Үөһээ Бүлүү улууһун ааттата сылдьар ини бии мадьыныларбытын - Эрчим уонна Харысхан Баппаҕайдары кытта бүгүн көрүстүм.

Эрчим Баппаҕай мас тардыһыыга Россия спордун маастара, Россия Чемпиона, Олимпийскай чемпион Р.М.Дмитриев аатынан бүтүн Россиятааҕы күрэх чемпиона, Аан Дойду Кубогын чемпиона, Россия чемпионатын хас да төгүллээх призера.

Эрчим быраата Харысхан Баппаҕай бу сыл алтынньы 14-16 күннэригэр Владикавказ куоракка буолан ааспыт бүтүн Россиятааҕы тустууга студеннар турнирдарыгар 125 киилэ ыйааһыҥҥа Чемпионнаан кэллэ.

Харысхан Үөһээ Бүлүү улууһун эрэ аатын буолбакка бүтүн Саха Сирин аатын улахан турнирга ааттатта. Кини билигин Хотугу Осетияҕа физкультура үрдүк үөрэҕин 3-с курс устудьуона, дойдутугар каникул кэмигэр кэлэн биһигини кытта үөрүүтүн үллэһиннэ.

Сэргэх кэпсэтиигэ Үөһээ Бүлүүгэ көҥүл тустуу, хапсаҕай сайдыытын, ыччаттары спортка сыһыаран иитии туһунан кэпсэттибит.

Эрчимҥэ уонна Харысхаҥҥа үрдүктэн үрдүк ситиһиилэри, өссө саҥа кыайыылары, чэгиэн доруобуйаны баҕарабыт!

#МолодежьВерхневилюйска
#ВерхневилюйскийУлус

t.iss.one/ValeriNikolaev