Быйыл Далыр оскуолатыгар "Земский учитель" федеральнай бырагыраамма конкурсугар кыайан Тыва өрөспүүбүлүкэтиттэн үрдүк категорялаах математика учуутала Донгак Шончалай Хажыт-ооловна үлэлии кэлэрэ күүтүллэр.

"Земский учитель" бырагыраамманнан улууспутугар Боотулуу, Сургуулук оскуолаларыгар - математика, Туобуйа оскуолатыгар - биология уонна химия учууталлара ситиһиилээхтик үлэлииллэр. Улуус оскуолаларыгар уопсайа 54 учуутал миэстэтэ аһаҕас.

Улуус үрдүнэн 24 оскуола, 15 оҕо уһуйаана, 6 эбии үөрэхтээһин дьиэлэрэ оҕолору көрсөргө бэлэмнэрин туһунан үөрэҕэрии салалтатын салайааччыта Юрий Васильевич Кынатов иһитиннэрдэ.

Аҕыйах хонугунан бары оскуолаларга маҥнайгы чуораан чугдаарыа. Быйылгы үөрэх сылыгар Үөһээ Бүлүү улууһугар 320 оҕо бастакы кылааска үөрэнэ киирээри маҥнайгы чуорааны долгуйа кэтэһэллэр.

#УчебныйГод
#Образование
#ҮөһээБүлүү

t.iss.one/ValeriNikolaev