#Сахасиригэрийэкүнэ #Арассыыйаҕааҕакүнэ

⭐️ Биһиги биир дойдулаахпыт, Ороһу нэһилиэгиттэн төрүттээх Үөрэх уонна наука министиэристибэтин уопсай үөрэхтээһин уонна иитии боппуруостарыгар Департаменын салайааччытын солбуйааччыта Надежда ЗАХАРОВА төрөппүттэригэр эҕэрдэтин ыытар.

- Мин күн-күбэй ийэм Татьяна Гаврильевна уонна амарах аҕам Игнатий Гаврильевич Кысылбаиковтар оҕону иитиигэ олохторун анаабыт дьон.

Кинилэр биһиэхэ бэйэлэрин холобурдарынан бэйэ-бэйэҕэ, оҕоҕо, үлэҕэ сыһыан үтүө холобура буолаллар.

Мин курдук, бачча сааспар диэри ыал оҕото буолан, атаахтаан, мааныланан сылдьар ологҕм үрдүк дьоло дии саныыбын. Билигин даҕаны, биирдэ эмит дьоммор кэллэхпинэ «оҕо утуйдун, оҕо сылайыа, оҕобут маладыас» диэн сарсыарда эрдэ туран ботугураһан кэпсэтэллэрэ миэхэ туохтааҕар да күндү.

Ийэлээх аҕам курдук дьон ортотугар сылдьар, убаастанар киһи буола улаатыахтааххыт диэн бэйэм оҕолорбор мэлдьи холобур оҥоробун.

Бүгүн Россияҕа аҕалар, Саха Сиригэр ийэлэр күннэригэр күндү дьоммор өссө да уһуннук бэйэ-бэйэҕитин харыстаһан, үөрэ-көтө, этэҥҥэ чэгиэн сылдьаргытыгар баҕарабын. Мин эһигини олус күүскэ таптыыбын, киэн туттабын уонна махтанабын. Биһигини олох очурдарыттан харыстаан, маанылаан, атаахтатан, тапталга суулаан улаатыннарбыккытыгар.

"Үөһээ Бүлүү" хаһыат