#кинигэсүрэхтэниитэ

Россияҕа, Өрөспүүбүлүкэҕэ биллибит айылҕаттан айдарыылаах, бэйэтин ис энергиятын күүһүнэн үгүс дьону-сэргэни эмтээбит, үйэлэрин уһаппыт биоэнерготерапевт, норуот эмчитэ, учууталлар Учууталлара, үлэ бэтэрээнэ Нина Никитична Обоюкова сырдык аатыгар анаммыт "Биһиги ийэбит - норуот эмчитэ" диэн кинигэ сүрэхтэниитэ буола турар✨

#үөһээбүлүүхаһыата

#кинигэсүрэхтэниитэ

Бүгүн, Үөһээ Бүлүүгэ орто үөрэх кыһата тэриллибитэ 50 сылынан, техникум үлэһиттэрэ выпускниктар уонна коллектив күүһүнэн бэчээттэммит "Олохпут киэҥ аартыга арыллан..." кинигэ сүрэхтэниитэ буола турар.

Кинигэҕэ 50 сыллаах история - ахтыылар, сэдэх хаартыскалар киирдилэр. Кинигэҕэ ахтыылары хомуйууга техникум бары үлэһиттэрэ үлэлээтилэр.

Техникум дириэктэрэ Матрена Осипова: - Бу кинигэ - бастакы улахан кинигэбит. Урукку сылларга дьоҕус брошюралар тахса сылдьыбыттара. Үбүлээһиҥҥэ күүс-көмө буолбут выпускниктарга, коллективка махтанабын!

@uoheebuluu

#Кинигэсүрэхтэниитэ

Выпускниктар саҥа буруолуу сылдьар кинигэни илиилэригэр тутан, көрөн-истэн олус долгуйдулар, ойон туран тыл эттилэр, үөрбүччэ-көппүччэ ыллаатылар, тойуктаатылар.

Кэпсэтии олус истиҥник барда. 1977-78 сс. выпускниктара ыраахтан Уус-Алдантан, чугастан Үөһээ Бүлүүттэн кэлэн тыл эттилэр, уруккуну-хойуккуну санаан эҕэрдэ тылларын эттилэр.

@uoheebuluu

#кинигэсүрэхтэниитэ

Бүгүн, Өрөспүүбүлүкэ күнүгэр, О.Д.Федорова аатынан киин библиотекаҕа "Үөһээ Бүлүү" хаһыат редакциятын коллектива хаһыат сирэйдэригэр 1957 сылтан саҕалаан күн бүгүнүгэр диэри бэчээттэнэн тахсыбыт матырыйаалларынан "Саха саргытын салайбыт олох" хомуурунньук сүрэхтэниитэ буола турар.

Кинигэ 200 экземплярдаах "Үөһээ Бүлүү" хаһыат редакциятын бэчээттиир отделыгар бэчээттэнэн таҕыста. Кинигэ сүрүн редактора Кристина Семенова, корректор Капитолина Долгунова, таҥааччылар Айаал Григорьев, Мир Тимофеев, бэчээккэ бэлэмнээтилэр: Галина Васильева, Сардаана Андреева, Валентина Догоюсова, Мария Васильева, Афанасий Федотов.

Кинигэ И.Н.Барахов төрөөбүтэ 125 сылыгар ананар.

@uoheebuluu @ulusmedia