#Хомускүнэ

Бүгүн ХОМУС күнүгэр Ю.Н.Прокопьев аатынан спортивнай орто оскуола үөрэнээччилэрэ саха  төрүт үҥкүүтүн оһуокайы оройуттан туттулар 👏👏👏👫👭👬👫👭

Кинилэр Хомус күнүн бэлиэтээн, Үөһээ Бүлүүтээҕи М.А.Алексеев аатынан өрөспүүбүлүкэтээҕи лиссиэй- интернат 5-с кылааһын үөрэнээччитэ Обутов Спартак хомуска оонньуурун олус сэргээн иһиттилэр. Бу оҕо  номнуо төрдүс сылын Марианна Владимировна Хобусарова салалтатынан Оҕо искусство оскуолатыгар хомус кылааһыгар ситиһиилээхтик үөрэнэр, Нижний Новгородка тиийэ фольклорнай күрэхтэргэ көхтөөхтүк кыттар 💫💫💫

Хомус күнүттэн саҕалаан Прокопьев аатынан оскуола оҕолоро өбүгэлэрин үтүө үгэстэрин үйэтитэн, фольклор араас көрүҥүгэр дьарыктанан үтүөҕэ, сырдыкка   кыттыһа тураргытыгар баҕарабын.

Улуустааҕы үөрэх салалтатын методиһа Наталья Николаевна Иванова

"Үөһээ Бүлүү" хаһыат

#Олоҥхо #ийэтыл #хомускүнэ

Бүгүн С.П.Федотов аатынан Оҥхой оскуола-саадыгар олоҥхо, хомус түһүлгэтэ буолан ааста. Эбээлэр, оскуола оҕолоро олоҥхолоотулар, хомустаатылар. Бэл, 3 саастаах кырачааннар кытта олоҥхолоон төрөппүттэрин үөртүлэр 👏👏👏😍😍😍

Үс көлүөнэ түмсэн инникини түстээһинэ маннык тэрээһиннэртэн саҕаланар! Төрүт тылбыт төлкөлөнө, сахабыт тыла сатарыы, сайда туруохтун ✊✊✊

"Үөһээ Бүлүү" хаһыат