Бэс ыйын 29 күнүттэн Үөһээ Бүлүү улууһугар ойуур баһаардарынан сибээстээн суһал быһыы биллэриллибитэ.

Күннэтэ ойуур баһаарын утары охсуһууга олохтоох нэһилиэнньэ дьоно, ойуур харысхалын үлэһиттэрэ, техникалар үлэлииллэр.

Билиҥҥи туругунан, Кэнтик, Кырыкый нэһилиэктэригэр, Өргүөт уонна Быракаан гыраныыссатыгар, Далыр - Мэйик - Оҥхой нэһилиэктэрин гыраныыссатыгар ойуур баһаардара бэлиэтэннилэр.

Быракаан нэһилиэгиттэн 12 км тэйиччи сиргэ от ыйын 8 күнүгэр ойуур баһаара бэлиэтэммитэ. Ойуур баһаарын умуруорааһыҥҥа 44 киһи, 3 техника үлэлиир. Ойуур баһаарын биричиинэтэ - чаҕылхан.

Кэнтик нэһилиэгиттэн 5 км тэйиччи сиргэ ойуур баһаара от ыйын 8 күнүгэр бэлиэтэммитэ. Ойуур баһаарын умуруорааһыҥҥа 81 киһи, 3 трактор, 3 УАЗ үлэлиир. Баһаар биричиинэтэ - чаҕылхан.

От ыйын 9 күнүгэр күнүс 13:00 чааска Оҥхой нэһилиэгин Хомустаах сиригэр, Далыр уонна Мэйик гыраныыссатыгар ойуур баһаара бэлиэтэммитэ.
Баһаары умуруорааһыҥҥа 51 киһи, 8 техника үлэлиир.
Баһаар биричиинэтэ - биллэ илик.

Эрдэ биир күн иһигэр этиҥнээх чаҕылхан кэннэ 6 нэһилиэккэ ойуур баһаара тахсыбытын, тутатына умуруоран, уоту тохтотуллубута.

Билигин тыал күүһүрэн, кураан туран ойуур баһаара саҥа күүстэннэ. Ойуур харысхалын үлэһиттэрэ, олохтоох дьаһалта, олохтоох дьон күн түүн ойуур баһаарын утары үлэни ыыталлар.

Бүгүҥҥү туругунан өссө эбии икки термоточка булулунна: Дүллүкү уонна Хоро нэһилиэктэрин территорияларыгар. Дүллүкү нэһилиэгиттэн булуллубут ойуур баһаарын көрө дьоннор таҕыстылар.

Убаастабыллаах Үөһээ Бүлүү улууһун олохтоохторо!

Ойуурга, тыаҕа таҕыстаххытына уоту туттарга сэрэхтээх буоларгытыгар ыҥырабыт! Биир сыыһа туттуу ойуурдарбытыгар улахан хоромньуну оҥорорун умнумаҥ!

#ЛесныеПожары
#ВерхневилюйскийУлус

t.iss.one/ValeriNikolaev

#ситиһии

💠Бүгүн Саха сирин Ил Дархана Айсен Николаев эрэгийиэннээҕи уонна федеральнай таһымнаах грантовай күрэхтэр кыайыылаахтарын кытары көрүстэ.

Бу көрсүһүүгэ алта грант кыайыылаахтара тыл эттилэр. Ол иһигэр Үөһээ Бүлүүттэн О. Д. Федорова аатынан кииннэммит бибилэтиэкэ сэбиэдиссэйэ Тамара Саввинова бэйэтин бырайыагын туһунан кэпсээтэ. Кини Үөдүгэйдээҕи бибилэтиэкэ сэбиэдиссэйинэн үлэлии сылдьан, "Ситис" коммерческайа суох тэрилтэ аатыттан кыттан, "Чехов сахалыы тылынан" диэн испэктээги туруоруутун бырайыага кыайыылаах буолбута 👍👍🌟💫💫💫

Санатан эттэххэ, сылын ахсын ыытыллар культурнай инициативалар пуондаларын Граныгар Үөһээ Бүлүү улууһа аан бастакытын кыайбыта бэлиэтэнэр.

#Үөдүгэйсонуннара

Үөһээ Бүлүү нэһилиэгин иһинэн үлэлиир Алексей Николаев салайааччылаах Марс МАТ волонтер үлэһиттэрэ сайынын аайы сэлиэнньэбит ис тас көрүҥэ ырааһырыытыгар ис сүрэхтэриттэн кыһанан туран үлэлииллэр.Ол да иһин бииргэ үлэлиир кэллиэгэлэрэ кинилэри таптаан , сөбүлээн "сэлиэнньэбит санитардара" диэн ааттыыллар.Бу күннэргэ кинилэр ПМК Б, Бэрэ түөлбэлэрин саамай кирдээх миэстэлэрин ыраастаатылар.Ол эрээри,
маннык түгэҥҥэ саныыгын ээ,ардыгар хомойоҕун да ,бөх сыыс бэйэтэ мээнэ күөрэйэн тахсыбата чуолкай ини, ким эрэ быраҕан, киртитэн эрдэҕэ.Ол да иһин этэн эрдэхтэрэ "Чисто там, где не убирают,а не мусорят " диэн .Уонна дьэ хаһан өссө хайдах дьиэлэннэхпитинэ, уоттаннахпытына, сайыннахпытына, ким эрэ хомуйуо диэн сэлээннээбэккэ, ыраастык, чэнчистик туттан олорор буолабыт.