥ

⭐️“СЫЛ БАСТЫҤ ТҮМСҮҮТЭ” - анал байыаннай дьайыыга сулууспалыы сылдьар байыастарга таҥас-сап, харысхаллаах маллары тигэр «Дойдум тыына» иистэнэр сыах - салайааччы Иванова Васма Васильевна.

Бөһүөлэк общественниктара куускэ үлэлииллэрин түмүгэр сэлиэнньэ өрүү инники күөҥҥэ сылдьар!

@uoheebuluu

#бастыҥтанбастыҥ

⭐️«СЫЛ БАСТЫҤ УРБААННЬЫТА» анал аат Семенов Македон Петровичка туттарылынна.

Наҕарааданы кийиитэ Туяра Семенова тутта.

@uoheebuluu

#бастыҥтанбастыҥ

⭐️“БАСТЫҤ НЭҺИЛИЭК САЙДЫЫТЫН ТҮСТЭҺЭЭЧЧИ ТЭРИЛТЭ” үрдүк аат «Алив» ХЭТ салайааччытыгар Александр Ивановка туттарылынна.

@uoheebuluu

#бастыҥтанбастыҥ

⭐️ 2023 сыл түмүгүнэн «СЫЛ БАСТЫҤ ҮӨРЭНЭЭЧЧИТЭ» үрдүк аат М.А Алексеев аатынан Республикатааҕы лицей-интернат 11 "б" үөрэнээччитигэр Дьулус Александровка туттарылынна.

Дьулус Бүтүн Россиятааҕы физическай культура олимпиадатын суперфиналиһа, хапсаҕайдаһан тустууга Республика таһымнаах элбэх күрэх кыайыылааҕа, призера.

Анал ааттары баһылык Максим Филиппович Силигиянов туттартаата.

@uoheebuluu

#бастыҥтанбастыҥ

⭐️“СЫЛ БАСТЫҤ СПОРТСМЕНА” үрдүк аат хаһаайына - Андрей Тоноев, 9 кылаас үөрэнээччитэ.

Андрей М.Т.Егоров аатынан 2-с нүөмэрдээх оскуола 8-с кылааһын кэннэ Дьокуускайдааҕы Олимпийскай резервэ училищетыгар үөрэнэ сылдьар. Боксаҕа элбэх Республика таһымнаах күрэхтэр кыайыылааҕа, ааспыт сылга ыытыллыбыт оскуола оҕолоругар Республикатааҕы спартакиада чемпиона.

Наҕарааданы аҕата Андрей Алексеевич Тоноев тутта.

@uoheebuluu

#бастыҥтанбастыҥ

⭐️ СӨ Юстиция министиэристибэтин махтал суругун Үөһээ Бүлүү нэһилиэгин дьаһалтатын юриһа Аксинья Догордурова тутта.

@uoheebuluu

#Бастыҥтанбастыҥ @uoheebuluu

⭐️ Нэһилиэк олохтоохторун доруобуйаларын тупсарыыга өйдөрүн-санааларын ууран туран күннэри-түүннэри түбүгүрэр, үүт маҥан халааттаах аанньалларбыт үлэлэрин үрдүктүк сыаналаан туран, Доруобуйа харыстабылын эйгэтигэр дьон махталын ылбыт “СЫЛ БАСТЫҤ ДОРУОБУЙА ХАРЫСТАБЫЛЫН ҮЛЭҺИТЭ” үрдүк аат улуустааҕы кииннэммит балыыһа сиэстирэтигэр Светлана Портнягинаҕа ананна.

"Үөһээ Бүлүү" хаһыат

#Бастыҥтанбастыҥ @uoheebuluu

⭐️ «СЫЛ БАСТЫҤ ПАРТНЕР ТЭРИЛТЭТЭ» үрдүк аат хаһаайына - "Мааппа» ХЭТ салайааччыта Дьулустаан Еттянов.

Наҕарааданы аҕата Николай Еттянов тутта.

@uoheebuluu

#Бастыҥтанбастыҥ @uoheebuluu

⭐️ “СЫЛ БАСТЫҤ ТЫА ХАҺААЙЫСТЫБАТЫНАН ДЬАРЫКТАНАР ДЬИЭ КЭРГЭН” үрдүк аат Василий Николаевич, Ирина Васильевна Потаповтар дьиэ кэргэттэригэр иҥэрилиннэ.

Потаповтар күн-бүгүн 23 төбө сүөһүнү иитэн олорор нэһилиэкпитигэр холобур ыалынан буолаллар. Маны таһынан, үлэттэн быыс булан тыа сирин олоҕун сайдыытыгар ыкса үлэлэһэллэр.

#Годсемьи

#Бастыҥтанбастыҥ @uoheebuluu

⭐️ "СЫЛ БАСТЫҤ ЫТЫК ЫАЛА” үрдүк аат Григорий Степанович, Светлана Николаевна Золотаревтар дьиэ кэргэттэригэр иҥэриллэр.

Ааспыт сылга “Кыһыл көмүс” сыбаайбаларын бэлиэтээбит Үлэ бэтэрээннэрэ. Григорий Степанович РСФСР Норуот үөрэҕириитин туйгуна, СР "Гражданскай килбиэн" бэлиэ хаһаайыына, СР үөрэх систиэмэтин бэтэрээнэ, Спорт бэтэрээнэ, Үөһээ Бүлүү улууһун бочуоттаах олохтооҕо.
Светлана Николаевна СР үөрэҕириитин туйгуна, бэтэрээнэ, СР "Гражданскай килбиэн" бэлиэ хаһаайыына, Үөдүгэй нэһилиэгин уонна Үөһээ Бүлүү улууһун бочуоттаах олохтооҕо. Григорий Степанович уонна Светлана Николаевна олохторун үөрэх эйгэтигэр анаабыт биир бастыҥ ыалынан буолаллар.

#Годсемьи

#Бастыҥтанбастыҥ @uoheebuluu

⭐️ 2023 сыл түмүгүнэн “СЫЛ БАСТЫҤ ЫТЫК ЫАЛА” үрдүк аатынан Федор Федорович, Елена Яковлевна Неустроевтар дьиэ кэргэттэрэ наҕараадаланаллар.

Федор Федорович – РФ уопсай үөрэхтээһинин бочуоттаах үлэһитэ, СР үөрэҕириитин бочуоттаах бэтэрээнэ, Үлэ бэтэрээнэ уонна да атын Россия, Республика таһымнаах наҕараадалар хаһаайыннара.
Елена Яковлевна – СР доруобуйатын харыстабылын туйгуна, Үөһээ Бүлүү улууһун доруобуйа харыстабылын бочуоттаах бэтэрээнэ, Үлэ бэтэрээнэ.

Елена, Федор Неустроевтар ааспыт сылга “Кыһыл көмүс” сыбаайбаларын бэлиэтээбиттэрэ.

#Годсемьи