#Хоро

Бүгүҥҥү отчуот спорт саала дириэктэрэ, Хоро нэһилиэгэр өр сылларга баһылыктаан олорбут Семен Чиряевка сэмэй кылаатын сыаналаан, өрөспүүбүлүкэ 100 сылын чэрчитинэн, наҕарааданы туттарыыттан саҕаланна🥳👏🏻

#Хоро

Бочуоттаах сынньалаҥҥа олорор Илья Ильич ТКО - кытаанах эттиктээх бөҕү-саҕы урукку курдук миэстэтигэр дьаһанан олорор наадалааҕын ыйда. Үөһээ Бүлүү сыбаалкатыгар ыйын ахсын илдьэн тохпотторун, кураанахтыы харчы хомуйуута буоларын эттэ.

Куйаас да, тымныы да күннэргэ бөх тиэйэр дьону күүтэр эрэйдээҕин бэлиэтээтэ.

Эппиэт: олохтоох дьаһалта нэһилиэктэн бэдэрээччит быһыытынан оператор булунан, үлэлэтиэн сөп.

#Хоро

Акушерка Туйаара Николаева балыыһа тутуутун туруорсар.

Балыыһа 1961 сыллаах тутуу, манна Оҥхой, Мэйик, Дүллүкү нэһилиэктэрин ыарыһахтара сытан эмтэнэллэр.

Эппиэт: Олохтоох балыыһа тутуута 2025 сылга былааҥҥа сайаапка быһыытынан киирбитэ.
Кэлэр икки сылга Кырыкыйга ФАП, ол кэннэ улуус киинигэр оҕо поликлиникатын тутуулара былааҥҥа тураллар. Ол кэннэ, үлэ хаамыытынан барыахтаах.

#Хоро

Учуутал Мариса Николаева Хоро биэрэгин бөҕөргөтүүтүн үлэтин туоһулаһар.

Бырайыагын суумата 7 мөлүйүөн 404 тыһыынча, уопсай үлэтэ
60 мөлүйүөн суумалаах.

Эппиэт: үлэ бара турар, инники былааҥҥа баар.

#Хоро

Баһылык солбуйааччыта Василий Петров дьаһалта үлэһиттэрин хамнаһа кэлиҥҥи сылларга 3% эрэ үрдээбитин бэлиэтиир.

Эппиэт: Хамнас быһаччы нэһилиэнньэ ахсааныттан тутулуктаах. Үлэ министиэристибэтин дааннайынан, 2022 сыл түмүгүнэн хамнас 6-7,7 % диэри үрдээбитин бэлиэтээтилэр.

#Хоро

Саргылаана Евдокимова оҕо саад саастаах оҕолорго сатаан саҥарбат, мөлтөхтүк саҥарар оҕолорго логопед штатын элбэтиини ыйытар.

#отчуот

#Хоро
Өр сылларга Хоро нэһилиэгин баһылыгынан үлэлээбит Семен Чиряев саха тылын сайдыытыгар, оскуолаҕа төрүт тылбытын үөрэтэр чааһы элбэтиигэ тус санаатын этиннэ.

Итиэннэ ардаҕы түһэрэр былыты ыытыы, өртөөһүн, кулууп тутуутун, гаас киириитин боппуруостарын таарыйда.

Эппиэт: төрөөбүт тылы уонна литератураны үөрэтии чааһа ФГОС ирдэбилинэн үлэлиир. 2022 сыллаахха саха тылын учууталларын сийиэстэрэ тэриллибитэ. Онон тылбыт симэлийбэтин туһугар улахан болҕомто ууруллар.

#отчуот

#Хоро
2023 cылтан Үөһээ Бүлүү улууһа Саха сиригэр бастакынан пилотнай быраһыак быһыытынан сааскы өртөөһүнү саҕалыырын биллэрэр.

Эппиэттиир улуус аҕа баһылыгын солбуйааччыта Андрей Петров.

#отчуот

#Хоро
Нэһилиэк баһылыга Альберт Иванов кулууп тутуутун туоһуласта. Кулууп олус эргэ, тымныы, тутуллубут сыла чуолкайа суох, көһөрөн тутуу буолара ыйылынна.

Эппиэттиир Үп-харчы министиэристибэтин миниистирин солбуйааччы Гаврил Алексеев.

Мунньах биһирэбилинэн түмүктэннэ, 90-тан тахса киһи кыттыыны ылла👏🏻👍🏻