#НПК #Бараахап

⭐️ Уһулуччулаах судаарыстыбаннай уонна политическай деятель Исидор Барахов 125 сылыгар анаммыт өрөспүүбүлүкэтээҕи кэмпириэнсийэ кыттыылаахтара Нам нэһилиэгэр Бүөтүр Тобуруокап түмэл-уһаайбатын күндү ыалдьыттара буоллулар.

Сонуннарга анаан Марина Петрова

"Үөһээ Бүлүү" хаһыат

#конференция #НПК #БАРААХАП

⭐️ Өрөспүүбүлүкэтээҕи научнай-практическай конференция иккис күнэ улуус дьаһалтатын аактабай саалатыгар саҕаланна.

Бүгүҥҥү төгүрүк остуол тиэмэтэ "Аныгы тыа сирэ: тенденциялар, кыһалҕалар, сайдыы тосхоло".

Кэмпириэнсийэ ыалдьыттара, тэрилтэ салайааччылара, нэһилиэк баһылыктара, оскуола дириэктэрдэрэ, о.д.а кыттыыны ылаллар.

@uoheebuluu

#НПК #конференция #Бараахап

⭐️Сургуулук нэһилиэгин орто оскуолатын дириэктэрэ Октябрина Боескорова малокомплектнай оскуола кыһалҕатын, каадыр тиийбэтин, элбэх оҕолоох дьиэ кэргэттэр көһүүлэрин туһунан санаатын этиннэ.

@uoheebuluu

#нпк

⭐️ Муус устар 5 күнүгэр үтүө үгэскэ кубулуйбут "Чиряевтыы ааҕыы" буолла. Быйыл да оҕолор бэлэмнэммиттэр. Ол эрэн, дьүүллүүр сүбэ санаата быһаҕас. Баҕар, ол быйыл Россия үрдүнэн Дьиэ кэргэн, онтон Саха Сиригэр Оҕо аймах сылынан биллэриллибитинэн буолуо. Оҕолор бэлэмниилэрэ ону кэрэһэлиир. Ороһу оҕолоро норуот педагогикатын музейын илдьэ сылдьаллара туоһулуур.

Ол курдук барыта 16 оҕо кыттыбытыттан улахан аҥаара Ороһу оҕото. Миэстэлэр үгүөрү буоллулар, биһирэбил бэлиэнэн наҕараадаланнылар.

⭐️Хоро оскуолатын 6-с кылааһын үөрэнээччитэ Пахомова Маша "Хоро нэһилиэгин түөлбэлэрэ" диэн элбэх, киэҥ ис хоһоонноох үлэтэ, ону кытта Иванова Валя Ороһу 6-с кылааһа "Кулуһуннаах өбүгэм алааһа" үлэтинэн бэлиэтэннилэр.

Үһүс бириистээх миэстэни эмиэ икки оҕоҕо анаатыбыт. Платонова Влада - Харбалаах, 8-с кылаас үөрэнээччитэ "Өбүгэ үгэһин утумнаан" уонна Васильева Алена 3-с нүөмэрдээх спортивнай орто оскуола 7-с кылааһа "Үөһээ Бүлүү топонимиката" диэн үлэлэринэн.

Иккис миэстэҕэ икки оҕо чиэстээхтик ааттаннылар. Ол курдук, Ласточкина Алена Ороһу 6-с кылааһыттан "Үлэни, дьиэ кэргэни өрө тутан, үйэ аҥара", өссө Николаева Уйгулаана 10-с кылаас, Харбалаах орто оскуолата "Иллээх дьиэ кэргэн - дьоллоох оҕо саас" диэн бэрт хомоҕой дакылааттара буолла.

Түмүгэр бастакы миэстэни Габышева Алина, Нам орто оскуолатын 6-с кылааһын үөрэнээччитэ "Как заработать на хобби" диэн үлэтэ ылыан ылла.

Имигэс тарбахтарыган оҥорбут кэрэчээн сумочкалара араас киэргэллэрэ инники олоҕор өрүү доҕор буолуохтара.
Оҕолорго инники өттүгэр ситиһиилэри баҕарабыт.
Оҕо аҕыйаҕынан секциянан араарыы буолбата. Муус устар 12 күнүгэр улахан дьон ааҕыыта буолуоҕа, онно актыыбынай кыттыыны ыларгытыгар.

Сонуннарга анаан Валентина Осипова, Педагогика түмэлин методиһа

"Үөһээ Бүлүү" хаһыат