Ахсынньы 5 күнүгэр, Дьокуускай куораттан өрөспүүбүлүкэтээҕи уйулҕа киинин салайааччыта, психолог Скрябин Владимир Борисович, солбуйааччыта - уйулҕа киинин төрүттэһээччи, психолог Туприна Октябрина Ксенофонтовна уонна Бүлүүтээҕи уйулҕа киинин филиалыттан психолог Иванова Саргылана Николаевна үлэ сырыытынан Үөһээ Бүлүүгэ кэллилэр.

Сарсыарда өттүгэр нэһилиэнньэ психологическай харысхаллаах буолуутугар, чуолаан анал байыаннай дьайыы кыттыылаахтарын психологическай туруктарыгар анаммыт нэһилиэк баһылыктара кыттыылаах Семинар ыытылынна.

Бу ый бүтүүтэ Үөһээ Бүлүүгэ өрөспүүбүлүкэтээҕи уйулҕа киинин филиала Сбербанк дьиэтигэр арыллара билиннэ. Филиалга икки психолог үлэлиэҕэ.

Ахсынньы 9-с күнүгэр бастакы психолог үлэтигэр тахсыаҕа.

Билигин киһи ис туруга, уйулҕата сатарыыр кыахтаах кэмигэр хас биирдии улууска үөрэхтээх психолог баар буолара ирдэнэр. Психологтар анал байыаннай дьайыы кыттыылаахтарыган уонна дьиэ кэргэттэригэр эрэ буолбакка нэһилиэнньэҕэ психологическэй өҥөнү оҥоруохтара. Өрөспүүбүлүкэтээҕи уйулҕа киинин филиалын психологтара дьиэ кэргэн боппуруоһугар, улаатан эрэр оҕолорго, ыарахан түгэҥҥэ түбэспит дьоҥҥо өйөбүл, көмө буолуохтара.

#ЦентрПсихологическойПомощи
#ВерхневилюйскийУлус

t.iss.one/ValeriNikolaev