#Бэлиэкүн

Атырдьах ыйын 22 күнүгэр О.Д. Федорова аатынан киин модельнай библиотекаҕа Арассыыйа Федерациятын судаарыстыбаннай былааҕын 30 сылыгар анаан эдэр көлүөнэҕэ сэргэх тэрээҺин буолан ааста.

Манна "Бараховец" лааҕыр оҕолоругар (нач. В. И. Тарасова, восп. А.И. Иванова, Е.Д. Хабахова) Арассыыйа Былааҕын историятын туһунан (День Государственного Флага) библиотечнай уруок, бэсиэдэ, интеллектуальнай викторина ыытылынна.

Дойдубут былааҕын күнэ Арассыыйа Федерациятын өрөгөйүн ырыатынан саҕаланна. Викторинаҕа оҕолор балачча билиилээхтэрин көрдөрөн көхтөөхтүк кытыннылар.

Викторина түмүгэр
1 м. - Николаев Сахамин (6 кл).
2 м. - Миронов Саян (6 кл).
3 м. - Сидоров Сахамин (6 кл) буоллулар. Кыайыылаах оҕолорго улууспут историятын көрдөрөр ис хоһоонноох кинигэлэр туттарылыннылар.

Маны таһынан, "Великий Российский прославленный флаг" кинигэ быыстапката турда. Оҕо уонна нэһилиэк библиотекаларыгар кинигэ выставкалара, бэсиэдэлэр, куйаар ситиминэн тургутуктар ыытылыннылар.

@uoheebuluu

#Бэлиэкүн

Бүгүн Улуу Россия былааҕын күнүнэн Ийэ скверигэр үөрүүлээх концерт ыытылынна.

Улуустааҕы дьиэ кэргэн уонна ыччат политикатын салайааччыта Айяна Кардашевская Россия былааҕын күнүнэн эҕэрдэлээтэ уонна бу бэлиэ күн туһунан чахчылардаах флаердары мустубут дьоҥҥо бэлэхтээтэ.

Улууспут талба талааннаахтара, ырыаһыттара, мелодистара Николай Чуручанов, Марина Петрова, Мария Алексеева, Юрий Васильев- Дьураай о.д.а. ылбаҕай ырыаларын бэлэхтээтилэр.

Аһаҕас халлаан анныгар ыытыллыбыт эҕэрдэ концерт элбэх көрөөччүнү муста, дьону-сэргэни сэргэхситтэ.

@uoheebuluu

#Бэлиэкүн

Бүгүн, Олоҥхо дьиэтигэр, СӨ Судаарыстыбаннаһын күнүн көрсө, үөрүүлээх тэрээһин Улуу Россия, Саха сирэ, Үөһээ Бүлүү гимнэриттэн саҕаланна.

@uoheebuluu

#Бэлиэкүн

СӨ Ил Дархан дьаһалтатын уонна СӨ Бырабыыталыстыбатын салайааччы Георгий Николаевич Михайлов улуус олохтоохторун эҕэрдэлээтэ уонна Ил Дархан махтал суруктарын идэлэригэр бэриниилээх дьоҥҥо туттартаата.

@uoheebuluu

#Бэлиэкүн

Улуус баһылыга Валерий Николаев бар дьонун Судаарыстыбаннас күнүнэн эҕэрдэлээтэ уонна Ыксаллаах быһыы-майгы сулууспата тэриллибитэ 40 сылынан үбүлүөйдээх мэтээллэри, "Россия бочуоттаах донора" ааты туруу үлэһиттэргэ уонна бу күннэргэ 14 саастарын туолбут кэнчээри ыччаттарбытыгар Россия гражданинын пааспардарын туттартаата.

Эҕэрдэлиибит! 🎉🎉🎉

@uoheebuluu

#Бэлиэкүн

Улуус депутаттарын Сэбиэтин бэрэссэдээтэлэ Николай Николаев истиҥник эҕэрдэлээн туран өр сыллаах сыралаах үлэтин уонна Үөһээ Бүлүү улууһун социальнай-экономическай сайдыытыгар кылаатын иһин "СӨ Бочуоттаах тутааччыта" түөскэ кэтиллэр бэлиэ хаһаайына Дмитрий Алексеевич Петровка "Үөһээ Бүлүү улууһун Бочуоттаах олохтоҕо" ааты туттарда, улуус депутатыгар Александра Михайловаҕа уонна депутаттар Сэбиэттэрин специалиһыгар Диана Сидороваҕа махтал суруктары туттартаата.

@uoheebuluu