#ийэтыл #сахатыла

⭐️ Бүгүн Хороҕо Дьокуускайтан кэлбит "Күн" оҕо хамсааһына өрүс уҥуоргу нэһилиэктэр оскуолаларын оҕолорун кытары көрсүһүүтүн саҕалаата 👫👭👬

Оҕолор бары сахалыы сайбаччы таҥнан, ох курдук оҥостон, сир курдук симэнэн кэлбиттэр. Ийэ тылы туругурдар үлэлэри ыытар туһунан үгүс кэпсэтиилэр, бырайыак көмүскээһиннэрэ, дьыалабыай оонньуулар буолуохтара 🤩🤩🤩💫💫💫

Туругурдун, төрөөбүт төрүт тылбыт👏👏👏✊✊✊

"Үөһээ Бүлүү" хаһыат

#ийэтыл #сахатыла

⭐️ Намҥа - чабырҕах ааҕар дьоро күн

"Кэнчээри" уһуйаан иитиллээччилэрэ, П.Тобуруокап аатынан орто оскуола үөрэнээччилэрэ, "Көмүлүөк", "Намыына" түмсүүлэрэ, биирдиилээн ааҕааччылар көхтөөхтүк кытыннылар.

Үлэ бэтэрээнэ Варвара Гаврильева эрэллээхтик бастакы миэстэни ылла. Розалия Тарасова норуодунай бэйээт П.Тобуруокап ханна да ааҕыллыбатах "Мунньахтар" диэн чабырҕаҕын ааҕан дьону үөртэ. Дьоруой Ийэ Елена Попова бэйэтэ суруйбут чабырҕаҕын билиһиннэрдэ.

Барыта 43 киһи кыттыыны ылан, бары астынан, үөрэн- көтөн тарҕастылар.

Ийэ тылы хараанныыр түмсүү ахсынньы 1 күнүгэр улуус таһымнаах күрэҕи былаанныыр.

Сонуннарга анаан Нина Саввинова

"Үөһээ Бүлүү" хаһыат

#ийэтыл #сахатыла

⭐️ Ахсынньы 1 күнүгэр Нам нэһилиэгэр "Чоргуй, чобуо чабырҕах" диэн улуустааҕы чабырҕах күрэҕин тэрийдилэр.

Уһуйаан иитиллээччилэрэ, оскуола оҕолоро, улахан дьон, түмсүүлэр көхтөөхтүк кытыннылар. Бастыҥнар ааспыт үйэ аатырбыт чабырҕахсыттара Петр Николаев, Иона Николаев, Мария Алексеева, Александр Тойтонов дьиэ кэргэттэрэ туруорбут бириистэрин тутан үөрдүлэр- көттүлэр. Олохтоох тэрилтэлэр, түмсүүлэр, биирдиилээн дьон спонсордаан бириис бөҕө туруордулар. Тэрээһиҥҥэ саха норуодунай суруйааччыта Дмитрий Наумов кыттыыны ылан, бииргэ үлэлээбит П.И.Николаев туһунан ахтыы оҥордо, "Чаҥый Чаҕаан чабырҕахсыкка" диэн анал бирииһин И.Барахов аатынан оскуола "Үнүгэсчээн" бөлөҕөр туттарда уонна кинигэтин бэлэхтээтэ.

Чабырҕахсыт Николаевтар тустарынан слайд көрдөрдүлэр, уус-уран самодеятельноска ситиһиилэри кэпсиир быыстапканы туруордулар, республика фестивалыгар аахпыт чабырҕахтарын радиофондаттан ыыппыттарын иһитиннэрдилэр, "Тобуруокап чабырҕахтара"диэн брошюра түҥэтилиннэ. Норуот маастара Розалия Бурнашева тикпит сахалыы таҥастарын, Л Егорова салайааччылаах бөлөх түүнү хатайдаан оҥорбут соннорун, норуот маастара Лука Николаев мас оҥоһуктарын, "Ситим" түмсүү сиэл олбохторун, "Уран иэйии" түмсүү кэрэ киэргэллэрин көрдөрдүлэр. Киэҥ программалаах тэрээһинтэн дьон-сэргэ астынан тарҕаста.

Бары кыттыбыт, өйөөбүт, спонсордаабыт дьоммутугар, тэрилтэлэргэ, түмсүүлэргэ барҕа махталбытын тиэрдэбит. Биһиги күүспүт- түмсүүгэ!!!

Сонуннарга анаан Нина Саввинова

"Үөһээ Бүлүү" хаһыат

🧿 Тылы сөпкө туттуоҕуҥ: саха маанылаах аһа

🎄 Сотору күүтүүлээх Саҥа дьыл үүнүө. Хаһаайкалар номнуо бырааһынньыкка анаан тугу астыыбыт, дьоммутун тугунан үөрдэбит диэн толкуйга түһэллэр.

🥙🧇 Биллэн турар, саха маанылаах сандалыта төрүт аһа-үөлэ суох сатаммат. Өбүгэлэрбит урут-уруккуттан харыстаан илдьэ кэлбит астарын ырысыаптара, ыалдьытымсах буолуу үгэстэрэ бу күҥҥэ диэри умнуллубакка тиийэн, өссө тупсарыллан кэллилэр.

❓ Оттон биһиги саха аһын-үөлүн туһунан төһө билэбит.

#сахатыла

❤️ @ulusmedia