#планерка

✅Улуустааҕы үөрэх салалтатын үлэтин туһунан үөрэх салалтатын салайааччытын бастакы солбуйааччыта Леонид Огочонов:

- Сэтинньи 14 күнүттэн бүтүн Россиятааҕы уонна Саха сиринээҕи олимпиадалар улуустааҕы түһүмэхтэрэ саҕаланыа.

НПК "Инникигэ хардыы" улуустааҕы түһүмэҕэр бу ый 21 күнүгэр былааннанар.

Улууска ТПМК хамыыһыйата үлэтэлээтэ, уһуйаантан уонна оскуолаттан 90-тан тахса оҕо кэлэн барда. Манна ордук кыайан саҥара илик оҕолор көрдөрүннүлэр.

"Сыл иитээччитэ" күрэх буолара былааннанар.

Бу ый 30 күнүгэр Ю.Н.Прокопьев аатынан 3-с нүөмэрдээх орто оскуола, Өргүөккэ бу ый 29 күнүгэр уһуйаан үбүлүөйэ, Туобуйа орто оскуолатын үбүлүөйэ кэлэр ый 14-15 күннэригэр буолуоҕа, ону таһынан "Ньургуһун", Кэнтиктээҕи "Сайыына" уһуйааннара эмиэ үбүлүөйдэрин бэлиэтиэхтэрэ. М.Т.Егоров аатынан 2-с нүөмэрдээх орто оскуола үбүлүөйэ кэлэр ыйга былааннанар.

Экология кыһалҕаларыгар НПК 2 оҕо кыттардыы барда.

@uoheebuluu

#планерка

✅Улуустааҕы тыа хаһаайыстыбатын тоҕус ыйдааҕы үлэтин түмүгүн туһунан тыа хаһаайыстыбатын салалтатын салайааччыта Кирилл Гаврильев:

- Бүгүҥҥү күн туругунан улууска 16 бааһынай хаһаайыстыба үлэлии турар.

Быйыл курааннаан от хаачыстыбата үчүгэй, отторун үчүгэйдик ыллылар. Сиилэс, сенаж тиийэр.

Бу саас сибиинньэлэри аҕалтаран нэһилиэнньэҕэ түҥэппиппит. Анал тэрилтэлэри кытары кэпсэтэн бурдук, комбикорм, эбиэс о.д.а. сайаапканан аҕаллылар. Өрүс уҥуоргу нэһилиэктэри толору хааччыйдыбыт.

Бүгүҥҥү күн туругунан, 1900 тахса туонна үүт тутулунна (былаан 2500 тонна тахса).

Интэриниэт нөҥүө планеркаҕа холбонон олорор Кырыкый, Дүллүкү, Далыр баһылыктара ынаҕы, сылгыны чииптээһин туһунан кэккэ ыйытыктары ыйыттылар. Чииптэммит эрэ ынах,сылгы төбөлөрүгэр субсидия төлөнөр.

@uoheebuluu

#планерка

✅Улуустааҕы баһаарынай этэрээт уон ыйдааҕы үлэтин түмүгүн туһунан Үөһээ Бүлүүтээҕи 12 нүөмэрдээх баһаарынай этэрээт салайааччыта Олимпий Харлампьев:

- Муниципальнай баһаарынай сулууспа 9 нэһилиэккэ баар, 13 нэһилиэги хааччыйар, барыта 55 киһи үлэлиир, 8 автоцистерналаах.

2024 сыл 10 ыйдааҕы түмүгүнэн 25 баһаар бэлиэтэннэ, хомойуох иһин, 5 киһи уокка былдьанна.

Уоту сэрэтэр профилактическай үлэ былааннаахтык барар. Оҕолорго, улахан дьоҥҥо инструктаж ыытабыт.

Автономнай дымовой баһаары сэрэтэр извещатель ыал аайы баар буолуохтаах. Үөдүгэй уонна Үөһээ Бүлүү нэһилиэктэригэр көрдөрүү намыһах, ол эрээри үлэ барар. Мэйиккэ, Намҥа, Боотулууга, Хороҕо баһаары сэрэтэр извещатель 50% ыалга тардыллан турар, атын нэһилиэктэргэ 70, 100%.

Нэһилиэктэр миэстэтигэр көрөн, аҕам саастаах дьон эргэрбит электропроводтарын саҥардыыга үлэлэһэргитигэр көрдөһөбүн.

@uoheebuluu

#планерка

✅Аахсыйалаах уопсастыба "Водоканал" Үөһээ Бүлүүтээҕи учаастагын туһунан салайааччы Евгений Тумусов:

- Кыстыкка бэлэммит. Емкостарбытын сууйан ыраастаатыбыт. Хочуолунай модернизацията - кыамтатын үрдэтиитэ быйыл кыаллыбата. Эһиил үлэ барар буолла.

Былырыын кыһын тахсыбыт саахал хатылламматын курдук үлэлэһэбит. Ол эрээри сир анныгар туох буолуон сөбүн киһи сэрэйэн билбэт.

Үөһээ Бүлүү үрдүнэн 11 уу колонката үлэлии турар. Уу лиитэрэтэ 43 харчыга тэҥ. Водоколонкаҕа киирэргэ анал карточкалаах буолуохтааххыт. Карточканы *Ситим* бөлөххө (сал.Л.Варвариков) пааспардаах уонна ханнык баҕар иккис докумуоннаах тиийэн оҥортороҕут. Бу каартанан туһанан ууну колонкаттан ылаҕыт.

@uoheebuluu

#барыбииргэ #сво #своихнебросаем

⭐️ Бу күннэргэ "Үөһээ Бүлүү" хаһыат редактора Кристина Семенова уонна шеф-редактор Мария Васильева "Дойдум тыына" иистэнэр сыахха кэлэн иистэнэн, улахан ииһи түмүктэстилэр.

Улуус дьаһалтата анал байыаннай дьайыыга барарыгар 50 плащ-палатканы тигэргэ сорудахтаан, былааны таһынан толордубут.

“Сололоох эбиппит буоллар, манна кэлэн иистэнэрбит буоллар үлэ үмүрүйүөх эбит”, - диэн кыргыттар санааларын үллэһиннилэр.

Сыахха үксүн "Көмүс сүүтүк" түмсүү эбээлэрэ көмөлөһөллөр. Үлэлэриттэн быыс булан кэлэн иистэнээччилэр да бааллар. Ол курдук, Валентина Николаевна Яковлева кэнники кэмҥэ ис сүрэҕиттэн кэлэн иистэнэр. Зоя Петровна Поскачина сыах үлэлиэҕиттэн бастакы күнүттэн илиитин араарбакка тигэр. Кини иискэ үөрэнэн, туттара сыыдам. Наталья Николаевна Егорова биир тутаах үлэһит. Эмиэ хара ааныттан баар. Бочуоттаах сынньалаҥҥа олорор буолан, биир да күнү көтүппэккэ кэлэн иистэнэр, дьулуурдаах иистэнньэҥ.

Бу көмө барыта кыайыыны чугаһатарыгар саарбахтаабаппыт!

Сонуннарга анаан Васма Иванова

«Үөһээ Бүлүү» хаһыат

#планерка

✅Улууска сокуону, бэрээдэги кэһии туругун туһунан Үөһээ Бүлүүтээҕи ис дьыала отделын бөҕөргөтөр салаатын салайааччыта, полиция майора Владислав Поскачин иһитиннэрдэ:

- Ааспыт нэдиэлэ устата 45 иһитиннэрии киирдэ, ол иһигэр 2 киһи өлүгэ көһүннэ (Боотулууга буолбут баһаарга), 1 дьиэттэн барыы, 11 түөкүннээһин бэлиэтэннэ.

@uoheebuluu

Улуу Ойуунускай төрөөбүт күнэ.
Саха советскай литэрэтиирэтин төрүттээччи.
Сахалартан бастакы лингвист-учуонай.
Саха судаарыстыбаннаһын төрүттээччи.
"Кыһыл Ойуун", "Улуу Кудаҥса","Сүүс сыллаах Улуу былаан", " Александр Македуонускай" о.д.а.айымньы ааптара.
Бииргэ төрөөбүт балта Мария Үөһээ Бүлүүгэ ыал буолан олорбута.
✊✊✊✊✊

🔸С 11 по 15 ноября в Якутии проводится неделя борьбы с диабетом. Она приурочена ко Всемирному дню борьбы с диабетом. ➡️➡️➡️ https://верхневилюйск-газета.рф/v-yakutii-nachalas-nedelya-borby-s-diabetom/

🎥🎥🎥Үөһээ Бүлүүтээҕи “Тускул” оҕо киинин иһинэн үлэлиир 🇷🇺«Оҕо саас сирдьиттэрэ” (Навигаторы детства) федеральнай бырайыак уонна Үөһээ Бүлүүтээҕи И.Н.Барахов аатынан орто оскуола көҕүлээһиннэринэн 🎬Үөһээ Бүлүүтээҕи "Хотун Бүлүү" ТРС кытта кыттыһан айымньылаах, дириҥ суолталаах 🇷🇺🎖️«СВОЙ ГЕРОЙ» биэриилэрин көрөргүтүгэр ыҥырабыт.

Биэриибит дьоруойа биһиги биир дойдулаахпыт, Үөһээ Бүлүүтээҕи көрдүүр-быыһыыр этэрээт начальнига, СР үөрэҕириитин туйгуна, СР көрдүүр-быыһыыр этэрээт туйгуна, анал байыаннай дьайыы кыттыылааҕа, “Отец солдата” анал бэлиэ хаһаайына 🎖️АН МИХАИЛ ВАСИЛЬЕВИЧ 👍🏻👏🏻👏🏻

Быйылгы сылга үйэ аҥаардаах үбүлүөйүгэр анаан билиҥҥи көлүөнэ ыччакка бэйэтин дьыалатынан үтүө холобур буолар, патриотическай иитиигэ кылаатын киллэрэ сылдьар биһиги дьоруойбутунан киэн туттабыт уонна итии истиҥ эҕэрдэбитин тиэрдэбит👏🏻👍🏻✊🏻✊🏻✊🏻

#Навигаторыдетства
#Росдетцентр