#Айардолбуура 📚📚📚📚

📕Туох барыта кэмнээх...

Кырдьыга оннук. Үйэттэн үйэ уу сүүрүгүнүү устан ааһан иһэр. Кэнэҕэски ыччакка бу үйэҕэ аатырбыт-сураҕырбыт киһи аата-суола уос номоҕор хаалар. Саха истэринэн уонна көрөрүнэн атын омуктардааҕар ураты мындыр үһү. Сатаан истэр буолан иччэлээх бэйэлээх олоҥхолорбутун хас эмэ үйэ тухары илдьэ сырыттахпыт. Сатаан көрөр буоламмыт, бултааҕар буолуох ойууга-оһуорга тиийэ ураммыт буоллаҕа эбээт. Оттон сатаан истэр уонна көрөр киһи мэйиитэ атын дииллэр. Ол кырдьык.
Оччотугар үйэттэн үйэҕэ илдьэ сылдьар ааттарбытыттан саатар чугастыы соҕустарын билиэхтээх буоллахпыт диэбиттии, “Айар” кинигэ кыһата бу сыллар усталарыгар ойууннарбыт-удаҕаттарбыт туһунан балачча элбэх таһаарыыны бэлэхтээтилэр.

суруйда Анисим Неустроев

Күндү сурутааччыларбыт, өрөбүл күнү туһалаахтык атаарыҥ📚❤️
#Үөһээбүлүүхаһыат

#айардолбуура #кырачааннарга

❤️Иитэр-аһатар дьоммутугар
📚📚📚📚📚📚📚
Хайа, мөлтөөн-тохтоон биэрдэххэ хойут иитэр-аһатар дьоммут, кэнэҕэски кэнчээрибит оҕолорбут, сиэннэрбит эбээт. Олох кинилэр тустарыгар ананар. Борбуйдарын көтөҕө иликтэриттэн кинилэри киһилии иитээри, кыраҕа кыайтарбат күүстээх-уохтаах, өйдөөх-санаалаах дьон гынан хааллараары үөһэ-аллара түһээхтиибит эбээт.
Оттон оҕоҕо анаан эмиэ баарбытын-суохпутун да туран биэрэри кэрэйбэт кырдьаҕастар, ордук бу кэнники кэмҥэ, барыны, бастыҥы кинилэргэ эрэ аныыбыт, тобула сатыыбыт дииллэрэ оруннаах.

Анисим Неустроев

#Үөһээбүлүүхаһыат