#спорт #уһуйаан

⭐️ "Сонор" интеллектуальнай биатлон уһуйааннары түмтэ

Бүгүн, Үөһээ Бүлүү оройуонун төрөөбүт күнүгэр Үс Хоһуун спортсаалатыгар 8 нүөмэрдээх "Аленушка" оҕо сайдар киинэ сыл аайы Варвара Алексеевна Яковлева кэриэһигэр "Сонор" биатлон күрэҕин тэрийэр.

Быйылгы күрэх номнуо үбүлүөйдээх, улууска Варвара Яковлева кэриэһигэр ыытыллар "Сонор" күрэҕэ тэриллибитэ 10-с сыла.

Улуус уһуйааннарыттан 6-лыы киһиттэн састааптаах 9 хамаанда кыттар. Ол курдук улуус киинин"Аленушка", "Сказка", "Кэнчээри", "Солнышко", "Үрүйэчээн", "Ньургуһун", "Сардаана" уонна Хоро, Кэнтик нэһилиэктэрин уһуйааннарын төрөппүттэрэ, эбээлэр, эһээлэр күрэхтэһэллэр.

Варвара Яковлева "Сонор" оонньууга улууска биир бастакынан оҕолору дьарыктаан саҕалаабыта. Билигин буулдьанан ытыыга улуус холбоһуктаах хамаандатын тренерэ Лаврентий Карадчин "Аҕалар" түмсүүнү салайан, бу күрэххэ уһуйуллан, ситэн-хотон тахсыбыт номнуо буулдьанан ытыыга СӨ спордун маастара буолар.

"Үөһээ Бүлүү" хаһыат

#спорт #уһуйаан

⭐️⭐️⭐️ Интеллектуальнай биатлон кыттааччыларын "Аленушка" оҕо сайдар киинин бэлэмнэнии бөлөҕүн иитиллээччилэрэ "Саха Ньургун уолаттара" ырыанан эҕэрдэлээтилэр.

"Үөһээ Бүлүү" хаһыат

#уһуйаан #кыһа

⭐️ Бүгүн, кулун тутар 28 күнүгэр, «Аленушка» оҕо сайдар киинэ 35 сыллаах үбүлүөйүгэр анаммыт улуустааҕы «Дьиэ кэргэним оонньуур оонньуута» диэн төрөппүттэр оҥорон таһаарбыт дидактическай оонньуурдарын күрэҕэ буолла.

Уопсайа 34 араас көрүҥнээх үлэ киирдэ. Дьүүллүүр сүбэҕэ эбии үөрэхтээһин педагогтара Татьяна Анисимова, Ульяна
Андреева, педагог-психолог Георгианна Афанасьева үөрэх управлениетын информационнай-методическай салаатын сүрүн специалиһа
Сардаана Павлова салайыытынан үлэлээтилэр. Киирбит үлэлэртэн 3 бастыҥы быһаардылар.

Күрэх түмүгүн уһуйаан 35 сыллаах үбүлүөйүн бэлиэтиир үөрүүлээх тэрээһинигэр, муус устар 4 күнүгэр Оҕо искусство оскуолатын дьиэтигэр иһитиннэриэхтэрэ. Хас биирдии киирбит үлэ бу күн быыстапкаҕа туруоруллан дьон көрүүтүгэр тахсыахтара.

Биһиги куонкуруспутугар кыттыбыт төрөппүттэргэ, иитээччилэргэ улахан махталбытын тиэрдэбит.

Сонуннарга анаан Георгианна Афанасьева

"Үөһээ Бүлүү" хаһыат

#уһуйаан #кыһа #күрэх #всейсемьей

⭐️ Уһуйааннар төрөппүттэригэр аналлаах күрэх аҕалары түмтэ

Бүгүн 3-с нүөмэрдээх оҕо сайдар киинин "Үрүйэчээн" уһуйаан иитээччилэрин көҕүлээһининэн, Аҕа күнүн көрсө, Үөһээ Бүлүүтээҕи оҕо уһуйааннарын иитиллээччилэрин аҕаларын икки ардыларыгар улууспутугар үһүс төгүлүн "Квест-оонньуу 2024" буолан ааста.

Күрэххэ уопсайа 5 хамаанда кытынна. Биирдии уһуйаантан 4-түү төрөппүт кыттара ирдэниллибитэ.

Күрэхтэһээччилэр 6 станциянан сылдьан сорудахтары толордулар.

Бүлүү эбэҕэ сыал ытыыта, тоҥуу хаарынан сүүрэн тиийэн мууһу буурдааһын, хапсаҕайдааһын, канат тардыһыыта курдук күрэхтэргэ аҕалар күөн көрүстүлэр.

Кыайыылааҕынан Нам нэһилиэгин «Кэнчээри» уһуйааһын аҕаларын хамаандата буолла.

Иккис миэстэни Дүллүкү уһуйаанын "Молния" хамаандата ылла.

Үһүс миэстэ - "Теремок" уһуйаан "Крепкие парни" хамаандата буолла.

Маны таһынан үс көрүҥҥэ аҕаларга анал аат олохтонно. Ол курдук, хапсаҕайга Саввинов Гаврил, "Теремок" уһуйаан, сыалы ытыыга - Петров Сергей , Дүллүкү "Кустук" уһуйаан уонна мууһу буурдааһыҥҥа Романятов Константин, Дүллүкү "Кустук" уһуйаан, муҥутуур кыайыылаахтарынан буоллулар.

Түгэнинэн туһанан, Үөһээ Бүлүү нэһилиэгин дьаһалтатыгар, үөрэх салалтатын профсойууһун бэрэссэдээтэлигэр Лазарев Леонид Гаврильевичка, Үөһээ Бүлүүтээҕи Ис Дьыала уорганын, ГИБДД управлениетын, Үөһээ Бүлүүтээҕи О. Д. Федорова аатынан киин модельнай библиотека, оҕо технопарката,
Үөһээ Бүлүүтээҕи баһаарынай этэрээт, Госпожнадзор коллективтарыгар улахан махталбытын тиэрдэбит.

Сонуннарга анаан Вероника Протопопова

"Үөһээ Бүлүү" хаһыат

#үбүлүөй #уһуйаан

⭐️ Кииннэммит модельнай бибилэтиэкэ дьиэтигэр 8-с нүөмэрдээх "Аленушка" оҕо сайдар киинин 35 сыллаах үбүлүөйүн бастакы тэрээһинэ саҕаланна.

Үбүлүөйү көрсө уһуйаан бэтэрээннэрин, урукку сылларга үлэлээн ааспыт үлэһиттэр истиҥ-иһирэх ахтыыларыттан түмүллүбүт кинигэлэрэ "Үөһээ Бүлүү" хаһыат редакциятыгар таҥыллан, бэчээттэнэн таҕыста.

Кинигэ ис хоһоонун, тутулун бу детсадка өр сылларга методиһынан үлэлээбит Раиса Павлова бэлэмнээн, ааптар быһыытынан ис хоһоонун кэлбит дьоҥҥо билиһиннэрдэ.

Кинигэ сүрэхтэниитин уһуйаан иитээччилэрэ Туйаара Федорова, Светлана Варварикова салайар "Үнүгэсчээн" орто бөлөҕүн оҕолоро сахалыы иһит-хомуос, өбүгэбит туһана сылдьыбыт тэриллэрин туһунан хоһооннорун ыалдьыттары көрүстүлэр.

Арианна Афанасьева, Надежда Герасимова иитээччилэрдээх бэлэмнэнии бөлөҕүн оҕолоро эҕэрдэ нүөмэрдэрин көрдөрдүлэр.

"Үөһээ Бүлүү" хаһыат

#үбүлүөй #уһуйаан

⭐️ Исидор Барахов аатынан 1-кы нүөмэрдээх орто оскуола 10-с кылааһын үөрэнээччитэ, Петр Одорусов хос сиэнэ Антон Иванов иитиллибит оҕо саадын иитээччилэрин ахтан-санаан кэлэн, эҕэрдэлээн, Тыас Уус "Мин хаалыаҕым" ырыатын бэлэх уунна.

"Аленушка" оҕо саадыгар сэбиэдиссэйинэн үлэлээн ааспыт Людмила Егорова аан бастаан уһуйаан боруогун атыллаан киириэҕиттэн үлэлээн ааспыт сылларыттан истиҥник саныыр түгэннэрин ыалдьыттары кытта үллэһиннэ.

"Үөһээ Бүлүү" хаһыат

#үбүлүөй #уһуйаан

⭐️ Үөһээ Бүлүү нэһилиэгин баһылыга Максим Силигиянов тыа сирин уһуйаана оҕоҕо бастакы укулааты уурар улахан суолталаах тэрилтэ буоларын бэлиэтээн туран эҕэрдэлээтэ.

"Оҕону иитэр диэн манан дьыала буолбатах, чахчы идэтигэр бэриниилээх дьон үлэлиир идэтэ. Инники өттүгэр салгыы үлэлэһиэхпит"- диэн эрэннэрдэ.

Уһуйаан сэбиэдиссэйигэр Александра Михайловаҕа уонна бөһүөлэккэ күүс-көмө буолар үлэһиккэ, иитээччи көмөлөһөөччүтэ Альбина Григорьеваҕа дьаһалта аатыттан Махтал суруктары туттарда.

"Үөһээ Бүлүү" хаһыат

#үбүлүөй #уһуйаан

⭐️ Үөрэх управлениетын салайааччытын солбуйааччыта Леонид Огочонов кырачааннар бөлөхтөрүн иитээччитигэр Долгуяна Ивановаҕа, бэлэмнэнии бөлөҕүн иитээччитигэр Арианна Афанасьеваҕа сыралаах үлэлэрин бэлиэтээн туран Бочуот грамотатын туттарда.

Үөрэх үлэһиттэрин идэлээх Сойуустарын бэрэссэдээтэлэ Леонид Лазарев уһуйаан физкультураҕа инструкторыгар Алена Сергееваҕа, улахан бөлөз иитээччитигэр Надежда Степановаҕа, иитээччи көмөлөһөөччүтүгэр Любовь Ивановаҕа өр сыллаах үтүө суобастаах үлэлэрин иһин Грамотанан бэлиэтээтэ.

"Үөһээ Бүлүү" хаһыат