Үөһээ Бүлүү улууһун тыа хаһаайыстыбатын салайааччытын Гаврильев Кирилл Васильевиһы уонна ООО "Верхневилюйский" үүт-ас кэмбинээт дириэктэрин Алексеев Николай Ивановиһы кытта быйылгы 2024 сылга нэһилиэктэринэн үүт туттарааччылардыын хантыраак түһэрсиитэ бара турарын, үүт туттарыы былаанын, үүт тутар собуоттары саҥардааһын туһунан сүбэ мунньаҕы ыыттыбыт.

Николай Иванович ООО "Верхневилюйский" тэрилтэ үлэһиттэрин иннигэр хамнастарыгар иэстээҕин, ол иэһи сабарга үлэһиттэрдиин хамнастарын аахсарга бастатан туран үлэ ыытарын бэлиэтээн эттэ. Уонна инникитин хамнас тохтоло суох, уһатыллыбака төлөнүөхтээҕин биллэрдэ.

Кирилл Васильевич улуус үүт туттарааччылара, ынаҕы иитээччилэрэ, тэриллиилээх хаһаайыстыбалар үүттэрин харчытын, судаарыстыбаттан көрүллэр өҥөлөрү толору кэмигэр ылалларыгар үлэлиибит диэн мунньахха этиннэ.

#ТыаХаһаайыстыбата
#ҮүтТуттарыы

t.iss.one/ValeriNikolaev