#салалтаҕа

✅ - Улуустааҕы Тыа хаһаайыстыбатын управлениетын салайааччыта Сергей Иванов,
- КУМИ дириэктэрэ Артем Филиппов,
- "Дьаһалта дьиэлэрин уонна тутууларын көрө-истэр" МАТ салайааччыта Николай Александров,
- "Тутуу, промышленность уонна инфраструктураны сайыннарыы управлениета" МКТ салайааччыта Николай Дмитриев дуоһунастарыттан босхолоннулар.

"Үөһээ Бүлүү" хаһыат

#салалтаҕа

✅ Үөһээ Бүлүү улууһун дьаһалтатын дьыалаларын дьаһайааччынан Балаҕаннаах нэһилиэгиттэн төрүттээх Михаил Михайлович Егоров ананна.

Михаил Егоров 2006 с. Дьокуускайдааҕы култуура уонна искусство коллеһын бүтэрбитэ. Онтон салгыы Арктикатааҕы искусство уонна култуура судаарыстыбаннай институтугар үрдэтиммитэ.

2006-2006 сс. Үөһээ Дьааҥы улууһун төрүт национальнай култуура киинигэр методиһынан үлэлии сылдьыбыта.

2006-2008 сс. Майатааҕы Д.Ф.Ходулов аатынан норуот театрыгар режиссердаабыта.

2008-2013 сс. Былатыан Ойуунускай аатынан Саха академическай театрын старшай администраторынан үлэлээбитэ.

Кэлин, 2015 сылтан бу дуоһунаска ананыар диэри бу театрга көрөөччүлэри кытта үлэҕэ дириэктэри солбуйааччынан үлэлээн кэллэ.

"Үөһээ Бүлүү" хаһыат

#салалтаҕа

✅ Улуус баһылыгын социальнай боппуруостарга солбуйааччынан Анна Михайловна Уларова ананан үлэтин саҕалаата.

Анна Михайловна Харбалаах нэһилиэгиттэн төрүттээх.
1995 с. Аммосов аатынан Дьокуускайдааҕы университетыгар алын сүһүөх кылаас учууталын идэтигэр үөрэммитэ. 2018 с. Москваҕа РАНХиГС үөрэнэн судаарыстыбаннай уонна муниципальнай сулууспалаах идэтин баһылаабыта.

1995-1996 сс. – Ньурба улууһун дьаһалтатын ыччат отделын салайааччыта

1996-2011 сс. – Ньурба оройуонун дьиэ кэргэн уонна оҕо саас дьыалаларыгар сүрүн специалист, сэбиэдиссэй.

2011-2017 сс. – Ньурба куоратын СӨ МТиСР управлениетын салайааччыта.

2017 сылтан Үөһээ Бүлүүгэ ананан үлэлии кэлиэр диэри Ньурба улууһун баһылыгын социальнай боппуруостарга солбуйааччынан үлэлээн кэллэ.

2022-2023 сс. - СӨ Бырабыыталыстыбатын Бэрэссэдээтэлин солбуйааччы Ольга Балабкина секретариатыгар байыаннай дьайыыга сулууспалыы сылдьар байыастар дьиэ кэргэттэригэр көмөнү оҥорор өрөспүүбүлүкэтээҕи бөлөххө үлэлээбитэ.

2023-2024 сс. - Ил Түмэн судаарыстыбаннай мунньах ыччат, физическэй култуура уонна спорт дьыалаларыгар сис кэмитиэтин старший референэ.

"Үөһээ Бүлүү" хаһыат