#планерка

✅ Бүгүҥҥү улуус дьаһалтатын былаанныыр сүбэ-мунньаҕын улуус баһылыга Валерий Николаев салайан ыытар. Сүрүн боппуруостарга киириэх иннинэ улуус ыһыаҕын тэрээһинигэр кыттыыны ылбыт тэрилтэ салайааччыларыгар, үлэһиттэригэр махтанна. СӨ Ил Дархана Айсен Николаев Үөһэ Бүлүүгэ кэлэн тутулла турар эбийиэктэри көрбүтүн, сорудахтары биэрбитин, үлэ хаамыытынан күүскэ үлэлэһэргэ сүбэлэспиттэрин иһитиннэрдэ. Ил Дархан бэйэтинэн ыалдьыттаан улуус ыһыаҕын таһымын үрдэппитин бэлиэтээтэ.

Анал байыаннай дьайыы буола турар сиригэр үлэнэн сырыы туһунан иһитиннэрии оҥордо. Ол курдук, от ыйын 18 күнүгэр Үөһээ Бүлүү делегацията айанныаҕа. Ол иннинэ байыастар дьиэ кэргэттэрин кытта көрсүһүөхтэрэ. Аадырыстаммыт баһыылкалары авиахампаанньаҕа көҥүллэнэринэн, 700 кг диэри суоттанан хомуйуохтара. Тэрилтэлэргэ сүүрэр туруктаах эрээри эргэрбит массыыналар баар буоллахтарына, списаниеҕа ыытан, дьаһалтаҕа туттардахтарына, өрөмүөннээн, анал байыаннай дьайыыга бэриллэллэрин курдук дьаһаныахтара. Өрөспүүбүлүкэттэн анал байыаннай дьайыыга анаан 12 тиэхиньикэ бэриллибит буоллаҕына, онтон биирэ Үөһээ Бүлүү улууһуттан анаммыта.

Тэрилтэлэртэн сөбүлэҥ быһыытынан хас кыбаартал аайы биирдии күннээх хамнас анал байыаннай дьайыыга көмөнү оҥорор пуондаҕа ананар. Манна тэрилтэлэртэн таһынан Үөһээ Бүлүү олохтооҕо, биэнсийэҕэ олорор Зоя Степановна Борисова хас кыбаартал аайы биэнсийэтиттэн бу пуондаҕа 5 тыһыынча солкуобайы биэрэ олорор.

Авиапорт начальнига Дмитрий Иванов уолугар аадырыстаммыт баһыылката тиксэ илигин, итиэннэ Росгвардия нөҥүө нэһилиэнньэттэн сааны тутан, анал байыаннай дьайыыга уолаттарга аадырыстаммыт баһыылка быһыытынан тиийэрин курдук үлэлэһэллэригэр баҕа санаатын этиннэ. Байыастар хас биирдии бэйэлэрэ илдьэ сылдьар саалаах буолуохтарын баҕаралларын этиммиттэрин бэлиэтээн туран, бу боппуруоска үлэлэһэллэригэр көрдөстө.

"Үөһээ Бүлүү" хаһыат

#планерка

✅ Улууска ойуур баһаарын тохтотор үлэ туһунан Ойуур хаһаайыстыбатын салалтатын салайааччыта, сүрүн лесничэй Павел Тимофеев иһитиннэриитэ:

Улууска күн бүгүн Кырыкый Түҥүгэр тахсыбыт ойуур баһаара бэс ыйын 24 күнүттэн умайа турар. Суола суох, киһи баппат лаҥха талахтаах, хайалаах сир буолан үлэлииргэ олус уустук, сиринэн тиэхиньикэ тиийэр кыаҕа суох. Ньурба, Бүлүү улуустарыттан үлэһиттэр көмөҕө кэлбиттэрэ. Онно эбии мобилизация нөҥүө нэһилиэнньэттэн дьон тахсыбыта уонна өрүс уҥуоргу муниципальнай баһаарынай чаас байыастара тахсыбыттара. Уопсайа билигин 107 киһи үлэлии сылдьар. Ойуур баһаарын иэнэ 834 гектарга тэҥнэстэ, улаатан иһэр, онтон 62 га ойуура суох сир. Биир да, кыра да, уута суох сис ойуур сир буолан, уу быраҕар бөртөлүөт үлэлиир. Баһаар соҕуруу өттө күүскэ умайа турар. Соҕуруу өттүттэн утары уоту ыытан, тутан ылан умуруорар былаан баар. Билигин соҕуруу өттүгэр 4-5 км хаалан турар. Бу иэҥҥэ тиийиэр диэри Түҥҥэ диэри сири хастаран, уоту ыытан тохтотуохтаахтар.

Улууска ойуур баһаарыттан ыксаллаах балаһыанньа биллэриллэн турар кэмигэр айылҕаҕа тахсыы кытаанахтык бобуллар. Ойуур баһаара тахсар түгэнигэр буруйдаах 40 тыһыынча солкуобайы саҕалаан ыстарааптаныахтара. Социальнай ситимнэргэ, "ватсап статустарга" айылҕаҕа сылдьыбыт хаартыска тахсыбыт түгэнигэр бу дьон буруйга тардыллыахтарын сөп.

"Үөһээ Бүлүү" хаһыат

#планерка

✅ Оттук сезонугар бэлэмнэнии үлэтин туһунан ОДьКХ Үөһээ Бүлүүтээҕи филиалын сүрүннүүр инженерэ Анатолий Тимофеев иһитиннэрдэ.

Оттук сезона ыам ыйын 27 күнүгэр түмүктэммитэ. Сайаапка быһыытынан сорох үөрэх тэрилтэлэрэ бэс ыйын 10 күнүгэр диэри оттулла олороллор.

Билигин капитальнай өрөмүөн үлэтэ саҕаланна. Быйылгы сылга бу үлэҕэ 19 мөлүйүөн үп көрүлүннэ.

Быйыл Боотулуу нэһилигэр дьиэ тутуллуохтаах, онно 450 миэтэрэ теплотрасса тутуллуохтаах.

Анал байыаннай дьайыыга сулууспалыы сылдьар байыастар дьиэлэрин сайаапкаҕа олоҕуран киин ититэр ситимҥэ холбуу олороллор.

От ыйын ортотуттан тэрилтэлэртэн сайаапка быһыытынан ититэр ситими ыраастыахтара (промывка).

Кэлэр оттук сезонун туоруур чох улууска кэлэн турар. Кыһыҥҥы суол туруор диэри оттунар чохторо өрүс уҥуоргу нэһилиэктэргэ тириэрдиллэн турар. Кыһыҥҥы суол турдаҕына оттук сезона түмүктэниэр диэри туттар чохторо барыаҕа.

Быйыл Оҕо дьиэтин уонна 2-с нүөмэрдээх оскуола аттынааҕы компенсатордары уларытыахтара.

"Үөһээ Бүлүү" хаһыат

#планерка

✅ Улуустааҕы тыа хаһаайыстыбатын управлениетын салайааччыта Кирилл Гаврильев иһитиннэриитэ:

Быйыл курааннаан от үүнүүтэ мөлтөх соҕус туруктаах. Быйылгы былааммыт 2600 туонна. Аһыҥа куттала үөскүөх курдук.

Үүт харчытын 65% кэлэн турар. Билиҥҥи туругунан 368 т туттарыллан турар. Оҥхой уонна Өргүөт нэһилиэктэригэр үүт собуотугар үлэһит суох буолан үүтү туппакка олороллор.

Өрүс уҥуоргу өттүгэр хоруу хаһыытын боппуруоһа сытыытык турар. Угут дьылларга бэлэмнэнэн үлэ күүскэ барыахтаах этэ. Үп-харчы кырыымчыгыттан сибээстээн, нэһилиэктэргэ биир сылга 2-лии эрэ км хорууну оҥорууга үп көрүллүбүт. Онон угут дьылларга бэлэмэ суох олоробут. Уопсайа 90-тан тахса км хоруу оҥоһуллуохтааҕа былааҥҥа киирэн турар.

Өрүс уҥуоргу нэһилиэктэргэ, чуолаан Боотулуу нэһилиэгэр заправка чааһынай бас билиигэ баран, оттугу тириэрдии уустугурбут. Нэһилиэнньэ от үлэтигэр киирэригэр харгыстары көрсөөрү олорор.

"Үөһээ Бүлүү" хаһыат

⚡️До 18% по накопительному счету «Моя копилка»

Да, мы улучшили акцию «Выгодные траты»

🔸 Потратили от 10 до 30 тысяч по карте СВОЯ — получили 14,5% годовых по накопительному счету
🔸 от 30 до 70 тысяч — 16,5%
🔸 от 70 тысяч — 18%

Бонус начисляется на суммарный остаток до 3 млн рублей. Новые условия заработают с 1 июля

#РСХБ