#спорт #хапсаҕай #Буучугурас

⭐️ Ютуб ханаалга куйаар ситиминэн көрөн олорор быһа эфиргитин бу уолаттар хааччыйаллар.

Блогер, "Борьба Саха" ютуб ханаал сүрүн редактора Дыгын Дягилев уонна "Саха" НКИХ выходной отделын инженерэ Сүргэн Саввинов.

"Үөһээ Бүлүү" хаһыат

#спорт #хапсаҕай #Буучугурас

⭐️ Спорт комментаторынан иккис күнүн Александр Васильевич Васильев - Көрдүгэн үлэлии олорор.

Хас биирдии көбүөргэ тахсар спортсмен хаһан, ханна кыайбытын, туох наҕараадалааҕын ааҕа билэр киһи хантан барытын билэрин, ол кистэлэ туохха сытарын ыйыталастыбыт.

"1954 сылтан саҕалаан хас биирдии спорт көрүҥнэрин батыһа сылдьан, сороҕун хаһыаттан ааҕан барытын тэтэрээккэ сурунан ылар үгэстээхпин. Урукку өттүгэр, улахан тэтэрээт суох кэмигэр, хас биирдии суруммут лииспин сурунаалларга килиэйдээн мунньар этим" - диэн кэпсээтэ.

Билигин аҥаардас хапсаҕай күрэхтэрин суруммут 20-чэ тэтэрээттээх. Оттон спорт бары көрүҥүн суруммут тэтэрээтэ хос үс гыммыт биирэ диир. Төһө тэтэрээт баарын хаһан да ааҕан көрбөтөх эбит.

Ону тэҥэ Саха сирин туһунан значок коллекциялаах. Бу коллекциятын ахсаана 6 тыһыынчаттан тахсыбыт. Үөһээ Бүлүү аэропордун туһунан значок тахсыбытын була иликпин диир. Хас биирдии значогу умса да сыппыттарын да иһин, кэннилэриттэн көрөн таба таайар дьикти дьоҕурдаах эбит.

"Үөһээ Бүлүү" хаһыат

#спорт #хапсаҕай #Буучугурас

⭐️ 75 кг үөһээ ыйааһыҥҥа муҥутуур кыайыылаах аатын ылар иһин киирсиигэ 187 см үрдүк уҥуохтаах, 117 кг ыйааһыннаах Болдан Цыжипов бастакы эргииргэ Чурапчы бөҕөһүн Дьулустан Калачеву 4:0 очконан кыайда.

"Үөһээ Бүлүү" хаһыат

#спорт #хапсаҕай #Буучугурас

⭐️ "Хаҥалас хапсаҕайа-2024" муҥутуур кыайыылааҕын Бурятия бөҕөһүн Болдан Цыжиповы Мэҥэ-Хаҥалас бөҕөһө Никита Хабаров бэрт кыраһыабайдык охторон, муҥутуур кыайыылаах аатын ылар иһин финалга киирдэ.

Финалга Ньурба бөҕөһө Тимур Васильевтыын күөн көрсүөҕэ.

"Үөһээ Бүлүү" хаһыат

#спорт #хапсаҕай #Буучугурас

⭐️ Буучугурас 115 сылыгар ананар республиканскай күрэх чэрчитинэн саха аатырбыт хапсаҕайдьыттара Прокопий Петров (Хаҥалас) - Платон Саввинов (Үөһээ Бүлүү) икки ардыларыгар икки хотууга диэри матчевай күрэххэ Платон Саввинов эрэллээх кыайыыны ылла.

Матчевай күрэх спонсордарынан Үөһээ Бүлүү хапсаҕайга Федерациятын председателэ Николаев Иван Егорович уонна Үөһээ Бүлүү көҥүл тустууга Федерациятын председателэ Петров Дмитрий Алексеевич 60 тыһыынча солкуобайы уу харчынан туруордулар.

Дмитрий Петров Платон Саввиновка 40 тыһ. солк , Прокопий Петровка 20 тыһ. солк. уу харчынан туттарда.

"Үөһээ Бүлүү" хаһыат

#спорт #хапсаҕай #Буучугурас

⭐️ Кыайыылаахтары наҕараадалааһын саҕаланна.

Чөмпүйүөннэр кыһыл көмүс мэтээли кытта аалай кыһыл лиэнтэни кэттилэр.

Оҕолор 8, 5, 4 тыһ. солк. суумалаах бириистэри туттулар.

Маны сэргэ улуустааҕы үөрэх управлениетын 2,5 тыһ. солк. анал бириистэрин Намтан Ярик Сидоров, Кэнтиктэн Георгий Ноговицын, Тамалакаантан Витя Егоров, Үөһээ Бүлүүттэн Вася Софронов туттулар.

Оҕо спортивнай оскуолатын анал бирииһэ 2-с миэстэни ылбыт Вадим Васильев 5 тыһ. солк. ананна.

"Үөһээ Бүлүү" хаһыат

#спорт #хапсаҕай #Буучугурас

⭐️ Бэтэрээннэргэ чөмпүйүөн аалай кыһыл лиэнтэтин уонна кыһыл көмүс мэтээли ылбыт кыайыылаахтарга 40 тыһ. солк. бириис туттарылынна.

Иккис миэстэлээхтэр 30 тыһ. солк., үһүс миэстэлээхтэр 20 тыһ. солк. сууманы бириис туттулар.

"Үөһээ Бүлүү" хаһыат

#спорт #хапсаҕай #Буучугурас

⭐️ Эр дьоҥҥо кыайыылаахтар эмиэ 40 тыһ. солк., иккис миэстэлээхтэр 30 тыһ. солк., үһүс миэстэлээхтэр 20 тыһ. солк. бириис быһыытынан туттуллар.

ХИФУ чөмпүйүөнэ Сергей Николаевка "АЛРОСА" АУо Накыыныгар үлэлиир уолаттар ааттарыттан, Мирко Брощевка Михаил Филиппов анал бириистэрин туттардылар.

Турнир устата 10 спорт маастара судьуйалаата.

Сүрүн судьуйанан Олег Дадаскинов үлэлээтэ.

"Үөһээ Бүлүү" хаһыат

#спорт #хапсаҕай #Буучугурас

⭐️ Оҕолорго муҥутуур кыайыылаах үрдүк аатын ылар иһин көбүөргэ

Үөһээ Бүлүүттэн Денис Потаповы охторон Кэбээйиттэн Гуляев Эльдар муҥутуур кыайыылаах аатын сүктэ.

"Үөһээ Бүлүү" хаһыат

#спорт #хапсаҕай #Буучугурас

⭐️ Көбүөргэ Мэҥэ-Хаҥаластан Никита Хабаров уонна Ньурба бөҕөһө Тимур Васильев таҕыстылар.

Муҥутуур кыайыылаах аатын Никита Хабаров ылла.

"Үөһээ Бүлүү" хаһыат

#спорт #хапсаҕай #Буучугурас

⭐️ Мэҥэ-Хаҥалас бөҕөһө Никита Хабаров 500 тыһыынча солкуобайы баарта таба тайанан ылла.

"Үөһээ Бүлүү" хаһыат