#спорт

⭐️Оскуола оҕолорун спартакиадатыгар бириистээх миэстэ баар👍

Күрэхтэһии иккис, үһүс күннэрин түмүгүнэн Үөһээ Бүлүүбүт оҕолоро гиирэ спордугар бэйэлэрин бөлөхтөрүгэр 3-с миэстэни ыллылар.

Тренердэргэ Николай Кардашевскайга, Александр Даниловка, Ирина Алексееваҕа истиҥ эҕэрдэ!

«Өссө да инники түһүөхпүтүн сорох ыйыыһыннарга кыһын буолбут сүүмэрдиир түһүмэххэ кыттыбатахпыт оҕуста. Эһиилги үөрэх дьылыгар гиирэҕэ эбии штат көрүллэрэ буоллар», - диэн Николай Сергеевич санаатын үллэстэр.

Ону таһынан, дуобакка тыҥааһыннаах күрэх түмүгүнэн биһиги кырачаан дуобаччыттарбыт 4-с миэстэ буоллулар, мас тардыһыытыгар Яковлев Афанасий 65 кг ыйааһыҥҥа боруонса мэтээли ылары ситистэ.

Бүгүн киэһэ ох саанан ытыыга уонна саахымат күрэхтэрин түмүгүн күүтэбит.

Уопсай түмүккэ, бүгүҥҥү туругунан, хамаандабыт иккис иһэр.

Альбина Иванова

@uoheebuluu

#спорт

⭐️ Сыл устатын тухары  ыытыллар Саха Сирин үөрэнээччилэрин Спартакиадатыгар Үөһээ Бүлүү хамаандата иккис миэстэни ылары ситистэ!!!

Дьокуускай куоракка 4 күннээх тыҥааһыннаах киирсиилэр түмүктэннилэр.

Финальнай күрэскэ 9 көрүҥҥэ күрэхтэстибит. Ол түмүгүнэн:
1-кы миэстэҕэ элбэх очконан бастыан бастаабыт Чурапчы улууһун хамаандата таҕыста. 2-с миэстэҕэ Үөһээ Бүлүү улууһа 3-с миэстэни Таатта улууһа ылла.

Биирдиилээн мэтээллэри билиһиннэрэр буоллахха маннык:

Бокс:
57 кг И.Барахов аатынан орто оскуола үөрэнээччитэ Кирилл Догордуров 2-с миэстэ (тренерэ Петров АГ)  

Көҥүл тустуу:
46 кг. Сусанна Семенова, Үөһээ Бүлүүтээҕи спортивнай оскуолата - 3 место (тренерэ Егоров ММ)
50 кг. Эльза Новгородова, Кэнтик орто оскуолата – 3 миэстэ  (Николаев АЛ)

Гиирэ спорда:
68 кг. Индиана Гаврильева, Харбалаах орто оскуолата,  – 1 миэстэ (Алексеева ИЯ)
63 кг. Саша Данилов, Далыр орто оскуолата  – 2 миэстэ  (Данилов А.В.)
58 кг. Элеонора Павлова, Хоро орто оскуолата – 2 миэстэ  (Кардашевскай НС)
58 кг. Максим Игнатьев 1 №-дээх оскуола – 3 миэстэ  (Кардашевскай НС)
Мас-рестлинг
65 кг. Афанасий Яковлев, 4-с №-дээх оскуола  – 3 миэстэ  (Охотин ГМ)

Ох саанан ытыыга: 
традиционнай ох сааҕа: Альберт Софронов, Үөһээ Бүлүүтээҕи спортивнай оскуола – 2 миэстэ  (Тимофеева В.А.)

Саахымат: 
2 доска Чаҕыл Чагылысов, 4-с №-дээх орто оскуола – 2 миэстэ  (Семенов ВН, Донской ДД)

Оҕолорбут 1 кыһыл көмүс, 5 үрүҥ көмүс, 3 боруонса мэтээллээх кэллилэр.

Салайааччыларбытыгар, оҕолорбутугар, тренердэрбитигэр уруй, айхал!!!

Альбина Иванова

@uoheebuluu

#спорт

⭐️ Футбол федерациятын бэрэссэдээтэлэ Спиридон Семенов улууска футбол көрүҥэ сайдарын туһугар олус кыһаллар, дууһатынан ыалдьар. Ол курдук, футболга туһаныллар инвентарьдары, экипировканы аҕалан саҥа үлэтин саҕалаабыт тренергэ Василий Климовскайга туттарда.

Спорт управлениетын салайааччыта Егор Николаев спорт салалтатын аатыттан махтанарын биллэрдэ.

Билигин 5-7 кылааска үөрэнэр уолаттар сүүмэрдэнэн, Үс Хоһуун саалатыгар нэдиэлэҕэ 5 күн күнүс 15:00 чаастан дьарыктана сылдьаллар. Атырдьах ыйыгар улахан күрэхтэһиигэ бэлэмнэнэллэр.

@uoheebuluu

#спорт

⭐️ "Азия оҕолоро" норуоттар икки ардыларынааҕы спортивнай оонньууларга мас тардыһыытыгар Саха сирин сүүмэрдэммит хамаандата бэлэмнэниини ааһар.

Спортсменнар Мэҥэ-Хаҥалас улууһун Аллараа Бэстээх бөһүөлэгэр "Манньыаттаах" лаагырга дьарыктаналлар.

Сүүмэрдэммит хамаандаҕа Үөһээ Бүлүүттэн улаатан эрэр үс мадьыны уол киирдэ.

Ол курдук, Боотулуу орто оскуолатын 9-с кылааһын үөрэнээччитэ Саша Захаров 60 кг ыйааһыҥҥа киирсэрдии бэлэмнэнэр.

И.Барахов аатынан орто оскуола 9-с кылааһын үөрэнээччитэ Саян Саввинов 70 кг ыйааһыҥҥа киириэҕэ.

80 кг үөһэ ыйааһыҥҥа күрэхтэһэрдии эрчиллэр Харысхан Габышев Ю.Н. Прокопьев аатынан спортивнай орто оскуола 9-с кылааһын бүтэрдэ.

Оҕолорбутугар ситиһиилэри баҕарыаҕыҥ.

"Үөһээ Бүлүү" хаһыат

#спорт #олоҥхоыһыаҕа

⭐️ Олоҥхо ыһыаҕар 100 м. уһуҥҥа сүүрүүгэ Үөһээ Бүлүүттэн Пелагея Дьячковская уонна Руфов Михаил иккиэн эрэллээхтик бастаан, улуустарын аатын өрө таһаардылар.

50 тыһыынча солкуобайдаах сертификатынан наҕараадаланнылар. Бүгүн, сарсын Бороҕоҥҥо өрөспүүбүлүкэ чемпионатыгар кытта сылдьаллар.

Спортсменнарбытыгар ситиһиини, кыайыыны-хотууну баҕарыаҕыҥ✊✊✊

@uoheebuluu

#спорт

⭐️ Пелагея Дьячковская «Путь к Олимпу» Бүгүн Россиятааҕы чэпчэки атлетика күрэҕэр

«Путь к Олимпу» турнир Москва куоракка от ыйын 27 күнүгэр буолан ааста.

Россия чемпүйүөннэрэ, инники күөҥҥэ сылдьар спортсменнар кыттыылаах күрэхтэһиигэ биһиги биир дойдулаахпыт Пелагея Дьячковская 800 м. уһуҥҥа сүүрдэ.

Эрдэтээҥи ситиспит бириэмэтэ 2:05 эбит буоллаҕына, бу сырыыга 2:02 кэлэн көрдөрүүтүн тупсарда. Бэйэтин забегар 2-с кэллэ, уопсай түмүгүнэн 5-с миэстэни ылла.

Санатар буоллахха, «Путь к Олимпу» күрэхтэһи чэпчэки атлетика Бүтүн Россиятааҕы Федерацията тэрийэн ыытар «Королевы российского спорта» диэн күрэҕин этаптарыттан биирдэстэрэ буолар.

"Үөһээ Бүлүү" хаһыат

#спорт

⭐️ Үөһээ Бүлүүгэ ыытыллар хапсаҕай Федерациятын Кубогар биирис пуондата 600 тыһыынчаҕа тэҥнэстэ

Бу туһунан өрөспүүбүлүкэ таһымнаах күрэхтэһиини тэрийэр хамыыһыйа мунньаҕар иһитиннэрдилэр.

Хапсаҕайга өрөспүүбүлүкэ бастыҥ көрдөрүүлээх улуустарын хамаандалара күөн күрэстэһэр көбүөрэ ахсынньы 13-15 күннэригэр "Үс Хоһуун" спорт саалатыгар буолаары турар.

Саха сирэ бүттүүн кэтэһэр күрэҕэр комментаторынан суруналыыс, СӨ култууратын үтүөлээх үлэһитэ, Вячеслав Степанов аатынан бириэмийэ, СӨ суруналыыстарын «Көмүс бөрүө» бириэмийэтин, «Сахаада-спорт» ассоциация лауреата, бастыҥ спортивнай комментатор, Сунтаар улууһун Күндэйэ нэһилиэгин Ытык киһитэ Александр Васильев - Көрдүгэн үлэлиэҕэ.

Уопсайа 10 улуустан 17-лии хапсаҕайдьыттаах хамаанда бу көбүөргэ күөн көрсүөҕэ. Ол иһигэр биэстии оҕо киирдэ. 3 күн устата 10 судьуйа үлэлиэҕэ.

@ulusmedia @sport_yakutia @ueheebuluu
"Үөһээ Бүлүү" хаһыат