Биэ эмиийэ (малина) - саамай сөбүлүүр отонум. Сиирбин да, хомуйарбын да.

Биир дьыл наһаа да элбэх үүммүтэ. Биир баах барыанньа оҥорбутум.

Малина анньыыларга үүнэр. Аны сэппэрээгэ хатыылаах. Онон хомуйарга эрэйдээх соҕус да буоллар, оннооҕор хат сылдьан тарапачыһан үргүүрүм. Ийэм барсар этэ, аны охтон түһүө диэн, манаан.

Биирдэ бииргэ үлэлиир дьоммун кучуйан илдьэ бардым. Бары айуу-айа, абытай-татакай буолаллар. Бүтэһигэр Полина-Малина диэн ааты иҥэрбиттэрэ. Малинаны хомуйууга чахчы сатабыл наада.

#тыасирэ #биээмиийэ #отонкэмэ

"Агростартап-2022" кыайыылааҕа Николай Григорьев Үөһээ Бүлүү улууһун Кырыкыйыгар агробизнеһин тэринэн, хороҕор муостааҕы дэлэтэн, үүт ыан, онтун туттаран, дохуот аахсан, биэс сыллаах былаанын толорор.

Сүөһү көрүдьүөһэ элбэх буоллаҕа. Онтон биир түгэн бу видеоҕа көстөр.

Дьэ Чубуку барахсан 😁👏🏻

#тыасирэ #агростартап

Тыа хаһаайыстыбатын үлэһиттэрин күнүнэн эҕэрдэлиибин! Хорсун, сайдыыга бигэ сыаллаах, бөҕө туруктаах, кыһалҕаттан чаҕыйбат дьон бу эйгэни талаллар дии саныыбын.

Холобура бу хаартыскаҕа баар "ынах арыыта" эн остуолгар кэлэн туруоҕар диэри төһөлөөх көлөһүн тохторо буолуой? Эбэтэр ис миинэ. Урут ырыынактан 1 кг иһи 400 солк ыларбын ыарырҕатар этим. Билигин киилэ иһи атыыга таһаарарга баранар кыаҕы, ороскуоту ааҕан баран, санаам атын.

Сүөһү сааҕын ыраастааһынтан саҕалаан, оттооһуҥҥа, ынаҕы ыаһыҥҥа диэри... биир күн өрөбүлэ суох үлэ!!!

Москваҕа буолан ааспыт "Көмүс күһүн" быыстапкаҕа сахалар 48 кыһыл көмүс мэтээли ыллылар. Манна "Саха сүөһүтэ" тэрилтэ оҥорон таһаарар ынаҕын арыыта, Мэҥэдьэгин кымыһа, иһин үөрэтэ бастыҥнарынан ааттаннылар. Бу буоллаҕа дии дьону доруобай, хаачыстыбалаах, бэйэ аһынан хааччыйыы диэн.

Саха сирин олохтоохторун остуолларыгар куруутун сибиэһэй үрүҥ ас, эт, балык, сир аһа, үүнээйи дэлэйдик уурулларыгар туруулаһар ДЬОММУТУГАР махталбытын биллэриэҕиҥ❤️

#тыасирэ #тыахаһаайыстыбата

Көрүүҥ, мин сыр оҥордум👍😋😋😋 Алҕаска😅

Үүт туттарар сиргэ кыайан илдьибэккэ, икки хоннорбут үүппүтүн үллэрээ күннээххэ "ээ чэ" диэн баран эрийэн кэбистибит. Бэртээхэй сүөгэй буолла. Эриллибит үүтүнэн бурдук аһа оҥордум, ордугун холодильникка ууран кэбистим.

Бүгүн көрбүтүм үүтүм бөлөнүйэн хаалбыт. Иэдьэгэй оҥорор эбиппин диэн, кыра уокка оргута уурдум.

Арай... иэдьэгэй буолбакка, сыр буолан таҕыста. Уута туспа арахсан, аһа сымыыт курдук бөлөхтөнөн таҕыста. Ууннары тардан көрбүппүт - "тянучка"👍

Дьиктиргээһин бөҕө буоллубут эрээри, тоҕо эрэ төлөпүөҥҥэ устар туһунан санаан да көрбөтөхпүт😅

Иһиккэ кутан, холодильникка уурдубут. Киэһэ аһылыкка үөрэ-көтө сиэн кэбистибит👍😋

Биллэн туран, туох да эппэтибит. Олох натуральнайынан. Оҕолор олус сөбүлээтилэр: ким туустаан, ким хартыыһалаан, ким кетчуптаан сиэтилэр.

#тыасирэ #бэйэаһа

Үтүө өрөбүллэри☀️✅

#тыасирэ #хоточчу #ынах

#нам #тыасирэ

Үөһээ Бүлүү улууһун Нам нэһилиэгэ хараҥаҕа үөһэттэн көстүүтэ🤩

Нэһилиэккэ сырдатыы үлэтэ күүскэ барбыта көстөр👍🏻⚡️

Никита Никифоров устуута 🎥

“Үөһээ Бүлүү" хаһыата.
@ulusmedia
@uoheebuluu

#Тыасирэ #Маҥаас #Тылгыны

Маҥаас нэһилиэгэ уонна Бүлүү Тылгынытын дьоно-сэргэтэ өрдөөҕүттэн доҕордуу сыһыаннаахтар. Бу үтүө үгэстэрэ быйыл 55 сылын хатыланар👍🏻

Маҥаас олохтоохторо ыалдьыттарын уруйдуу-айхаллыы көрсөллөр🤩👏🏻👏🏻👏🏻
Бырааһынньык икки күн салҕаныаҕа🫶🏻

https://vk.com/video-221353464_456239020?list=8c445f9ca1430be1b8

Открытие быһа биэриитин бу сигэнэн киирэн көрүҥ: Тылгыны-Маҥаас❤️

@ulusmedia