#ыһыах

✅ РФ Государственнай Дума дьокутаата, доруобуйа харыстабылын кэмитиэтин бэрэссэдээтэлин бастакы солбуйааччыта Федот Тумусов илии баттааһыннаах Махтал сурук Исиидэр Бараахап сопхуоска ыанньыксыттаабыт, сылгыһыттаабыт, үгүс күүстээх үлэҕэ сылдьыбыт дьоҥҥо ананна.

Ол курдук, Нам нэһилиэгиттэн билигин бочуоттаах сынньалаҥҥа олорор Николай Николаев, Юрий Саввинов, Каин Оконосов, Леонид Омукчанов, Владимир Гаврильев, Константин Степанов, Любовь Егорова, Лидия Алексеева, Спиридон Павлов, Тамалакаан нэһилиэгиттэн Афанасий Трофимов, Михаил Ботуев, Игнат Трофимов, Харбалаах нэһилиэгиттэн Олег Иванов, Михаил Борисов, Александр Григорьев, Людмила Федорова, Ороһу нэһилиэгиттэн Анна Ласточкина, Балаҕаннаах нэһилиэгиттэн Сусанна Ныннырова, Надежда Егорова, Альбина Адамова Госдума өйдөбүнньүк бэлиэтин кытта туттулар.

"Үөһээ Бүлүү"хаһыат

#ыһыах

⭐️ Үөһээ Бүлүүгэ Үрүҥ Тунах ыһыах арыллыыта саҕаланна.

Саха Өрөспүүбүлүкэтин Ил Дархана Айсен Николаев, СӨ култуураҕа уонна духуобунаска миниистирэ Афанасий Ноев, СӨ тутууга миниистирэ Виктор Романов, СӨ тыраанспарга уонна суол-иис хаһаайыстыбатын миниистирэ Владимир Сивцев, СӨ доруобуйа харыстабылын миниистирин бастакы солбуйааччыта Дмитрий Сергин, СӨ экологияҕа, ойуур хаһаайыстыбатыгар миниистири солбуйааччы Анатолий Алексеев уонна ыаллыы Бүлүү улууһун баһылыга Сергей Винокуров түһүлгэ маанылаах ыалдьыттара буолан кэллилэр.

Кымыс үрдүн охторууну улуус бэтэрээннэрин Сэбиэтин бэрэссэдээтэлигэр Уйбаан Чыычаахапка эрэниллэр.

"Үөһээ Бүлүү" хаһыат

#ыһыах

⭐️ "Төрүт түөлбэм - дьоллоох дойду" улуус Үрүҥ Тунах Ыһыаҕар

Түһүлгэ бэлэхтэрин дьоллоох билиэттэрин тардан таһаарбыт кырачаан ыһыахчыттар.

Сотору кэминэн сүрүн бэлэх - 150 тыһыынча уу харчынан оонньонуоҕа. Түһүлгэ бэлэҕин ылбыттар сүрүн түһүлгэҕэ чугаһааҥ.

@uoheebuluu