#кырдьаҕастардекадалара

🧿 Бу нэдиэлэҕэ Мэйик сүрүн оскуолатын алын сүһүөх кылаастарын учууталлара үөрэнээччилэрин кытта "Аҕам саастаахтар" нэдиэлэлэрин чэрчитинэн нэhилиэк кырдьаҕастарыгар сылдьан, кинилэри кытта истиҥник кэпсэтэн, кылгастык да буоллар, сэргэхситтилэр.

Оҕолор барахсаттар эбээлэрэ, эhээлэрэ бэлэмнээбит остуолларыгар минньигэс сиэн, сок, чэй иhэн, сүрдээҕин астыннылар.

Бастакы хаар түhэн, хаарынан бырахса оонньоон, дьиэлэригэр улаханнык илистибит дьон тиийбиттэрэ чуолкай. Оҕолорбут саастаах дьону убаастыы, кинилэринэн киэн тутта, көмөлөһө сылдьыахтарын испитигэр-быарбытыгар олуһун баҕарабыт. Учуутал үөрэтэр эрэ буолбатах, кини киhилии киhи буола улааталларыгар акылааттарын уурааччы буоларын умнуо суохтаахпыт.

Мэйиктэн Валентина Попова

Салгыытын комментарийга киирэн ааҕыҥ⬇️⬇️⬇️⬇️⬇️⬇️⬇️

#оҕосаас #кырдьаҕастардекадалара

🏃‍♂️ Оҕо сайдар киинин "Үрүйэчээн" уһуйаан бэлэмнэнии бөлөх иитээччилэрин уонна төрөппүттэрин көҕүлээһининэн "Аҕам саастаахтар" күннэринэн өр сылларга биһиги уһуйаамытыгар үлэлээбит бэтэрээннэрбитигэр Федотова Мария Михайловнаҕа, Лазарева Лидия Гаврильевнаҕа эҕэрдэлээн ыалдьыттаатыбыт.

Оҕолор хоһоон ааҕан санааларын өрө көтөхтүлэр, кыра «Күһүҥҥү киһи күлбүтүнэн" оҕуруот аһыттан оҥоһуллубут минньигэс кэнсиэрбэсэлэри, сир аһыттан бэлэх туттардыбыт.

Бэтэрээннэрбит ис-истэриттэн үөрэн, алгыс тылларын анаатылар. Убаастыыр күндү дьоммут, Эһиги олоххут устата мунньуммут киэҥ билиигит, муудараскыт, өйгүт-санааҕыт биһиэхэ үтүө холобур буолаллар. Сүһүөхтээх бэйэбит сүгүрүйэн тураммыт эһиэхэ уһун дьоллоох олоҕу, кытаанах доруобуйаны, мэлдьи үөрэ-көтө сылдьаргытыгар баҕарабыт.

Сонуннарга анаан Вероника Протопопова

"Үөһээ Бүлүү" хаһыат

#кырдьаҕастардекадалара

⭐️ Сааһырбыт дьон нэдиэлэтигэр анаан Нам спортсаалатыгар "Мин сааһым - мин баайым" диэн тэрээһин үрдүк таһымҥа ааста.

Ас арааһын аһаттылар, кус миининэн күндүлээтилэр, ылбаҕай ырыанан эҕэрдэлээтилэр. Баһылык Александр Кардашевскай үбүлүөйдээх, анал ааттары ылбыт ытык дьоммутугар Добун суруктары, бэлэхтэри туттарда.

"Өйдүүгүөн ол сыллары, эдэр саас кэмнэрин ..." диэн ааттаах фотозонаны П.Н.Тобуруокап музей-уһаайбатын үлэһиттэрэ оччотооҕу малы-салы ыаллартан
уларсан туруорбуттарыгар кэлбит дьон үөрэ- көтө хаартыскаҕа түстүлэр.

Дартс, дуобат, сахалыы остуол оонньуулара, сканди - көрдөөх эстафета тэрийдилэр. Кэлбит ыалдьыттар үөрэн-көтөн, үҥкүүлээн, бэркэ сэргэхсийэн, махтал тылларын тэрийээччилэргэ анаан тарҕастылар.

Сонуннарга анаан Нина Саввинова

"Үөһээ Бүлүү" хаһыат