#спорт

Кулун тутар 21-22 күннэригэр Үөһээ Бүлүүгэ СӨ култууратын үтүөлээх үлэһитэ, СӨ үөрэҕириитин уонна култууратын туйгуна, сахалыы остуол оонньууларыгар СӨ спордун маастара, Үөдүгэй, Мэйик нэһилиэктэрин, Үөһээ Бүлүү улууһун Бочуоттаах олохтооҕо, Бүлүү түбэтигэр оһуохай сайдыытыгар сыратын ууран үлэлээбит, өрөспүүбүлүкэҕэ бастакынан сахалыы остуол оонньууларын тэрийээччи, көҕүлээччи Д.Я. Федотов 90 сааһыгар хабылыкка, хаамыскаҕа өрөспүүбүлүкэтээҕи күөн күрэс ыытылынна.

Манна барыта 11 улуустан 84 киһи кэлэн кыттыыны ыллылар. Күрэхтэһии үөрүүлээх арыллыытыгар улуус баһылыгын социальнай боппуруостарга уонна дьиэ кэргэн политикатыгар солбуйааччыта А. М. Уларова иһирэх эҕэрдэтин этэн туран, икки күннээх оонньууларга барыларыгар ситиһиини, табыллыыны баҕарда.
Дмитрий Яковлевич кыыһа Ольга Дмитриевна, сиэн кыыһа аҕаларын, эһэлэрин олоҕуттан, кини хабылык, хаамыска сайдыытыгар киллэрсибит сүҥкэн оруолун туһунан мустубут дьоҥҥо билиһиннэрдилэр, кэпсээтилэр.

Бастакы күҥҥэ «Күөрэгэй», «Сулус» оонньонно, иккис күҥҥэ «Хабылык», 5, 7 «Хаамыска» , «Умсаах» оонньоннулар. Манна кыайыылаахтар 1 м. - 10 000, 2 м.- 8000, 3 м. -6000 харчынан бирииһи туттулар.

Бүтэһик түһүмэҕинэн, буоларын курдук, муҥутуур кыайыылааҕы быһаарыы буолла. Кыттааччылар "Умсаах, хабылык, 5-тээх хаамыска» уонна «Умсаах, хабылык, 5, 7, 9 хаамыска» көрүҥнэргэ күөн көрүстүлэр. Ол курдук, бастакы көрүҥҥэ кыайыылаахтарынан Ая Давыдова, Андрей Захаров (Бүлүүлэр) тахсан, 20 000 харчынан бэлиэтэннилэр. Оҕолорго Журавлев Богдан (Дьокуускай), Алексеева Аэлита (Мэҥэ-Хаҥалас) кыайан, 10-нуу тыһыынча харчыны туттулар.

Онтон "Федотовтыы" 9 хаамыскалаах күрэххэ дьахталлар уонна эр дьоннор тэҥҥэ киирсэн көрсөн, кыайыылааҕынан Уолан Оконешников (Дьокуускай) тахсан, 20 000 харчынан уонна 70 000 суумалаах путевканы Дмитрий Яковлевич кыыһа Ольга Дмитриевна илиититтэн тутта!

Дмитрий Яковлевич дьарыктаан спорт маастарыгар тиийэ үөрэммит оҕолоро туруорбут анал бириистэрин - улахан телевизоры сэрэбиэй түмүгүнэн оскуола үөрэнээччитэ, Мэҥэ-Хаҥалас оҕото Захаров Ян тардан ылан, үөрүү көтөллөннө. Иккис анал бирииһи - эмиэ телевизоры Ньургун Семеновка (Ньурба) туттардылар.

Түмүккэ Үөһээ Бүлүү улууһун баһылыгар Николаев В.В., Саха сиринээҕи остуол оонньуутун федерациятын президенигэр Григорьева О.Г., улуустааҕы остуол оонньуутун федерациятын председателигар Иванов А.Ю., улуустааҕы спорт управлениетын начальнигар Николаев Е. А., Дмитрий Яковлевич кыыһыгар Ольга Дмитриевнаҕа, күрэхтэһии кылаабынай судьуйатыгар Степанов Дархан Анатольевичка, бары ыраахтан-чугастан кэлбит спортсменнарбытыгар уонна биирдиилээн стипендия туттарбыт Кетехов В.Р., Дмитрий Яковлевич үөрэнээччитигэр Иванова Т. Б., Иванова Лариса Михайловнаҕа, Васильев Анатолий Михайловичка күрэхтэһиини тэрийэн ыытыыга сүҥкэн көмөҕүт иһин истиҥ махталбытын тириэрдэбит!

Туяра Варламова, Д.Я. Федотов үөрэнээччитэ, остуол оонньууларыгар Саха Республикатын спордун маастара

#Көмүскэл #Спорт

🔸В Верхневилюйском улусе состоялись III Соревнования среди детей с ограниченными возможностями здоровья, приуроченные к 80-летию Победы в Великой Отечественной войне и Году защитника Отечества. Это событие собрало 24 юных спортсменов из девяти школ района, а также двоих гостей с городских школ-интерната, объединив их в атмосфере упорства, стремления к победе и настоящего спортивного духа. Читайте по ссылке

@uoheebuluu
@ulusmedia

#спорт

Бүгүн Үс Хоһуун спорт саалатыгар РФ үөрэҕин бочуоттаах үлэһитэ, СӨ Үөрэҕириитин туйгуна, үрдүк категориялаах тренер, 6 РФ Спордун маастардарыгар кандидаттары иитэн-такайан таһаарбыт Владимир Федотов 65 саастаах үөрүүлээх үбүлүөйүн көрсөр теннискэ республикатааҕы турнир саҕаланна. Республикатааҕы турнирга Амма, Уус Алдан, Горнай, Сунтаар, Ньурба, Бүлүү, Үөһээ Бүлүү, Мэҥэ Хаҥалас, Дьокуускай эдэр спортсменнара кытта кэллилэр.

Турниры үөрүүлээхтик арыйар чааһыгар Үөһээ Бүлүү улууһун баһылыгын үп-харчы боппуруостарыгар солбуйааччы Марфа Николаева, улуус депутаттарын мунньаҕын Сэбиэтин бэрэссэдээтэлэ Николай Николаев, СӨ остуол тенниһын федерациятын салайааччыта Петр Максимов, Тамалакаан нэһилиэгин баһылыга Петр Иванов, спорт управлениетын салайааччытын солбуйааччы Михаил Яковлев кытыннылар, эҕэрдэ тылларын эттилэр.

@uoheebuluu

#спорт

Бү күн Владимир Федоровичка махтал тыллары этэн туран Үөһээ Бүлүү улууһун, Тамалакаан нэһилиэгин дьаһалтатын, спорт управлениетын, остуол тенниһын федерациятын ааттарыттан Махтал суруктары, СӨ Спорт министиэристибэтин аатыттан Бочуот грамотатын уонна "Спорт бэтэрээнэ" түөскэ кэтиллэр бэлиэни ытыс дохсун тыаһынан туттардылар.

Маны таһынан остуол тенниһын бэтэрээнигэр Борис Ивановка спорт управлениетын уонна СӨ спордун министиэристибэтин аатыттан Махтал суруктары, Владимир Федорович үөрэнээччитигэр, билигин Оҕо спортивнай оскуолатын тириэньэригэр Александр Ивановка улуус баһылыгын аатыттан махтал суруктары туттардылар.

Күрэхтэһии сүрүн судьуйата Гаврил Афанасьев оҕолорго ситиһиилэри, чаҕылхай киирсиилэри баҕарда.

@uoheebuluu

#спорт

✅Бүгүн, Үс Хоһуун спорт саалатыгар, республикатааҕы хотугу многоборьеҕа бастыыр иһин күрэхтэһии үөрүүлээх арыллыыта буолла. Бу күрэхтэһиигэ 11 саастаах, онтон кыра, 12-13, 14-15 саастардаах оскуола оҕолоро кытталлар, күрэхтэһии «Спортивные якутяне» зачетугар киирэр. Барыта 12 улуустан 86 оҕо кытта кэллэ.
➡️➡️➡️ https://верхневилюйск-газета.рф/yehee-bylyyge-hotugu-mnogobore-respublikataa5y-kyrehtehiite-sa5alanna/

#спорт

Оҕолор ортолоругар өрөспүүбүлүкэҕэ ыытыллыбыт бадминтон күрэҕэр улуустааҕы гимназия 10 "а" кылааһын үөрэнээччитэ Семенова Варя биһиги оскуолаттан Абрамов Костялыын (9 "а") парнай оонньууга 17 хамаандаттан 4-с миэстэҕэ тигистилэр уонна бу спорт көрүҥэр Үөһээ Бүлүү инникилээх эбит диэн эрэл санааны күөртээтилэр.

Онтон Васильев Никита, оскуолабыт быйылгы выпускнига, Бүлүү куоракка баран Чечня, Афганистан, Сирия, Алжир, Ангола сэриилэрин кыттыылааҕа, Алжир Геройа, "Серебряная звезда" мэтээл хаһаайына, буойун-интернационалист, "Кыһыл сулус", "Эр санааланыы" уордьаннар кавалердара Роман Романович Капитонов аатынан түргэн саахымат күрэҕэр 2-с миэстэҕэ тиксэн, үрүҥ көмүс мэтээл хаһаайынынан буолла.

Бараахаптар өссө да кыайыы кынатыгар уйдаран элбэх ситиһиилэнэ турдуннар.

Антонина Хобусарова

"Үөһээ Бүлүү" хаһыат