#ийэкүнэ #быыстапка

⭐️ Саха сиригэр ийэ күнүн чэрчитинэн "Ийэ иһирэх иэйиитинэн" Олоҥхо дьиэтигэр быыстапка-дьаарбаҥка саҕаланна.

Кэрэни кэрэхсиир, айар-тутар улууспут талааннаахтара биир сиргэ муһуннулар👏🏻👏🏻👏🏻

@uoheebuluu

#Ийэкүнэ #Быыстапка #маастаркылаас

⭐️ Олоҥхо дьиэтигэр маастар-кылаастар ыытылла тураллар.

Алена Томская (Сата) саҥа дьыллааҕы сувенир, Мичилийэ Иванова (Клевер) интерьернэй хартыына уонна "Туокай" мастарыскыайа ключница оҥоһууларыгар үөрэтэллэр.

Дьон-сэргэ көхтөөхтүк кэлбит👏🏻👏🏻👏🏻

@uoheebuluu

#быыстапка

⭐️ Үөһээ бүлүүлэр - норуоттар икки ардыларынааҕы быыстапкаҕа

Санкт-Петербурга «Новая жизнь традиций» быыстапкаҕа Саха сириттэн 5 маастар кыттар, онтон түөрдэ - үөһээ бүлүүлэр.

Людмила Егорова, Розалия Семенова, Анастасия Борисова, Айталина Семенова боолдьоҕунан хатайдаан эҥин дьикти ойуулаах, кэрэ көстүүлээз хартыыналары, таҥаһы- сабы оҥоруунан дьарыктаммыттара хаһыс да сыллара. Түгэн тосхойдор эрэ быыстапкаларга көхтөөхтүк кытталлар.

Биир дойдулаахтарбыт сэтинньи 4-6 күннэригэр "Мастер" галереяҕа «Чувство дома» экспозицияны туруордулар, итиэннэ "Снежная" диэн ааттаах дефиле көрдөрдүлэр. Маастардарга норуоттар икки ардыларынааҕы таһымнаах тэрээһиҥҥэ ситиһиилээхтик кытталларыгар баҕарыаҕыҥ🙌🙌🙌

"Үөһээ Бүлүү" хаһыат

#быыстапка

⭐️ XIV-с " Якутия мастеровая" быыстапка дьаарбаҥкаҕа Үөһээ Бүлүү улууһуттан уус уран оҥоһугунан утумнаахтык дьарыгырар иистэнньэҥнэр, тимир-мас уустара Кулаковскай аатынан Культура киинигэр түмсэн кэлэммит бэйэбит оҥоһуктарбытын дьоҥҥо-сэргэҕэ көрдөрдүбүт.

"Айар" түмсүү салайааччы Новгородова П.Ф., "Бочо" түмсүү салайааччы Борисова А.Е. валяниенан коллективнай паннолара, сонноро, таҥастара, Павлова И.Г. кыбытыктаах паннота, ат симэҕэ, Софронов Р.Е. муостан, болгуо тимиртэн, хатыҥтан чороон оҥоһуктара, Егоров М.Д. хатыҥтан хаһан оҥоһуктара айах чороон, кытыйа, Константинов П.А. тимиртэн хобо чуораана, Николаев А.В. тимиртэн оҥоһуктара саха быһаҕа, чороонноро, Николаев Л.Н. мастан кыһан музыкальнай инструменнара, Афанасьев С.В. уруһуйдара, мастан кыһан оҥоһуктара, Павлова Н.И. кылтан оҥоһуктарын араас көрүҥнэрэ, Титова Т.И. кылынан уруһуй "Удаҕан", "Хапсыһыы" хартыыналара, Петрова Е.А. эр киһи кыһыҥҥы таҥаһын комплега, Золотарева О. Л. алтантан, латуньтан киэргэллэрэ, дьаҕа оҥоһуктара, Догорова А.Е. эр киһи уостаах үтүлүгэ көрдөрүүгэ турдулар.

Уус-уран оҥоһук кыттыылаахтара маннык улахан тэрээһиҥҥэ кэлэн кытта сылдьарбытыгар Үөһээ Бүлүү улууһун дьаһалтатыгар, Норуот айымньытын киинигэр барҕа махталбытын тиэрдэбит.

XIV-с "Якутия мастеровая" тэрээһин кыттыылаахтара.

"Үөһээ Бүлүү" хаһыат

#урбаан #быыстапка

⭐️Шанхайга быыстапкаҕа

Олунньу 28 күнүттэн кулун тутар 2 күнүгэр диэри Шанхай куоракка ыытыллыбыт "APPPEXPO-2024" аан дойдутааҕы бэчээтинэй бородууксуйа технологиятын рекламалыыр быыстапкатыгар 31-с сессиятыгар кыттыыны ыллым.

Манна 100 дойдуттан 180 тыһыынча киһи 2000 кэриҥнээх экспоненнарын туруоран, киэҥ эйгэҕэ таһааран көрдөрдүлэр. Ол курдук, быыстапкаҕа араас цифровой технология текстильнэй бэчээттиир принтердэрэ, оборудованиелара, гравировальнай массыына, расходнай матырыйааллар, чиэрниилэлэрэ, цифровой вывеска уонна знактара, светодиоднай оҥоһуктара уо.д.а. туруоруллан, киэҥ сэҥээриини ыллылар.

Урбаанньыт быһыытынан, реклама өттүнэн олус киэҥ хабааннаах быыстапкаҕа сылдьаммын үлэбит сайдарыгар элбэх уопут эбинним, көрдүм-иһиттим, сэргээтим, тус бэйэбэр умнуллубат түгэн буолла.

Александр Антонов, урбаанньыт, РФ суруналыыстарын Сойууһун чилиэнэ

"Үөһээ Бүлүү" хаһыат