#бэлиэкүн #сахатыла

⭐️ "Сахам тыла, сахам тыына - манна тыаҕа мэлдьи тыыннаах..."

Бүгүн Дүллүкү нэһилиэгэр "Сахам тыла, сахам тыына - манна тыаҕа мэлдьи тыыннаах..." диэн тэрээһин уот суоҕар бэрт сэргэхтик буолан ааста. Тэрээһин Семен Данилов "Саха саҥата" диэн хоһоонунан саҕаланна. Нэһилиэк аҕа баһылыга Николай Петрович Романов киирии тылы эттэ уонна Үөһээ Бүлүүгэ буолан ааспыт "Омук күүһэ өйүгэр, өйүн күүһэ - тылыгар" сугулаан туһунан кылгастык кэпсээтэ.

Бу күн Дүллүкү нэһилиэгин "Ийэ тыл түмсүүтэ" састаабын нэһилиэк дьонугар-сэргэтигэр биллэрдибит. Нэһилиэк бырайыагын туһунан Николай Васильевич Васильев - Харыйалаах Уола сиһилии кэпсээтэ. Ону таһынан Николай Васильевич уола Эрхан Васильев олоҥхолоото.

Мунньах кэмигэр кэлбит дьону алаадьынан, мунньах кэннэ итии үүттээх чэйинэн күндүлээтибит.
Салҕыы түһүлгэлэринэн үлэ ыытылынна:
- Таба суруйуу (ыытта Алексеева К.Г.);
- Түргэн ааҕыы (ыытта Васильева А.Л.);
- "Сахалыы ыраастык саҥарыах" нууччаттан киирбит күннэтэ туттар тылларбытын ырытыы (ыытта Борисова Я.О.);
- Өрөспүүбүлүкэбитин сырдатар кинигэ быыстапката;
- Сахалыы бичиги сэлэспэҕэ туруорууга "Мантан ыл" ыйар-кэрдэр QR-код;
- Саха сирин уонна Үөһээ Бүлүү улууһун хомулугун хомуйуу.

Кэлбит дьон бары түһүлгэлэринэн көхтөөх кыттыыны ылан, үөрэн-көтөн махтанан тарҕастылар.

Сонуннарга анаан Дүллүкүттэн Дарья Поротова

"Үөһээ Бүлүү" хаһыат

Сорох хаартыскалары комментарийга киирэн көрүҥ
⬇️⬇️⬇️⬇️⬇️⬇️⬇️⬇️⬇️⬇️⬇️⬇️

#сахатыла

⭐️"Тыл баар - бараммат баай"

Туобуйа нэһилиэгэр "Ийэ тыл сүбэтин" былааннаах үлэтин быһыытынан, бүгүн оскуола оҕолоругар аналлаах бастакы тэрээһин ыытылынна.

Туобуйа орто оскуолатын саха тылын учуутала Елена Ивановна Белолюбская,
оскуола алын кылаастарын салайааччылара Мотрена Николаевна, Лия Акимовна, Светлана Ивановна, Мария Спирдоновна, библиотекардар Туяра Васильевна,
Христина Ивановна, эбии дьарыктааһын учуутала, Герой Ийэ Екатерина Степановна остуол оонньууларын, оскуола дириэктэрэ Индиана Михайловна ийэ тыл сайдарын ,төрөөбүт сахабыт тыла сүппэтин туһугар диктант суруйуутун, сахалыы тэтимнээхтик ааҕыыны о.д.а. оҕолор интэриэстэрин тардар тэрээһиннэри ыыттылар.

Маннык тэрээһиннэр нэһилиэккэ сыл устата ыытылаллара былааннанар. Бастакы тэрээһин олус үчүгэйдик ааста. Махтал тэрийээччилэргэ, маладьыастар,
куруук итинник бары көхтөөх,түмсүүлээх буолуоҕуҥ.

Сонуннарга анаан Зинаида Абрамова, "Ийэ тыл" сүбэтин салайааччыта.

Комментарийга киирэн хаартыскаларда көрүҥ⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️

"Үөһээ Бүлүү" хаһыат

#сахатыла

🏃‍♂️ Быракаан нэһилиэгин Ийэ тыл Сүбэтэ "Эн - саха буол" бырайыак чэрчитинэн Улуу кыайыы 78 cылыгар аналлаах күрэх маҥнайгы түһүмэҕин тэрээһиннээхтик ыытта.

Сэбиэскэй Сойуус Дьоруойа, генерал-майор И.В.Панфилов аатынан Кыһыл былаахтаах Ленин уордьаннаах 8-с гвардейскай Режицкэй дивизия 5-с гвардейскай дивизион таанканы сууһарар сэрии тэрилин сүрүн нүөмэрэ, гвардия ефрейтэрэ "Аҕа дойду сэриитэ» 1-кы истиэпэннээх, «Албан аат» 3-с истиэпэннээх уордьаннар, «Хорсунун иһин» мэтээл кавалера В.С.Павлов наҕараадаланар лиистэрин тылбаастааһын уонна кини бойобуой дьайыыларын уруйдааһын ыытылынна.

Оҕолор, кылаас салайааччылара, төрөппүттэр тылдьыттары туһанан, кыһаллан сорудахтары оҥорбуттара бэлиэтэннэ. Улахан кылаас үөрэнээччилэригэр Борисов Стас, Саввинов Эрсан, Прокопьев Айаан, алын сүһүөх үөрэнээччилэригэр Руфов Эрчим, Дордосова Саския, Николаева Сардана кыайыылаах аатын ыллылар.

«Эн - саха буол" бырайыак 11 түһүмэхтэн турар, ахсынньы ыйга түмүктэнэр. Хас түһүмэх аайы кыттааччылар баал ылыахтара уонна сыл бүтүүтэ ким хайдах кыттыбытынан түмүк тахсыа.

"Үөһээ Бүлүү" хаһыат

#ийэтыл #сахатыла

⭐️ Үөһээ Бүлүүгэ Саха Конгреһын салаатын, ону тэҥэ Ийэ тыл Сүбэтин Дьаһабылын, итиэннэ кыраайы үөрэтээччилэр Сүбэлэрин салайааччыта Бурхалей Макаров улуус иһинээҕи уһуйааннар иитээччилэрин түмэн, "Оҕону иитиигэ тыл суолтата" диэн сүрдээх үчүгэй сэһэргэһиини тэрийдэ.

Аны күһүн иитээччилэр икки ардыларыгар сүбэ түмсүү тэрийэн, үлэни саҕалыырга диэн быһаарыстылар.

"Үөһээ Бүлүү" хаһыат

#ийэтыл #сахатыла

⭐️ Дьокуускай куораттан "Күн" оҕо хамсааһына Үөһээ Бүлүү оҕолорун кытары билсиһэ, көрсүһэ кэллэ.

Оҕолор сүрүн соруктара: төрөөбүт тыл туһугар туруулаһар үлэлэри улуус оскуолаларын иһинэн иилиир-саҕалыыр оҕолору түмүү, "Күн" хамсааһынын тэрийии.

Бүгүн улахан балаҕаҥҥа улуус бары оскуолаларыттан оҕолор мустан киэһээҥҥэ диэри үлэлиэхтэрэ.

@uoheebuluu

#ийэтыл #сахатыла

⭐️ Бүгүн Хороҕо Дьокуускайтан кэлбит "Күн" оҕо хамсааһына өрүс уҥуоргу нэһилиэктэр оскуолаларын оҕолорун кытары көрсүһүүтүн саҕалаата 👫👭👬

Оҕолор бары сахалыы сайбаччы таҥнан, ох курдук оҥостон, сир курдук симэнэн кэлбиттэр. Ийэ тылы туругурдар үлэлэри ыытар туһунан үгүс кэпсэтиилэр, бырайыак көмүскээһиннэрэ, дьыалабыай оонньуулар буолуохтара 🤩🤩🤩💫💫💫

Туругурдун, төрөөбүт төрүт тылбыт👏👏👏✊✊✊

"Үөһээ Бүлүү" хаһыат