#хорсунбыһыы

⭐️ Икки оҕону ууттан быыһаабыт хорсун эбээ - Наталья Дмитриева

Бэҕэһээ, от ыйын 10 күнүгэр эбиэт кэннэ ууга былдьанан эрэр оҕолору биир биэнсийэлээх дьахтар быыһаабыт диэн сурах ватсап ситимин устун тарҕанна.

Биһиги бэҕэһээҥи дьоруойу буллубут. Наталья Алексеевна Дмитриева Туобуйаттан төрүттээх Үөһээ Бүлүү олохтооҕо эбит. Өр сылларга Ньурба Үөдэйигэр олорон баран 8 сыллааҕыта кэргэнинээн дойдутугар көһөн кэлбит. Төһө да биэнсийэлээх диэтэллэр, билигин да үлэлии сылдьар эбит. Н.И.Бойлохов аатынан оҕо искусствотын оскуолатыгар ырааһы тутар, көрөр-истэр үлэлээх. Бу тэрилтэҕэ үлэлээбитэ ахсыс сылыгар барбыт.

Бэҕэһээ эрдэттэн сөтүөлүүр санаата суох эбит да буоллар, тоҕо эрэ эмискэ 15 чааһы ааһыыта сөтүөлүү киирбит. Кэргэнэ массыынанан эбэҕэ киллэрэн, биэрэккэ көрөн олорор үгэстээх эбит.

- "Кэргэним ууга киирэрин хаһан да көрбөтөҕүм, төрүт сөтүөлээбэт киһи. Биэрэккэ ууттан тахсан сынньана олордохпуна, арай оҕолор хаһыылара иһиллибитэ. Чугас эргин оҕолордоох дьахталлар олороллоро. Оҕолор хаһыытыылларын истэн эргим-ургум көрүтэлээбиттэрэ. Тула өттүбүн көрүммүтүм, ким да сүүрэн киириэх айылаах кими да көрбөтөҕүм. Өйдөөн көрбүтүм, ыраах икки оҕо төбөтө ууттан сүтэ-сүтэ көстөллөрө.

Мин "быыһааҥ" диэн хаһыыны чуолкай истэн баран, миигин ыҥыраллар дии санаабыт курдук, ойон турдум да, тугу да толкуйдуу барбакка, сүүрэн тиийэн ыстанан кэбиспиппин бэйэм да өйдөөбөккө хаалбытым. Харбаан барбытым.

Урукку киһи буолан ыттыы эрэ сатаан харбыыбын. Төһө да ырааҕын иһин харбаабытым. Атаҕым сири билбэт буолар дириҥтэн, дьиҥэр, куттанар этим. Ол эрэн ол түгэҥҥэ куттанарбын да санаабатах эбиппин.

Харбаан тиийэн баран, илиибин биэрдэхпинэ кыайан харбыам суоҕа диэммин, кыыска "атахпыттан тутус" диэтим. Кыыһым, хата, атахпын харбаан ылан тутуста. Онтон тутуһаат да "бырааппын" диэн хаһыытаата. "Бырааккын илиититтэн харбаан ыл" диэтим. Оннук сосуһан харбаан кэллибит. Ол иһэн санныбыттан тутус диэн, сотору атаҕыҥ сири билиэҕэ, харбыы сатаа диэн саҥара, уоскута истим.

Атахпыт кумахха тиийбитин кэннэ тахсан истэхпитинэ биир эдэр киһи сүүрэн кэлэн уолу харбаан ылбыта. Кыыс биэрэккэ хааман тахсан баран, олоро түһээт, ытаан барбыта. Мин көрдөхпүнэ, 5-6 кылаас оҕолоро курдук этэ.
Бэйэм да тыын быһаҕаһынан тыынан биэрэги булбутум. Чугас эргин олорбут дьахталлар сатаан харбаабат буолан киирбэтибит дэспиттэрэ. Бэйэм да уолуйан хаалбытым, инньэ гынан, хайдах киирэн тахсыбыппын билбэккэ да хаалбытым.

Сайын аайы сиэммин киллэрэн сөтүөлэтээччибин. Ыраах барбатын курдук көрөр үгэстээхпин", - диэн дьоруойдуу дьыаланы оҥорбут хорсун кэрэ аҥаар буолуохтааҕын курдук кэпсээтэ.

Арай бу күн кини эбэҕэ киирбэтэх буоллун? Ким да бу оҕолорго сүүрэн тиийбэт дуо?
Бэйэни умнан туран атын дьон олоҕун быыһыырга дьулуһар дьон диэн туһунан. Оттон икки кырачаан оҕо олохторун быыһаабыт ийэ, эбээ хорсун быһыыта үрдүкү наҕарааданы ылар аналлаах. Бу быыһаммыт оҕолор төрөппүттэрэ махтаныах эрэ тустаахтар.

✅ Төрөппүттэр оҕолоргутун көрүүтэ-истиитэ суох өрүскэ ыытымаҥ. Оҕо төрөппүттэрин, улахан дьону кытта эрэ сөтүөлүү барыахтаах. Улахан ууга ыраах барбаттарын курдук сэрэтэр, кэпсэтэр наада. Улахан массыыналар кумах таспыт сирдэрэ буолан улахан дьаамалары үөскээбиттэр, онон отой сэрэхтээхтик сылдьар ирдэнэр. Анал бэлиэ туруоруллубут миэстэтигэр эрэ сөтүөлүүр көҥүллэнэрин умнумаҥ.

"Үөһээ Бүлүү" хаһыат

#сво #своихнебросаем

⭐️ Улуус отоһуттара иистэнэр сыахха бэлэх оҥордулар

"Күүппэтэх өттүбүтүттэн көмө кэллэ. Саҥа үүнүү ҮӨРЭ ОТУН (кыа ото) хомуйан хатарбыттарын "Үнүгэс" отоһуттар бөлөхтөрүн ааттарыттан аҕалан туттардылар. Үөрэ отунан эмтэниэххэ да арчыланыахха да сөп. Бу курдук, сайын устата хомуйан, хатаран хааһаанан, УОЛАТТАРБЫТЫГАР ЫЫТТАХПЫТЫНА ТУҺАНЫАХ этилэр. Инникитин "Үнүгэстэри кытта үлэлэһэргэ сүбэлэстибит", - диэн "Дойдум тыына" иистэнэр сыах салайааччыта Васма Иванова сонунун үллэһиннэ.

"Үөһээ Бүлүү" хаһыат

#суруйаллар

⭐️ Икки оҕо олоҕун быыһаабыт Наталья Дмитриеваҕа хоһоон анаабыттар

САХА ДЬАХТАРЫГАР

Кини Ийэ, кини Эбээ,
Саха далбар Хотуна,
Ийэ сүрэҕэ тэптэҕэ,
Быыһа диэн соруйдаҕа.

Дьириҥ далай чүөмпэбит,
ыйыстарга соруммут,
Киэҥ маҕалай ап- чарайыгар
сөрөөбүт.

Икки кырачаан оҕону,
сэрбэллибит барахсаттары ,
Хараҥа чөҥөрө уу далайа,
будулуйа оргуйбут.

Эдэр дьоммут эппэт кэлэҕэй
буолбуттар,
Атахтара кыаһыламмыт,
илиилэрэ баайыллыбыт.

Быыһыыр санаа күдэнҥэ
көппүт.
Хамсыыр кыах таһыччы
бэриммит.

Арай Ийэ -Эбээ хорсун
дьахтар,
Өлөрүн утуйарга холообут,
харбаабатын умнубут.

Күндү көмүс чыычаахтары
көмүскүүргэ санаммыт,
Күөх далайга ыстаммыт,
модун күүстүүн турууласпыт.

Саха хорсун дьахтара,
Ийээ -Эбээ барахсан,
Хантан ылбыт күүһэй кини,
Айылҕата таттаҕа, Ийэ сүрэҕэ
тэптэҕэ.

Сүгүрүйэбит Ийэҕэ, хорсун-
хоодуот Эбээҕэ,
Саха дьахтарын күүһүгэр,
булгуруйбат айылгытыгар.

ДЬӨГҮӨР. ТААТТА.

@uoheebuluu

Рецепт защиты денег от инфляции

🔸 Возьмите свои деньги

🔸 Положите часть на вклад

🔸 Для любителей экзотики — валютные вклады

🔸 Бросьте щепотку на накопительный счет

🔸 Можно добавить немного облигаций

🔸 Для придания вкуса риска используйте акции

🔸 Для острых ощущений, как от перца чили, посмотрите в сторону криптовалют

🔸 В классическом рецепте обычно присутствует золото

🔸 С нашими ингредиентами отлично сочетаются программы инвестиционного страхования жизни

🔸 Любители больших объемных блюд и застолий оценят вложения в недвижимость

🔸 Поделитесь этой информацией с близкими. Это уже на ваш вкус, но нам будет приятно

Вуаля, если соблюсти правильные пропорции, то ваши деньги будут в безопасности 😉

Обязательно напишите, какой рецепт выложить в следующий раз ⬇️

*Не является инвестиционной рекомендацией
#РСХБ