#бэлиэкүн

⭐️ Үөһээ Бүлүүтээҕи Олоҥхо норуот тыйаатырыгар Иван Спиридонович Семенов - Кулууп Уйбаан аатын иҥэрдилэр.

"Кэрэтэ суох олох туругурбат" спектакль премьератын иннигэр улуус баһылыга Валерий Николаев илии баттааһыннаах дьаһалга олоҕуран Олоҥхо норуот тыйаатырыгар Иван Спиридонович Семенов аата иҥэриллибитин туһунан иһитиннэрдилэр.

Улуус баһылыгын социальнай боппуруостарга солбуйааччыта Анна Уларова туруорааччы режиссер Сайыына Васильеванан сирэйдээн тыйаатыр коллективын эҕэрдэлээтэ. Бүлүү эбэ күнүн бэлиэтиир бэлиэ күҥҥэ сөп түбэһиннэрэн тыйаатыр сүрэхтэммитэ суолталааҕын бэлиэтээтэ.

Дьоро киэһэҕэ Иван Спиридонович Семенов орто уола Леонид Семенов дьиэ кэргэнинээн уонна сиэннэрэ кыттыыны ыллылар. Тыйаатыр режиссеругар Сайыына Васильеваҕа махтаналларын биллэрдилэр.

Спектакль туһунан сиһилии "Үөһээ Бүлүү" хаһыат кэлэр нүөмэригэр ааҕыаххыт.

@uohee_buluu

#бэлиэкүн

⭐️ Бэс ыйын 12 күнэ - Россия күнэ

Бүгүн дойду үрдүнэн Россия күнүн бэлиэтиибит. Бу бэлиэ күнү көрсө Үс Хоһуун стадиоҥҥа үөрүүлээх тэрээһин буолла.

Үөһээ Бүлүү улууһун баһылыга Валерий Николаев, Үөһээ Бүлүү сэлиэнньэтин баһылыгын солбуйааччы Егор Михайлов уонна Бүлүү, Үөһээ Бүлүү улуустарын көрдүүр-быыһыыр сулууспаларын салайааччыта, анал байыаннай дьайыы кыттыылааҕа, "Саллаат аҕата" бэлиэлээх Михаил Ан бэйэлэрин эҕэрдэ тылларын эттилэр.

Дойдуга үрдүнэн ил-эйэ баар буоллун, үлэни өрө тутан төрөөбүт дойдубутун сайыннара туруохха!

Туругурдун, Улуу Россия!
Туругурдун, Саха сирэ!
Туругурдун, Үөһээ Бүлүү!

@uoheebuluu

#бэлиэкүн

⭐️ Россия күнүгэр оҕолор Россия гражданинын докумуонун туттулар

14 саастарын туолбут үөрэнээччилэр олохторун сүрүн докумуонун - пааспары улуус баһылыга Валерий Николаев илиититтэн туттулар.

Ол курдук, сүрүн докумуону 8-с кылаас үөрэнээччилэрэ Д.С. Спиридонов аатынан 4-с нүөмэрдээх орто оскуолаттан Никита Оконешников, Мэйик орто оскуолатыттан Сайаан Павлов, Кырыкый сүрүн оскуолатыттан Айсен Миронов, М.А. Алексеев аатырар өрөспүүбүлүкэтээҕи лиссиэй-интэринээттэн Дарина Семенова уонна Бүөтүр Тобуруокап аатынан Нам орто оскуолатыттан Анжелика Романова ыллылар.

@uoheebuluu

#бэлиэкүн

⭐️ Үөһээ Бүлүүбүт ырыа куттаахтара, хомоҕой хоһоонноохторо бэйэлэрин эҕэрдэлэрин ырыа, хоһоон нөҥүө тириэртилэр.

Олус истиҥ, дойдуга тапталы, бэриниилээх буолуу санаатын үөскэтэр кэнсиэр турда.

@uoheebuluu

#бэлиэкүн

✅ Ил Дархан Айсен Николаев Үөһээ Бүлүүгэ сырыытын Үөдүгэй нэһилиэгэр тутулла турар элбэх хайысхалаах спортивнай саала эбийиэгин көрүүттэн саҕалаата.

Бу тохтоон турбут тутууну быйыл бүтэрэн үлэҕэ киллэриэххэ наада диэн улуус баһылыгар Валерий Николаевка сорудахтаата.

Бу эбийиэк тутуллан бүттэҕинэ Ю.Н. Прокопьев аатынан спортивнай орто оскуолаҕа бэриллиэхтээх.

"Үөһээ Бүлүү" хаһыат

#бэлиэкүн #ИлДархан

✅ Салгыы биэрэги бөҕөргөтүү үлэтин билистэ.

Сиһилии хаһыат кэлэр нүөмэригэр ааҕыаххыт

@uoheebuluu

#бэлиэкүн

⭐️50 сыл бииргэ олорбут Үөдүгэй олохтоохторугар "Килбиэннээх дьиэ кэргэн" бэлиэ ананна

Дойдуга Дьиэ кэргэн, таптал уонна бэриниилээх буолуу күнүн көрсө Саха Өрөспүүбүлүкэтин Бырабыыталыстыбатын иһинэн Гражданнар турук акталарын суруйар управление олохтообут үрдүкү "Килбиэннээх дьиэ кэргэн" бэлиэтин улуустааҕы ГТАС салайааччыта Татьяна Кардашевская Константин Терентьевич уонна Валентина Николаевна Ивановтарга бүгүн, бу дьоро күнү бэлиэтиир тэрээһиннэригэр туттарда.

Ивановтар дьиэ кэргэн 1974 сыллаахха от ыйын 5 күнүгэр төрүттэммит. Ыал аҕата Константин Терентьевич өр сылларга улуустааҕы киин балыыһа суһал көмөтүгэр суоппарынан, салныыМелиорация тэрилтэтигэр плотнигынан, пилорамщигынан, оператор-кочегарынан үлэлээн, өрөспүүбүлүкэ, улуус мелиорациятын сайдыытыгар 18 сылын анаабыта. Өр сыллаах үтүө суобастаах үлэтин иһин "Үөһээ Бүлүү улууһугар мелиорация сайдыытыгар кылаатын иһин" түөскэ кэтэр бэлиэлээх үлэ бэтэрээнэ.

Оттон Валентина Николаевна "Үөһээ Бүлүү оройуонун доруобуйа харыстабылын бочуоттаах бэтэрээнэ". 24 сыл устата улуустааҕы киин балыыһаҕа медицинскэй сиэстэрэнэн, сүрүн уонна ревизор-бухгалтерынан, кадр отделын специалиһынан, онтон салгыы баһаарынай этэрээт бухгалтерынан, кырдьаҕастар уонна инбэлииттэр дьиэлэригэр кассир-бухгалтерынан үлэлээбитэ. Үлэ бэтэрээнэ.

Ону тэҥэ үйэ аҥаара бииргэ олорбут дьон Ил Дархан Айсен Николаев аатыттан истиҥ-иһирэх тыллардаах эҕэрдэ суругун туттулар.
3 оҕону иитэн, киһи хара оҥорбут номнуо сиэннэр тапталларыгар угуттанар Үөдүгэй нэһилиэгин дьоһун ыалыгар улуус баһылыга Валерий Николаев аатыттан эҕэрдэ суругу улуус дьаһалтатын Дьиэ кэргэн салаатын салайааччыта Аяна Кардашевская туттарда.

Бу үөрүүлээх күҥҥэ Ивановтар дьиэ кэргэттэрэ улуустааҕы ГТАС салаатын "Ытык ыал" Бочуот кинигэтигэр киирдилэр.

"Үөһээ Бүлүү" хаһыат