Балаҕан ыйын 10 күнүгэр Үөһээ Бүлүү сэлиэнньэтигэр "Хаарбах дьиэттэн көһөрүү" судаарыстыбынай бырагыраамма чэрчитинэн 2 элбэх квартиралаах дьиэлэргэ көһөр дьоҥҥо саҥа квартиралар күлүүстэрин туттарыы үөрүүлээх сиэрэ-туома ыытыллыбыта.

Школьная 3 аадырыска турар дьиэҕэ 2 квартираны улууспутугар наадалаах уонна туһалаах кэлии исписэлиистэргэ анаан ылыахтаахпыт.

Бүгүн квартираларга сылдьан усулуобуйаларын бэйэм көрөн билистим. Квартиралар аныгылыы типтээх оҥоһуулаахтар, сырдык ыраас өрөмүөннээхтэр, бары өттүнэн хааччыллыылаахтар.

Кэлбит исписэлиистэр куорат таһымыттан куһаҕана суохтук олохсуйан үлэлиир-хамсыыр кыахтаныахтара.

Бу квартиралары улуус суотугар ыларбытыгар Саха өрөспүүбүлүкэтин тутуутун уонна архитектуратын министиэристибэтэ ыыппыт конкуруһугар кыттан кыайан үбүлээһин көрүллэрин ситиспиппит.

#МногоквартирныйДом
#СлужебныеКвартиры
#Строительство
#ВерхневилюйскийУлус

t.iss.one/ValeriNikolaev

Өссө биир быйыл үлэҕэ киириэхтээх элбэх квартиралаах дьиэ Интернациональная уулуссаҕа тутулла турар.

"Хаарбах дьиэттэн көһөрүү" судаарыстыбынай бырагыраамма чэрчитинэн саҥа квартиралар күлүүстэрин хаарбах дьиэттэн көһөөччүлэр сотору кэминэн тутуохтара.

Ол курдук, бу дьиэҕэ эбии 2 квартираны улуус суотугар исписэлиистэргэ анаан ылыахтаахпыт.

Билиҥҥи туругунан тас фасадын уонна ис үлэтин оҥорууга үлэ бара турар.

Быйыл улуус суотугар уопсайа 4 квартираны ылабыт. Бу квартираларга кэлиэхтэрэ учууталлар, быраастар, тустаах исписэлиистэр.

Саха өрөспүүбүлүкэтин тутуу министиэристибэтэ ыытар конкуруһугар эһиилги сылга өссө ситиһиилээхтик кыттан маннык служебнай квартираларбытын улуус үрдүнэн элбэтэр былааннаахпыт.

#СлужебныеКвартиры
#МногоквартирныйДом
#Строительство
#ВерхневилюйскийУлус

t.iss.one/ValeriNikolaev