#үбүлүөй #техникум #ссузы

⭐️Үөһээ Бүлүү техникумун 50 сыллаах үбүлүөйдээх тэрээһиннэрин чэрчитинэн "Махталым эйиэхэ ананар" истиҥ көрсүһүү саҕаланна.

Урукку сылларга үлэлээн ааспыт үлэһиттэр, маастардар, араас сыллар выпускниктара уонна ыкса үлэлэһэр тэрилтэлэр салайааччылара иһирэх эҕэрдэ тыллаах, илии тутуурдаах, өттүк харалаах кэллилэр.

"Үөһээ Бүлүү" хаһыат

#Үбүлүөй #техникум #ссузы

⭐️ Үөһээ Бүлүүтээҕи техникум үбүлүөйдээх 50 сылын бэлиэтиир үөрүүлээх тэрээһин Оҕо искусство оскуолатыгар саҕаланна.

"Үөеээ Бүлүү" хаһыат

#Үбүлүөй #техникум #ссузы

⭐️ СӨ Үөрэҕирии уонна билим миниистирэ Ньургуна Соколова судаарыстыбаннай наҕараадалары туттарда.

Элбэх сыллаах үтүө суобастаах үлэтин, сүҥкэн кылаатын иһин "СӨ Үөрэҕириитин үтүөлээх үлэһитэ " үрдүк ааты дириэктэри үөрэх чааһыгар солбуйааччы Антонина Болтоковаҕа туттарда.

"СӨ Үөрэҕирии систиэмэтин туйгуна" түөскэ кэтэр бэлиэнэн Павел Васильев, Альберт Ильин бэлиэтэннилэр.

"СӨ Үөрэҕирии систиэмэтин бочуоттаах бэтэрээнэ" түөскэ кэтэр бэлиэни преподаватель Айталина Максимова ылла.

"Профессиональнай үөрэхтээһин сайдыытыгар кылаатын иһин" Агния Овчинникова, преподаватель Руслан Былков, сүрүн буҕаалтыр Динара Тоногосова, хаһаайыстыба сэбиэдиссэйэ Татьяна Осипова, асчыт Татьяна Энчина түөскэ кэтэр бэлиэни туттулар.

Үөрэх уонна билим министиэристибэтин Бочуот грамотатынан уопсай дьуһуурунайа Анна Гаврильева, преподаватель Сандра Доргуева, уопсай дьуһуурунайа Светлана Суханов наҕараадаланнылар.

Үөрэх уонна билим министиэристибэтин Махтал суругунан программист Егор Миронов, производственнай үөрэхтээһин маастара Савва Петров бэлиэтэннилэр.

#Үбүлүөй #техникум #ссузы

⭐️ Үөһээ Бүлүү нэһилиэгин баһылыга Максим Силигиянов Техникум дириэктэригэр Матрена Осиповаҕа нэһилиэк дьаһалтатын аатыттан эҕэрдэлээн туран 30 тыһыынча солкуобай суумалаах сертификаты бэлэх уунна.

Ону сэргэ күнүскү уонна кэтэхтэн үөрэхтээһин сэбиэдиссэйигэр Альбина Игнатьеваҕа "Үөһээ Бүлүү сэлиэнньэтин бочуоттаах олохтооҕо" үрдүк ааты иҥэрдэ.

"Үөһээ Бүлүү" хаһыат

#Үбүлүөй #техникум #ссузы

⭐️ СӨ Ил Түмэн судаарыстыбаннай мунньаҕын депутата Федот Филиппов Ыччаты кытта үлэҕэ уонна спорт, физическэй култуура боппуруостарынан дьарыктанар сис кэмитиэт аатыттан Бочуот грамотатын техникум устудьуонугар Гаврил Игнатьевка туттарда.

"Үөһээ Бүлүү" хаһыат

#Үбүлүөй #техникум #ссузы

⭐️ 1982 сылга улуус киинигэр икки этээстээх саҥа дьиэ тутуллан, Нам нэһилиэгиттэн Үөһээ Бүлүүгэ көнөн киирэр.

1983 сылтан уларыйан, Үөһээ Бүлүүтээҕи 10-с нүөмэрдээх СПТУ диэн ааттанар.

Араас сылларга үөрэммит выпускниктар эҕэрдэ тылларын аныыллар.

"Үөһээ Бүлүү" хаһыат

#Үбүлүөй #техникум #ссузы

⭐️ 1995 сыллаахтан ылбыт идэтинэн үлэлээбитэ 30 сыла буолбут, СӨ култууратын туйгуна, Нам нэһилиэгиттэн төрүттээх Уус-Алдан улууһун Төхтүр нэһилиэгин култууратын дьиэтин дириэктэрэ Альберт Васильев эҕэрдэлээн туран бэйэтин ырыатын анаата.

Ытыктыыр дириэктэригэр Константин Соргоевка бэйэтин сэмэй бэлэҕин туттарда.

"Үөһээ Бүлүү" хаһыат