#күрэх #спорт

⭐️ Дьокуускай куоракка сервис технологическай техникумугар "Патриот" күрэх ааста.

Анал байыаннай дьайыыга сулууспалыы сылдьан сырдык тыыннарын толук уурбут Бүлүүтээҕи педагогическай колледж выпускниктара - Хотугу многоборьеҕа РФ, СӨ спордун маастара, "Эр санааланыы иһин" уордьан кавалера, "Патриот сүрэҕэ" Советскай Сойуус дьоруойа Федор Попов аатынан Бочуот бэлиэлээх Тарабукин Владислав уонна биһиги биир дойдулаахпыт, Дүллүкү нэһилиэгиттэн төрүттээх хотугу многоборьеҕа СӨ спордун маастара, "Хорсунун иһин" мэтээллээх, "Эр санааланыы иһин" уордьан кавалера Степан Руфов сырдык кэриэстэригэр анаммыт интеллектуальнай- военизированнай күрэххэ орто үөрэх кыраларыттан 11 хамаанда кыттыыны ылла.

Үөһээ Бүлүү улууһун бэрэстэбиитэлэ Анатолий Иванов тэрээһиҥҥэ кыттыыны ылан, "дьоруой уолаттар сырдык ааттарын үйэтитэр ытык иэспит" диэн туран, тэрийээччилэргэ күрэхтэһиигэ кыттыбыт устудьуоннарга улуус дьаһалтатын аатыттан махтал тылларын тириэртэ.

"Үөһээ Бүлүү" хаһыат

#күрэх #кэрээйгэтэ

⭐️ "Дорҕоон" эр дьон ансаамбыла Ньурба улууһугар ыытыллыбыт ырыа күрэҕэр кыайыылаах буолла.

Арассыыйаҕа Дьиэ кэргэн, Саха сиригэр Оҕо саас, Ньурба оройуонугар Олох-дьаһах эйгэтин тупсарыы, Марха улууһа тэриллибитэ 200 сылларын чэрчитинэн Чаппанда нэһилиэгэр Бүлүү бөлөх оройуоннарын икки ардыларыгар онус төгүлүн ырыа күрэҕэ ааста.

«Иһийбит иэйиини күөдьүтэн» үбүлүөйдээх күрэххэ Дүллүкү нэһилиэгин "Дорҕоон" эр дьон ырыа ансаамбыла Гран-При үрдүк аатын ылары ситистэ.

Соторутааҕыта эрэ куйаар ситимнэринэн киэҥник тарҕанан үгүс дьон сэҥээриитин ылбыт ырыа куттаах эр дьоммутун өссө биирдэ истэ сэргэҕэлээҥ.

Видеолар комментарийга⬇️⬇️⬇️

"Үөһээ Бүлүү" хаһыат

#күрэх #спорт

⭐️ Боотулууга үбүлүөйдээх ат сүүрдүүтэ

Бүгүн, кулун тутар 10 күнүгэр, Боотулуу нэһилиэгэр Баҕадьа эбэҕэ "Дьөһөгөй оҕото” күрэх V-с төгүлүн ыытылынна.

Түһүмэхтээн сүрдүү түмүктэрэ маннык буолла:

I миэстэ – Толоон хамаандата (хамандыыр Иванов Афанасий Афанасьевич, Никитин Юрий Юрьевич, Неустроев Владимир Анатольевич, Максимов Анатолий Анатольевич), бириистэрэ - 60 000 солкуобай (спонсор "ВЕРХНЕВИЛЮЙСКИЙ" ХЭТ, салайааччы Саввинов Александр Васильевич);
II миэстэ – Ороһу хамаандата (хамандыр - Данилов Роман Алексеевич, Иванов Айсен Викторович, Васильев Степан Владимирович, Ларионов Дмитрий Дмитриевич), бириистэрэ - 50 000 солкуобай ( спонсор Герасимов Петр Петрович аатынан кэргэнэ, аймахтара туруорбут 20 000 солк., Тимофеева Сусанна Николаевна аатынан оҕолоро, аймахтара туруорбут 20 000 солк., Боотулуу орто оскуолата туруорбут 10000 солк.);
III миэстэ –Онхой хамаандата (хамандыыр – Федоров Дьулус Валерьевич, Федоров Поликарп Поликарпович, Алексеев Иннокентий Николаевич, Михайлов Станислав Павлович), бириистэрэ - 35 000 солк.(спонсор Талонов Егор Афанасьевич аатынан оҕолоро);

Салгыытын уонна видеолары комментарийга киирэн көрүҥ ⬇️⬇️⬇️⬇️⬇️⬇️⬇️⬇️⬇️⬇️⬇️⬇️

#уһуйаан #кыһа #күрэх #всейсемьей

⭐️ Уһуйааннар төрөппүттэригэр аналлаах күрэх аҕалары түмтэ

Бүгүн 3-с нүөмэрдээх оҕо сайдар киинин "Үрүйэчээн" уһуйаан иитээччилэрин көҕүлээһининэн, Аҕа күнүн көрсө, Үөһээ Бүлүүтээҕи оҕо уһуйааннарын иитиллээччилэрин аҕаларын икки ардыларыгар улууспутугар үһүс төгүлүн "Квест-оонньуу 2024" буолан ааста.

Күрэххэ уопсайа 5 хамаанда кытынна. Биирдии уһуйаантан 4-түү төрөппүт кыттара ирдэниллибитэ.

Күрэхтэһээччилэр 6 станциянан сылдьан сорудахтары толордулар.

Бүлүү эбэҕэ сыал ытыыта, тоҥуу хаарынан сүүрэн тиийэн мууһу буурдааһын, хапсаҕайдааһын, канат тардыһыыта курдук күрэхтэргэ аҕалар күөн көрүстүлэр.

Кыайыылааҕынан Нам нэһилиэгин «Кэнчээри» уһуйааһын аҕаларын хамаандата буолла.

Иккис миэстэни Дүллүкү уһуйаанын "Молния" хамаандата ылла.

Үһүс миэстэ - "Теремок" уһуйаан "Крепкие парни" хамаандата буолла.

Маны таһынан үс көрүҥҥэ аҕаларга анал аат олохтонно. Ол курдук, хапсаҕайга Саввинов Гаврил, "Теремок" уһуйаан, сыалы ытыыга - Петров Сергей , Дүллүкү "Кустук" уһуйаан уонна мууһу буурдааһыҥҥа Романятов Константин, Дүллүкү "Кустук" уһуйаан, муҥутуур кыайыылаахтарынан буоллулар.

Түгэнинэн туһанан, Үөһээ Бүлүү нэһилиэгин дьаһалтатыгар, үөрэх салалтатын профсойууһун бэрэссэдээтэлигэр Лазарев Леонид Гаврильевичка, Үөһээ Бүлүүтээҕи Ис Дьыала уорганын, ГИБДД управлениетын, Үөһээ Бүлүүтээҕи О. Д. Федорова аатынан киин модельнай библиотека, оҕо технопарката,
Үөһээ Бүлүүтээҕи баһаарынай этэрээт, Госпожнадзор коллективтарыгар улахан махталбытын тиэрдэбит.

Сонуннарга анаан Вероника Протопопова

"Үөһээ Бүлүү" хаһыат

#күрэх #оҕосаассыла

🏃‍♂️ Бүгүн, муус устар 7 күнүгэр Н.И.Бойлохов аатынан оҕо искусство оскуолатыгар икки сылга биирдэ ыытыллар IX регионнааҕы “Сааскылаана” үҥкүү күрэҕэ үрдүк тэрээһиннээхтик буолан ааста.

Сүрүн тэрийээччилэр “Сааскылаана” оҕо образцовай үҥкүү ансаабылын салайааччылара - СӨ Үөрэҕэриитин, култууратын туйгуна Сардаана Иванова уонна хореография кылааһын бастакы категориялаах учуутала Уйгулаана Павлова буолаллар.

Быйылгы күрэх Арассыыйаҕа Дьиэ кэргэн уонна Саха сиригэр Оҕо сылыгар ананна. Күрэх оҕолорго уонна улахан дьоҥҥо саастарынан арахсан ыытылынна.

Оҕолорго уопсайа 30 нүөмэринэн 285 кыттааччы, улахан дьоҥҥо 9 нүөмэринэн 74 кыттааччы күөн көрүстүлэр.

Ол курдук, Ньурба улууһуттан, Үөһээ Бүлүү, Нам, Дүллүкү, Хоро, Харбалаах, Кырыкый, Далыр, Сургуулук нэһилиэктэрин оскуолаларыттан, уһуйааннарыттан, сынньалаҥ кииннэриттэн үҥкүү ансаамбыллара кыттыыны ыллылар.

Арассыыйаҕа Дьиэ кэргэн уонна Саха сиригэр Оҕо сылыгар дьиэ кэргэнинэн кыттыбыт Игнатьевтарга бастакы үрдэл уонна «Бастыҥ үҥкүүһүт дьиэ кэргэн” диэн анал аат иҥэрилиннэ.

«Кылаан Чыпчаал” үрдүк аатын оҕолорго Ньурба улууһун “Сир симэхтэрэ” үҥкүү бөлөҕө “Күөрэгэй” диэн үҥкүүтүнэн ылла, салайааччы Седалищева А.Г. уонна Н.И. Бойлохов аатынан оҕо искусство оскуолатын директора Анптолий Иванов туруорбут 5000 суумалаах сертификаты тутта.

Улахан дьоҥҥо “Норуот айымньытын киинэ” МАТ “Тосхол” үҥкүү коллектива, салайааччы Июлия Петрова, «Кылаан чыпчаал” үрдүк аатын ылла уонна Үөһээ Бүлүүтээҕи култуура уонна духовнай сайдыы департамена туруорбут 5000 суумалаах сертификатын бэлэх ылла.

Нам нэһилиэгин “Намыына” общественнай түмсүү коллектива, тэриллибитэ 30 сылын көрсө, П.Н.Тобуроков аатынан сынньалаҥ киинэ туруорбут бирииһин ылла.

Күрэххэ биирдиилээн спонсордаабыт күндү дьоммутугар - СӨ култууратын туйгунугар Татьяна Спиридоноваҕа уонна Сардаана Ильиноваҕа махталбытын тиэрдэбит.

Кыттааччылар бары миэстэҕэ, номинацияҕа тигистилэр, үөрэн-көтөн тарҕастылар.

Сонуннарга анаан Анастасия Данилова

"Үөһээ Бүлүү" хаһыат

#оҕосаас #күрэх

⭐️ "Аленушка" уһуйааҥҥа Баай Байанай күрэҕэ

Бэрт сэргэх тэрээһин ааста. Уол аҕатынаан күрэҕэр улахан уонна бэлэмнэнии бөлөхтөрүттэн 4 хамаанда кытынна. Баай тайҕа баайын - кыылы быраҕан табыыга, балыгы хаптарыыга, сымсаны-сыыдамы быһаарар эстафетаҕа күрэхтэстилэр.

Улахан дьон күрэҕиттэн итэҕэһэ суох күрэх түмүгүнэн 1-кы бочуоттаах миэстэни Антоновтар: Айхан аҕата Семен Никифоровичтыын ыллылар. 2-с миэстэни Савелий уонна Леонид Иванович Семеновтар уонна 3-с бириистээх миэстэни Дима уонна Павел Иванович Никифоровтар дьиэ кэргэттэрэ ыллылар.

Кыайтарыы кыһыытын билэн хомойбут, кыайыы үөрүүтүн билэн астыммыт оҕолор мэтээллэри, бэлэх-туһах тутан үөрдүлэр-көттүлэр.

Оҕолорун баҕаларын өйөөн кыттыыны ылбыт көхтөөх аҕаларга иитээччилэр махтаналларын биллэрэллэр.

Итиэннэ уһуйаан бөлөхтөрө туруорбут быыстапкатын Айылҕа харыстабылын инспекциятын үлэһиттэрэ кэлэн көрдүлэр, сыаналаатылар. Бастыҥ уонна миэстэлэспит бөлөхтөргө грамоталары туттардылар.

Бу тэрээһин сэтинньини - Баай барыылаах Байанай ыйын түмүктүүр тэрээһининэн буолла.

"Үөһээ Бүлүү" хаһыат