Ытыктабыллаах Үөһээ Бүлүүтээҕи техникумун устудьуоннарын, уһуйааччыларын, үлэһиттэрин, бэтэрээннэрин "Үөһээ Бүлүү улууһа" муниципальнай оройуон дьаһалтатын аатыттан уонна тус бэйэм ааппыттан дойдуга бэлиэтэнэр орто анал үөрэх күнүнэн итиитик-истиҥник эҕэрдэлиибин!

Быйыл Үөһээ Бүлүүтээҕи техникум үбүлүөйдээх 50 сылын бэлиэтээбитэ. Техникум 50 сыл устата Бүлүү түбэтин улуустарыттан эрэ буолбакка, бүтүн өрөспүүбүлүкэ араас муннугуттан оҕолору түмэн үөрэтэр, идэни биэрэр.

Үөһээ Бүлүүтээҕи техникум кэлиҥҥи сылларга биллэ сайдан, үөрэх бырагыраамматын кэҥэтэн, эдэр ыччаты иитиигэ, үөрэхтээһиҥҥэ сүҥкэн кылааты киллэрэр.

Манна үлэлиир уһуйааччылар олох бары эйгэтигэр бэлэмнээх, үтүө үлэһит дьону үөрэтэн-иитэн таһаараллар. Бу ыытар үлэҕит иһин махталбыт муҥура суох.

Убаастабыллаах орто анал үөрэхтээһин үлэһиттэрэ! Иитэр-үөрэтэр үлэҕит үтүө түмүктээх, үрдүк көрдөрүүлээх буоллун.
Күндү устудьуоннар! Үөрэх кыһатыгар ылбыт билиигитин тус олоххутугар туһаҕа таһааран, ситиһиилээх, үтүө үлэһит дьон буолуҥ!

#ДеньСПО
#ВерхневилюйскийТехникум

t.iss.one/ValeriNikolaev