#биирдойдулаахпыт

⭐️ Бүлүү улууһун I-кы Чочу нэһилиэгин төрүт олохтооҕо, "Россия чулуу киһитэ" бэлиэлээх салайааччы, суруйааччы Гоголев Николай Семёнович 75 сааһыгар аналлаах ахтыы киэһэтигэр биһиги биир дойдулаахпыт, Нам нэһилиэгиттэн төрүттээх Бүлүү куорат олохтооҕо Владимир Васильев хора кыттыыны ылла.

В.Васильев аатынан хор Бүлүүтээҕи Н.И.Ылахова аатынан "Алгыс" култуура киинин иһинэн үлэлиир.

"Үөһээ Бүлүү" хаһыат

#сиэртуом #итэҕэл

🖼️ П.Н.Тобуруокап аатынан орто оскуола бэтэрээн учууталларын түмсүүтэ ый ахсын тэрээһин ыытар.

Муус устардааҕы тэрээһиҥҥэ оскуола 1976 с. выпускнига Трофим Миронов балаҕаныгар "Төрүт дьиэбит- балаҕан" диэн көрсүһүүнү 4-с кылаас оҕолоругар ыыттылар.

Оҕолор алгыс тылын иҥэриннилэр, өбүгэлэрбит тутта сылдьыбыт малларын-салларын көрдүлэр, остуоруйа иһиттилэр, хабылык- хаамыска оонньоотулар. Биһилэх кутан, таабырын таайан олус сэргэхсийдилэр.
Трофим Васильевичка элбэх ыйытыылары биэрдилэр, ирэ-хоро кэпсэттилэр.

Алаадьы сиэн, махтанан, оҕолорбут астынан үөрэн-көтөн кэллилэр.

Сонуннарга анаан Нина Саввинова

"Үөһээ Бүлүү" хаһыат

#үөрэхтээһин

⭐️ Хоро уонна Кэнтик оскуолаларыгар полицейскай кылаастар баар буоллулар.

Бүгүн бу кылаастар арыллалларын туһунан үс өрүттээҥ сөбүлэҥи Хоро, Кэнтик орто оскуолалара, Үөһээ Бүлүүтээҕи техникум уонна Үөһээ Бүлүүтээҕи ис дьыала отдела баттастылар.

Бырайыак ааптарынан "Правоохранительная деятельность" диэн идэлээх үлэһиттэрин бэлэмниир Техникум дириэктэрэ Матрена Осипова буолар.

"Үөһээ Бүлүү" хаһыат