Быракаан нэһилиэгин Далбар Хотуттара ойуур баһаарыгар үлэлии сылдьар дьоннорун өйөөн, кинилэргэ тирэх буолан күн ахсын мунньустан сылаас, минньигэс аһы астыыллар.

"Олохтоох дьаһалта дьиэтигэр итии аһылык өрүү бэлэм, ону таһынан баһаар буола турар 4 сиргэ ыһык (итии аһылык, бурдук аһа, иһэр уу) тохтоло суох бара турар," - диэн олохтоох нэһилиэнньэ сонуннарын ватцап группаҕа үллэстэллэр.

Эр дьон уоту кытта охсуһар кэмнэригэр кэрэ аҥаардарбыт кинилэргэ күүстээх дурда-хахха, бөҕө тирэх буолалларын биллэрдилэр. Бу маннык өйөбүл, кыһамньы ойуур баһаарын умуруорааччыларга күүһү-уоҕу биэрэр.

Бары бу курдук түмүстэхпитинэ туох баар улууспутугар турбут ойуур баһаардарын кыайа тутар кыахтаахпыт диэн эрэл кыымын сахпыт күндү кэрэ аҥаардарбытыгар барҕа махтал!

#ТүмсүүСыла
#Быракаан
#ВерхневилюйскийРайон

t.iss.one/ValeriNikolaev

Өргүөт, Быракаан нэһилиэктэрин территориятыгар буола турар ойуур баһаардара тыалтан, кураантан күүһүрэн уот линятыгар тиийдэ. Икки нэһилиэккэ билиҥҥи туругунан интернет, сотовай сибээс уонна уот суох.

Дьокуускай куораттан икки 200кВт күүстээх дизельнай генератордар айаннаан иһэллэр.

Өргүөт уонна Быракаан нэһилиэктэрин олохтоохторун төһө кылларынан түргэнник уотунан хааччыйарга үлэ ыытыллар.

Уоту утары охсуһууга бары күүһү уурабыт.

#ЛесныеПожары
#ВерхневилюйскийРайон

t.iss.one/ValeriNikolaev