#бырабыыталыстыбаотчуота

✅ 50 сыллаах үбүлүөйүн бэлиэтээбит Үөдүгэй нэһилиэгин "Сардаана" оҕо уһуйаана олус эргэ дьиэҕэ үлэлии олорор. Сэбиэдиссэй Марианна Стручкова саҥа дьиэ тутуутун боппуруоһа хайдах быһыылаахтык түргэтиэн сөбүн ыйытта.

"Үөрэх министиэристибэтин эбийиэктэрин тутууга бу оҕо саада 12-с миэстэҕэ сылдьар, бырайыагын, сметатын докумуоннара оҥоһулуннаҕына уочарата өссө инники тахсан биэриэҕэ" - диэн СӨ экономика миниистирэ Петр Попов хоруйдаата.

"Үөһээ Бүлүү" хаһыат

#бырабыыталыстыбаотчуота

✅ Үөдүгэй нэһилиэгин бочуоттаах олохтооҕо, "Иэйии" сынньалаҥ киинин дириэктэринэн 20-тэн тахса сыл үлэлээбит Виктория Павлова 280 миэстэлээх Үөдүгэйдээҕи сынньалаҥ киин тутуутун боппуруоһун туоһуласта.

Бу киин тутуута 68-с миэстэҕэ турар эбит. Бастакы уочаракка Хомустаахха култуура киинин тутуута сылдьар.

"Үөһээ Бүлүү" хаһыат

#бырабыыталыстыбаотчуота

✅ Үөрэх управлениетын салайааччыта Спиридон Борбуев тиэхиньикэ гааһынан хааччылыннаҕына субсидияланарын бэлиэтээн туран, балаһыанньатыгар метан гааһынан эрэ диэн ыйыллыбытын эттэ. Маныаха Бүлүү бөлөх улуустарыгар пропанынан эрэ хааччыллан олорорун ыйда. Метаны сэргэ пропан диэн киллэттэрэри курдук үлэлэтэллэригэр көрдөстө.

Учууталлар хамнастарын култуура, бибилэтиэкэ үлэһиттэрин хамнастарыгар тэҥнииллэригэр этиннэ.

Үөрэх эйгэтин эбийиэктэрин тутуутун, улуус дивиденин суумата баһа-атаҕа биллэрин бэлиэтээн туран, инвестиционнай бырагыраамаларга киллэрэллэригэр этиннэ.

М.А.Алексеев аатынан өрөспүүбүлүкэ таһымнаах лицей-интернат үлэҕэ, үөрэххэ көрдөрүүтэ улуус үөрэҕириитин уопсай көрдөрүүтүгэр холбуу тутан көстөрүгэр баҕа санаатын этиннэ.

"Үөһээ Бүлүү" хаһыат

#Бырабыыталыстыбаотчуота

✅ Харбалаах орто оскуолатын дириэктэрэ Васмар Руфов элбэх дьону долгутар тыын боппуруостарга тохтоон ааста. Ол курдук, эдэр салайааччы бастатан туран оҕону сааһыттан, кылааһыттан тутулуга суох босхо аһатыыны хааччыйарга үлэ тоҕо барбатын, үөрэх босуобуйалара, кинигэлэрэ федеральнай үптэн тоҕо көрүллүбэтин туоһуласта.

Итиэннэ оҕоҕо көрүллэр көмө харчы (билигин көрүллэр араас төлөбүрдэр, оҕоҕо төлөнөр босуобуйалар) төрөппүтүттэн тутулуга суох барыларыгар төлөнүөхтээҕин бэлиэтээтэ. Ыал баайа-дуола, дьиэтэ, тиэхиньикэтэ манна сабыдыаллыа суохтааҕын ыйда.
Маны сэргэ, Исиидэр Бараахап төрөөбүт дойдутугар 90 миэстэлээх орто оскуола уонна 40 миэстэлээх оҕо саада биир бастакынан тутуллуохтааҕын эттэ. Дириэктэр этэринэн, бырайыага бүтэн, государственнай экспертизаны ааспакка турарын санатта. Бу тутуу уочаракка үһүс миэстэҕэ турар. Боротокуолга киллэриэх, бу боппуруостар тула үлэ ыытыах буоллулар.

@ulusmedia
@uoheebuluu

#бырабыыталыстыбаотчуота
#сво

✅ Анал байыаннай дьайыыга сулууспалыы сылдьар уол оҕолоох ийэ Валентина Тарасова араанньы буолбут байыастарга регионнааҕы биир кэмнээх көмө харчы биирдэ эрэ төлөнөрүн ыйан туран, иккистээн төхтөрүйэн араанньы буоллахтарына, федеральнай төлөбүр курдук, иккис төгүлүн төлөнүөхтээҕин ыйда. Бу боппуруоһу көрөллөрүгэр этиннэ.

Итиэннэ байыас ыал буолбатах, бэйэтэ төрөппүт оҕото суох буоллаҕына, ийэтин, аҕатын сэргэ бииргэ төрөөбүттэрин (Эдьиий, убай, балыс, быраат) анал байыаннай дьайыыга сулууспалыы сылдьар байыас дьиэ кэргэнин статуһугар киллэрэллэригэр этиннэ.

"Үөһээ Бүлүү" хаһыат

⭐️ Никита Деевич Архипов Үөһээ Бүлүүгэ СӨ ситэриилээх былааһын толорор уорганнарын үлэтин "үчүгэйинэн" сыаналыырга этии киллэрдэ. Мунньах кыттыылаахтара өйүүллэрин биллэрэн, ытыс тыаһынан бигэргэттилэр.

"Үөһээ Бүлүү" хаһыат

#бырабыыталыстыбаотчуота

✅ Ил Түмэн депутата Владимир Поскачин биир дойдулааҕа Джулустан Борисовы Бырабыыталыстыба бэрэссэдээтэлин солбуйааччытынан анаммытыттан, ону тэҥэ эдэр миниистирдэр, салайааччылар үлэлэриттэн астынарын биллэрэн туран тыа хаһаайыстыбатын салаатыгар ананар үбү-харчыны быһаччы тыа сиригэр - нэһилиэктэргэ биэрии боппуруоһун көрөллөрүгэр диэн этии киллэрдэ. Оччотугар өрөспүүбүлүкэ 400 нэһилиэгэ сайдыа, тыа дьонун олоҕо тупсуо, үлэтэ-хамнаһа таһаарыылаах буолуо этэ диэн бэлиэтээтэ.

"Үөһээ Бүлүү" хаһыат

💬 Отчет правительства Якутии: главные итоги третьего дня

💼📄 Правительственные группы продолжают отчитываться перед населением республики за 2023 год. Вчера отчет прошел в Верхневилюйском, Вилюйском и Усть-Алданском районах.

Краткие итоги прошедших встреч с населением - в нашем материале👇🏻

https://ulus.media/2024/02/08/otchet-pravitelstva-yakutii-glavnye-itogi-tretego-dnya/

@ulusmedia

🔬⚛️С Днем российской науки!

👏Поздравляем всех, кто увлечен наукой, исследованиями и открытиями! Пусть ваше любопытство и стремление к знаниям никогда не иссякают, а каждый новый день принесет вам удивительные открытия и успехи.

@ulusmedia