#култуура #күрэх

⭐️Муус устар 22 күнүгэр, Мария Игнатьевна Константинова - Эдьиий Морууса төрөөбүтэ 95 сылыгар аналлаах "Күҥҥэ көрбүт аргыһым - көмүс тимэх баяным..." баянынан ырыа күрэҕэ үрдүк таһымҥа ыытылынна.

Гран-при - (бөлөҕүнэн толорооччу) "Үрдэл" вок.анс Үөһээ Бүлүү - Нам нэһилиэгин дьаһалтатын аатыттан 50 тыһ. солк.сертификатынан наҕараадаланна.
Гран - при (биирдиилээн толорооччу) Розалия Тарасова Нам нэһилиэгэ - М.И.Константинова аймахтара туруорбут 50 тыһ.солк. анал бириистэрэ
Лауреат 1 ст - Камилла Семенова - Бүлүү улууһа - улуустааҕы культура тэрилтэлэрин 30 тыһ. анал бирииһэ.
Лауреат 2 ст. - "Дьиэрэй" вок.анс. Нам нэһ. - культура уус-уран салайааччыларын бирииһэ 20 тыһ.солк.
Лауреат 3ст. "Сиккиэр" вок.анс Үөһээ Бүлүү балыыһатын коллектива - культура ветераннарын анал бирииһэ 10 тыһ.солк.
Дипломант 1ст. "Дьүөгэ" түмсүү, Үөдүгэй нэһилиэгэ - биир дойдулаахпыт, предприниматель Иванов Тимофей Анатольевич 15 тыһ.солк. анал бирииһэ
Дипломант 2 ст. Владимир Чуручанов, Быракаан нэһ. - биир дойдулаахпыт, предприниматель Иванов Тимофей Анатольевич 10 тыһ.солк. анал бирииһэ
Дипломант 3 ст. "Дэгэт" вок.анс. БППК студеннара, Бүлүү улууһа - биир дойдулаахпыт, предприниматель Иванов Тимофей Анатольевич 5 тыһ.солк. анал бирииһэ.

Салҕыытын комментарийга көрүҥ⬇️⬇️⬇️⬇️⬇️⬇️⬇️⬇️⬇️

#күрэх

✅ Былатыан Ойуунускай 130 сааһыгар анаммыт уус-уран ааҕыы онлайн-күрэҕэр көхтөөх кыттыыны ылыҥ.

#күрэх

⭐️ "Веревочные курсы" диэн спортивнай-туристическай тэрээһин номнуо алтыс сылын Үөһээ Бүлүү техникума устудьуоннарыгар тэрийэн ыытар.

Түгэхтэй алааһыгар барыта 13 хамаанда 9 араас станцияны ааһарга күрэхтэстилэр. Ону тэҥэ сибиэһэй салгыҥҥа көрүлүү оонньоотулар, флешмоб үҥкүүлээтилэр, салама ыйаатылар, үөрдүлэр-көттүлэр, дуоһуйа сынньаннылар.

Тэрээһин түмүгүнэн 1-кы миэстэни "Пожарная безопасность" 4-с куурус бастакы хамаандата ылла.

2-с миэстэ - "Лесное и лесопарковое хозяйство" устудьуоннара.

3-с миэстэ - "Пожарная безопасность" 4-с куурус иккис хамаандата буолла.

Сонуннарга анаан Лев Саввинов

"Үөһээ Бүлүү" хаһыат

#күрэх #спорт

⭐️ Дьокуускай куоракка сервис технологическай техникумугар "Патриот" күрэх ааста.

Анал байыаннай дьайыыга сулууспалыы сылдьан сырдык тыыннарын толук уурбут Бүлүүтээҕи педагогическай колледж выпускниктара - Хотугу многоборьеҕа РФ, СӨ спордун маастара, "Эр санааланыы иһин" уордьан кавалера, "Патриот сүрэҕэ" Советскай Сойуус дьоруойа Федор Попов аатынан Бочуот бэлиэлээх Тарабукин Владислав уонна биһиги биир дойдулаахпыт, Дүллүкү нэһилиэгиттэн төрүттээх хотугу многоборьеҕа СӨ спордун маастара, "Хорсунун иһин" мэтээллээх, "Эр санааланыы иһин" уордьан кавалера Степан Руфов сырдык кэриэстэригэр анаммыт интеллектуальнай- военизированнай күрэххэ орто үөрэх кыраларыттан 11 хамаанда кыттыыны ылла.

Үөһээ Бүлүү улууһун бэрэстэбиитэлэ Анатолий Иванов тэрээһиҥҥэ кыттыыны ылан, "дьоруой уолаттар сырдык ааттарын үйэтитэр ытык иэспит" диэн туран, тэрийээччилэргэ күрэхтэһиигэ кыттыбыт устудьуоннарга улуус дьаһалтатын аатыттан махтал тылларын тириэртэ.

"Үөһээ Бүлүү" хаһыат

#күрэх #кэрээйгэтэ

⭐️ "Дорҕоон" эр дьон ансаамбыла Ньурба улууһугар ыытыллыбыт ырыа күрэҕэр кыайыылаах буолла.

Арассыыйаҕа Дьиэ кэргэн, Саха сиригэр Оҕо саас, Ньурба оройуонугар Олох-дьаһах эйгэтин тупсарыы, Марха улууһа тэриллибитэ 200 сылларын чэрчитинэн Чаппанда нэһилиэгэр Бүлүү бөлөх оройуоннарын икки ардыларыгар онус төгүлүн ырыа күрэҕэ ааста.

«Иһийбит иэйиини күөдьүтэн» үбүлүөйдээх күрэххэ Дүллүкү нэһилиэгин "Дорҕоон" эр дьон ырыа ансаамбыла Гран-При үрдүк аатын ылары ситистэ.

Соторутааҕыта эрэ куйаар ситимнэринэн киэҥник тарҕанан үгүс дьон сэҥээриитин ылбыт ырыа куттаах эр дьоммутун өссө биирдэ истэ сэргэҕэлээҥ.

Видеолар комментарийга⬇️⬇️⬇️

"Үөһээ Бүлүү" хаһыат

#күрэх #спорт

⭐️ Боотулууга үбүлүөйдээх ат сүүрдүүтэ

Бүгүн, кулун тутар 10 күнүгэр, Боотулуу нэһилиэгэр Баҕадьа эбэҕэ "Дьөһөгөй оҕото” күрэх V-с төгүлүн ыытылынна.

Түһүмэхтээн сүрдүү түмүктэрэ маннык буолла:

I миэстэ – Толоон хамаандата (хамандыыр Иванов Афанасий Афанасьевич, Никитин Юрий Юрьевич, Неустроев Владимир Анатольевич, Максимов Анатолий Анатольевич), бириистэрэ - 60 000 солкуобай (спонсор "ВЕРХНЕВИЛЮЙСКИЙ" ХЭТ, салайааччы Саввинов Александр Васильевич);
II миэстэ – Ороһу хамаандата (хамандыр - Данилов Роман Алексеевич, Иванов Айсен Викторович, Васильев Степан Владимирович, Ларионов Дмитрий Дмитриевич), бириистэрэ - 50 000 солкуобай ( спонсор Герасимов Петр Петрович аатынан кэргэнэ, аймахтара туруорбут 20 000 солк., Тимофеева Сусанна Николаевна аатынан оҕолоро, аймахтара туруорбут 20 000 солк., Боотулуу орто оскуолата туруорбут 10000 солк.);
III миэстэ –Онхой хамаандата (хамандыыр – Федоров Дьулус Валерьевич, Федоров Поликарп Поликарпович, Алексеев Иннокентий Николаевич, Михайлов Станислав Павлович), бириистэрэ - 35 000 солк.(спонсор Талонов Егор Афанасьевич аатынан оҕолоро);

Салгыытын уонна видеолары комментарийга киирэн көрүҥ ⬇️⬇️⬇️⬇️⬇️⬇️⬇️⬇️⬇️⬇️⬇️⬇️

#уһуйаан #кыһа #күрэх #всейсемьей

⭐️ Уһуйааннар төрөппүттэригэр аналлаах күрэх аҕалары түмтэ

Бүгүн 3-с нүөмэрдээх оҕо сайдар киинин "Үрүйэчээн" уһуйаан иитээччилэрин көҕүлээһининэн, Аҕа күнүн көрсө, Үөһээ Бүлүүтээҕи оҕо уһуйааннарын иитиллээччилэрин аҕаларын икки ардыларыгар улууспутугар үһүс төгүлүн "Квест-оонньуу 2024" буолан ааста.

Күрэххэ уопсайа 5 хамаанда кытынна. Биирдии уһуйаантан 4-түү төрөппүт кыттара ирдэниллибитэ.

Күрэхтэһээччилэр 6 станциянан сылдьан сорудахтары толордулар.

Бүлүү эбэҕэ сыал ытыыта, тоҥуу хаарынан сүүрэн тиийэн мууһу буурдааһын, хапсаҕайдааһын, канат тардыһыыта курдук күрэхтэргэ аҕалар күөн көрүстүлэр.

Кыайыылааҕынан Нам нэһилиэгин «Кэнчээри» уһуйааһын аҕаларын хамаандата буолла.

Иккис миэстэни Дүллүкү уһуйаанын "Молния" хамаандата ылла.

Үһүс миэстэ - "Теремок" уһуйаан "Крепкие парни" хамаандата буолла.

Маны таһынан үс көрүҥҥэ аҕаларга анал аат олохтонно. Ол курдук, хапсаҕайга Саввинов Гаврил, "Теремок" уһуйаан, сыалы ытыыга - Петров Сергей , Дүллүкү "Кустук" уһуйаан уонна мууһу буурдааһыҥҥа Романятов Константин, Дүллүкү "Кустук" уһуйаан, муҥутуур кыайыылаахтарынан буоллулар.

Түгэнинэн туһанан, Үөһээ Бүлүү нэһилиэгин дьаһалтатыгар, үөрэх салалтатын профсойууһун бэрэссэдээтэлигэр Лазарев Леонид Гаврильевичка, Үөһээ Бүлүүтээҕи Ис Дьыала уорганын, ГИБДД управлениетын, Үөһээ Бүлүүтээҕи О. Д. Федорова аатынан киин модельнай библиотека, оҕо технопарката,
Үөһээ Бүлүүтээҕи баһаарынай этэрээт, Госпожнадзор коллективтарыгар улахан махталбытын тиэрдэбит.

Сонуннарга анаан Вероника Протопопова

"Үөһээ Бүлүү" хаһыат

#күрэх #оҕосаассыла

🏃‍♂️ Бүгүн, муус устар 7 күнүгэр Н.И.Бойлохов аатынан оҕо искусство оскуолатыгар икки сылга биирдэ ыытыллар IX регионнааҕы “Сааскылаана” үҥкүү күрэҕэ үрдүк тэрээһиннээхтик буолан ааста.

Сүрүн тэрийээччилэр “Сааскылаана” оҕо образцовай үҥкүү ансаабылын салайааччылара - СӨ Үөрэҕэриитин, култууратын туйгуна Сардаана Иванова уонна хореография кылааһын бастакы категориялаах учуутала Уйгулаана Павлова буолаллар.

Быйылгы күрэх Арассыыйаҕа Дьиэ кэргэн уонна Саха сиригэр Оҕо сылыгар ананна. Күрэх оҕолорго уонна улахан дьоҥҥо саастарынан арахсан ыытылынна.

Оҕолорго уопсайа 30 нүөмэринэн 285 кыттааччы, улахан дьоҥҥо 9 нүөмэринэн 74 кыттааччы күөн көрүстүлэр.

Ол курдук, Ньурба улууһуттан, Үөһээ Бүлүү, Нам, Дүллүкү, Хоро, Харбалаах, Кырыкый, Далыр, Сургуулук нэһилиэктэрин оскуолаларыттан, уһуйааннарыттан, сынньалаҥ кииннэриттэн үҥкүү ансаамбыллара кыттыыны ыллылар.

Арассыыйаҕа Дьиэ кэргэн уонна Саха сиригэр Оҕо сылыгар дьиэ кэргэнинэн кыттыбыт Игнатьевтарга бастакы үрдэл уонна «Бастыҥ үҥкүүһүт дьиэ кэргэн” диэн анал аат иҥэрилиннэ.

«Кылаан Чыпчаал” үрдүк аатын оҕолорго Ньурба улууһун “Сир симэхтэрэ” үҥкүү бөлөҕө “Күөрэгэй” диэн үҥкүүтүнэн ылла, салайааччы Седалищева А.Г. уонна Н.И. Бойлохов аатынан оҕо искусство оскуолатын директора Анптолий Иванов туруорбут 5000 суумалаах сертификаты тутта.

Улахан дьоҥҥо “Норуот айымньытын киинэ” МАТ “Тосхол” үҥкүү коллектива, салайааччы Июлия Петрова, «Кылаан чыпчаал” үрдүк аатын ылла уонна Үөһээ Бүлүүтээҕи култуура уонна духовнай сайдыы департамена туруорбут 5000 суумалаах сертификатын бэлэх ылла.

Нам нэһилиэгин “Намыына” общественнай түмсүү коллектива, тэриллибитэ 30 сылын көрсө, П.Н.Тобуроков аатынан сынньалаҥ киинэ туруорбут бирииһин ылла.

Күрэххэ биирдиилээн спонсордаабыт күндү дьоммутугар - СӨ култууратын туйгунугар Татьяна Спиридоноваҕа уонна Сардаана Ильиноваҕа махталбытын тиэрдэбит.

Кыттааччылар бары миэстэҕэ, номинацияҕа тигистилэр, үөрэн-көтөн тарҕастылар.

Сонуннарга анаан Анастасия Данилова

"Үөһээ Бүлүү" хаһыат