#сессия

✅ Үөһээ Бүлүү улууһун дьокутааттарын уочарата суох сессията

Улуус Сэбиэтин бэрэссэдээтэлэ Николай Николаев олохтоохтор итэҕэллээх дьонноруттан Родион Егоров, Спиридон Борбуев уонна Иван Ан убаастанар биричиинэнэн сессияҕа кыттыыны ылбаттарын туһунан иһитиннэрдэ.

Улуус баһылыгын экономикаҕа уонна үпкэ солбуйааччыта Саргылана Алексеева "2023 сылга оройуон бюджета туолуутун туһунан" быһаарыы бырайыагын билиһиннэрдэ.

Дакылаакка эбии иһитиннэриини хонтуруоллуур-суоттуур палата бэрэссэдээтэлэ Анна Ефимова оҥордо. Ааспыт сыллааҕы бюджет 8-та уларыйбытын бэлиэтээтэ.

Бүгүҥҥү сессияҕа "Үөһээ Бүлүү оройуонун бюджет процеһын саҥа балаһыанньатын бигэргэтии туһунан", "Муниципальнай тэрилтэлэр өҥө оҥорор тарыыптарын бэрээдэгин бигэргэтии туһунан", "Муниципальнай сулууспалаахтарга чыыны иҥэрии туһунан", "Үөһээ Бүлүү оройуонун бочуоттаах гражданина" үрдүк аат квотатын элбэтии туһунан" уонна "Үөһээ Бүлүү оройуонун бочуоттаах гражданина" үрдүк ааты иҥэрии туһунан" быһаарыылар бырайыактарын дьокутааттар көрүүлэригэр таһаардылар.

Сиһилии, туох-ханнык быһаарыы ылыллыбытын туһунан "Үөһээ Бүлүү" хаһыат "Депутат трибуната" сыһыарыытыгар ааҕыаххыт.

"Үөһээ Бүлүү" хаһыат

#сессия

⭐️ Үөһээ Бүлүү улууһун дьокутааттарын Сэбиэтэ XX уочарата суох сессиялара буолла.

3 сүрүн боппуруоһу көрдүлэр. 13 норуот итэҕэлин ылбыт дьокутаат баар буолан кворум толорутунан ааҕылынна.

Улуус ыһыаҕар үгэс курдук ыытыллар Үс иилээх хапсаҕайга дьокутааттар биир сүбэнэн, убаһа бирииһи туруорар буоллулар.

Нэһилиэктэр дьокутааттарын, тэрилтэлэр салайааччыларын, улууспут урбаанньыттарын Үрүҥ Тунах Ыһыахпыт саамай кэтэһиилээх, долгутуулаах күрэҕин - Үс иилээх хапсаҕайы өйөөн, кыттыһан, убаһа бириис туруоран күрэххэ киирэллэригэр ыҥыраллар.

Сиһилии "Үөһээ Бүлүү" хаһыат "Депутат трибуната" балаһатыгар ааҕыаххыт

@uoheebuluu