Агростартап-2022 критерийдара бу бааллар. Быйыл улахан уларыйыы суох дииллэр.

Куонкурус бастакы түһүмэҕэр сайаапкаҕытыгар холбуу киллэрэр докумуоннаргытынан баал туруораллар. Ол критерийдара бу сылдьаллар. Манна баайгыт-дуолгут бэйэ бас билиитигэр баара докумуонунан бигэргэммит буоллаҕына - муҥутуур баалы ылаҕыт.

Таарыйа докумуоннаргыт дьиҥнээхтэрэ бэрэбиэркэлэнэр, иэскит-күүскүт эмиэ көрүллэр.

Иккис түһүмэххэ ааспыттар бизнес-былааҥҥытынан презентацияҕытын хамыыһыйа иннигэр көмүскүүгүт. Презентация флешкаҕа угуллар, кумааҕыга эмиэ таһаарыллар уонна сайаапканы кытта тэҥҥэ туттарыллар.

5 пууҥҥа болҕомтоҕутун ууруохпун баҕарабын. Былырыын итиннэ доҕорум хотонун, гарааһын докумуоннаппыппыт. Реестрга киллэриллибит докумуон буолуохтаах. ЕГРН дэнэр. Наименованиетыгар "производственный объект" диэн суруллубут буолуохтаах. Тута 10 баал суруллубута. Үгүс дьон манна баал ылбаттар. Дьиҥэр производственнай эбийиэги докумуоннатыы - тустаахха бэйэтигэр үчүгэй буоллаҕа.

Бэлэмнэниҥ✅

#агростартап2023 #тыасирэ

Үөһээ Бүлүү улууһун фермердарыгар бүгүн МТЗ тыраахтырдары туттараллар. Барыта 9.

Бу туһунан Сургуулук нэһилиэгиттэн фермер Александр кэпсээтэ, видео түһэрэн ыытта. "Бу ылаары кэллибит. Билигин да итэҕэйбэккэ олоробут. Тыраахтырдары парадтаан киллэрдилэр. Төлөбүрэ 50/50-ҥа. Уопсай сыаната 2 мөл 100 солк. Олус улахан өйөбүл, улууспут дьаһалтатын өттүттэн", - диэтэ кини✅☀️🔥

#тыасирэ #үөһээбүлүү #фермер

Биэ эмиийэ (малина) - саамай сөбүлүүр отонум. Сиирбин да, хомуйарбын да.

Биир дьыл наһаа да элбэх үүммүтэ. Биир баах барыанньа оҥорбутум.

Малина анньыыларга үүнэр. Аны сэппэрээгэ хатыылаах. Онон хомуйарга эрэйдээх соҕус да буоллар, оннооҕор хат сылдьан тарапачыһан үргүүрүм. Ийэм барсар этэ, аны охтон түһүө диэн, манаан.

Биирдэ бииргэ үлэлиир дьоммун кучуйан илдьэ бардым. Бары айуу-айа, абытай-татакай буолаллар. Бүтэһигэр Полина-Малина диэн ааты иҥэрбиттэрэ. Малинаны хомуйууга чахчы сатабыл наада.

#тыасирэ #биээмиийэ #отонкэмэ

"Агростартап-2022" кыайыылааҕа Николай Григорьев Үөһээ Бүлүү улууһун Кырыкыйыгар агробизнеһин тэринэн, хороҕор муостааҕы дэлэтэн, үүт ыан, онтун туттаран, дохуот аахсан, биэс сыллаах былаанын толорор.

Сүөһү көрүдьүөһэ элбэх буоллаҕа. Онтон биир түгэн бу видеоҕа көстөр.

Дьэ Чубуку барахсан 😁👏🏻

#тыасирэ #агростартап

Тыа хаһаайыстыбатын үлэһиттэрин күнүнэн эҕэрдэлиибин! Хорсун, сайдыыга бигэ сыаллаах, бөҕө туруктаах, кыһалҕаттан чаҕыйбат дьон бу эйгэни талаллар дии саныыбын.

Холобура бу хаартыскаҕа баар "ынах арыыта" эн остуолгар кэлэн туруоҕар диэри төһөлөөх көлөһүн тохторо буолуой? Эбэтэр ис миинэ. Урут ырыынактан 1 кг иһи 400 солк ыларбын ыарырҕатар этим. Билигин киилэ иһи атыыга таһаарарга баранар кыаҕы, ороскуоту ааҕан баран, санаам атын.

Сүөһү сааҕын ыраастааһынтан саҕалаан, оттооһуҥҥа, ынаҕы ыаһыҥҥа диэри... биир күн өрөбүлэ суох үлэ!!!

Москваҕа буолан ааспыт "Көмүс күһүн" быыстапкаҕа сахалар 48 кыһыл көмүс мэтээли ыллылар. Манна "Саха сүөһүтэ" тэрилтэ оҥорон таһаарар ынаҕын арыыта, Мэҥэдьэгин кымыһа, иһин үөрэтэ бастыҥнарынан ааттаннылар. Бу буоллаҕа дии дьону доруобай, хаачыстыбалаах, бэйэ аһынан хааччыйыы диэн.

Саха сирин олохтоохторун остуолларыгар куруутун сибиэһэй үрүҥ ас, эт, балык, сир аһа, үүнээйи дэлэйдик уурулларыгар туруулаһар ДЬОММУТУГАР махталбытын биллэриэҕиҥ❤️

#тыасирэ #тыахаһаайыстыбата

Көрүүҥ, мин сыр оҥордум👍😋😋😋 Алҕаска😅

Үүт туттарар сиргэ кыайан илдьибэккэ, икки хоннорбут үүппүтүн үллэрээ күннээххэ "ээ чэ" диэн баран эрийэн кэбистибит. Бэртээхэй сүөгэй буолла. Эриллибит үүтүнэн бурдук аһа оҥордум, ордугун холодильникка ууран кэбистим.

Бүгүн көрбүтүм үүтүм бөлөнүйэн хаалбыт. Иэдьэгэй оҥорор эбиппин диэн, кыра уокка оргута уурдум.

Арай... иэдьэгэй буолбакка, сыр буолан таҕыста. Уута туспа арахсан, аһа сымыыт курдук бөлөхтөнөн таҕыста. Ууннары тардан көрбүппүт - "тянучка"👍

Дьиктиргээһин бөҕө буоллубут эрээри, тоҕо эрэ төлөпүөҥҥэ устар туһунан санаан да көрбөтөхпүт😅

Иһиккэ кутан, холодильникка уурдубут. Киэһэ аһылыкка үөрэ-көтө сиэн кэбистибит👍😋

Биллэн туран, туох да эппэтибит. Олох натуральнайынан. Оҕолор олус сөбүлээтилэр: ким туустаан, ким хартыыһалаан, ким кетчуптаан сиэтилэр.

#тыасирэ #бэйэаһа

Үтүө өрөбүллэри☀️✅

#тыасирэ #хоточчу #ынах