#оҕолорсуруйаллар

Экскурсияҕа сылдьан астынным

Атырдьах ыйын 27-28 күннэригэр "Мүрү саһарҕата" хаһыат редакциятыгар уонна Спорт дыбарыаһыгар экскурсияҕа сырыттым. Экскурсияҕа сылдьар наһаа интэриэһинэй, элбэх саҥаны биллим 👍

📰📰📰 Ол курдук, Афанасий Копырин экскурсияны салайан сиһилии көрдөрө-көрдөрө кэпсээтэ. Бастакы хаһыат хаһан, хайдах бэчээттэнэн тахсыбытын, урукку станоктарга хаһыаты хайдах үлэлээн бэчээттииллэрин наһаа интэриэһинэйдик кэпсээтэ. Бастакы хаһыат латыын тылынан тахсыбыт эбит. Кырааската, хаһыат хаартыскатын, суругун таһаарар эмтэрэ наһаа сыттаах буолар үһү. Журналистар, редактордар хаартыскалара ыйанан тураллар этэ. Кинилэр тустарынан билиһиннэрдэ. Манна сылдьан мин элбэҕи биллим, ордук художник-карикатурист Александр Попов үлэлэрин наһаа сэргээтим.

🤾‍♀⛹‍♂🏌‍♂ Салгыы спордунан дьарыктанар дыбарыаска бардыбыт. Онно биһиэхэ бокс тренерэ Станислав Кириллин тренажердары сырдатта. Биһиги сөҕө- махтайа иһиттибит. Беговой дорожкаҕа сүүрэн көрдүм, илии-атах тренажердарыгар бэйэбин холонон көрдүм, үөрдүм-көттүм, сынньанным.
Миэхэ биир умнуллубат күннэри бэлэхтээбит иитээччилэрбэр махтанабын!

Сандаара Готовцева, реабил. киин иитиллээччитэ.

✅ @uamurusahargata @ulusmedia

Кыайыы 80 сылын көрсө – 80 үлэ 👍👏

Маны таһынан бөһүөлэктэр­битигэр баар Албан аат паа­ма­тынньыктарын тупсарыыга үлэ­лэр былааннаналлар. Үөрэх, култуура тэрилтэ­лэригэр оҕону, эдэр ыччаты Ийэ дойдуга бэриниилээх буолууга үөрэтэр, Аҕа дойду сэриитин туһунан билиһиннэрэр тэрээһиннэр тиһигин быспакка тэриллэллэр.

Балаҕаннаах бөһүөлэгин дьиэ­лэрэ киин ититиигэ 100 бырыһыан холбонон, дьон кэлэн олохсуйуута кыра­лаан элбиир. Быйыл манна этно-культурнай киин – балаҕан дьиэтин маһа субуотунньугунан бэлэмнэннэ, салгыы тутуутугар үлэ ыытыллар. Маны таһынан балаҕаннаахтар ыһыахтыыр сирдэрин оҥорууга, урут балыыһа буолан турбут сиргэ Саппыйаҕа өйдө­бүнньүк бэлиэ туруоруутугар үлэ­лэһэ сылдьаллар.
Курбуһах нэһилиэгэр 8 тыыл бэтэрээнэ, 2 Чурапчы көһөрүүтүн кыттыылааҕа, 11 сэрии кэмин оҕото олороллор. Аарыма бэтэ­рээннэрбитигэр өйөбүл-тирэх, күүс-көмө буолар, кинилэри чиэс­тиир эбээһинэстээхпит, иэс­тээхпит. Биһиги ортобутугар баал­лары баттаһа, олохтон туораабыттар урукку өттүгэр сурукка тиһиллэн, видеоҕа уһуллан хаалбыт ахтыыларын үйэтитэр, бэчээккэ таһаарар баҕа санаа­лаахпыт. Сураҕа суох сүппүт, көмүллүбүт сирдэрэ биллибэт буойуттары көрдүүргэ-ирдииргэ эдэр ыччаты сыһыаран үлэ барар. Бу үлэлэр түмүктэринэн Кыайыы 80 сылын көрсө Аҕа дойду көмүскэлигэр кыттыыны ылбыт дьоммутун үйэтитэр кинигэ тахсыахтаах.

Сайыҥҥы кураан күннэри баттаһа Уус Күөлэ – Окоемовка суолугар капитальнай өрөмүөн оҥоһулунна, маны таһынан киин бөһүөлэк суол­ларыгар өрөмүөн ыытыл­лыаҕа. ППМИ бырагырааматынан Уус Күөлүгэр са­йыҥҥы уу ситимэ хас биир­дии ыал олбуоругар тии­йиэҕэ. Окое­мовкаҕа 18 дьиэ киин ититиигэ холбо­норугар анаан матыры­йаал, турба аҕалылынна, саҥа арыы сыаҕын дьиэтин тутуутугар анаммыт сиргэ буор кутулунна.

Владимир Петров, Курбуһах нэһилиэгин дьаһалтатын баһылыга.

✅ @uamurusahargata @ulusmedia

#фотофакт

Бүгүн Өнөргө кустук суһума оонньоото 🌈🌈🌈

📸 Анатолий Черноградскай.

✅ @uamurusahargata @ulusmedia

#барыбииргэ

«Оҕону оскуолаҕа тэрий» аахсыйа көмөтүн туттарыы саҕаланна 👍

😍 Россиятааҕы «Биир ньыгыл Россия» баартыйата ыытар «Оҕону оскуолаҕа тэрий» аахсыйатынан улууспутугар байыаннай дьайыы кыттыылаахтарын оҕолоругар бэлэх туттарыы бүгүҥҥүттэн саҕаланна.

📒 🖍 🎒 Улуус баһылыга Василий Аммосов уонна «Биир ньыгыл Россия» Уус Алданнааҕы салаатын сэкирэтээрэ Күннэй Рощина ыалларга ыалдьыттаан, оҕолорго үөрэх тээбириннэрин туттардылар, Василий Иванович оҕолору кытта кэпсэттэ, ситиһиилээх үөрэҕи баҕарда.

Бу аахсыйаҕа политическай баартыйа чилиэннэрэ, байыаннай дьайыыга кыттааччылаах улууспут нэһилиэктэрин дьаһалталара, Мүрү нэһилиэгин түөлбэлэрэ уонна тэрилтэлэртэн ветеринарнай управление кытынна.
Маннык көмө бэлэҕи улууспутугар барыта 110 ыал оҕото тутуоҕа.

✍️ Мария АРГУНОВА

✅ @uamurusahargata @ulusmedia

🌱🌱🌱 Улууска туораахтаах култуура үүнүүтэ хайдаҕый?

Улууспутугар сэлиэһинэй, эбиэс бурдугун үүнүүтүн Тыа хаһаайыстыбатын үлэһиттэрин кытта Дүпсүн эҥэр сылдьан бааһыналары көрдүбүт. Үүнүү туһунан улуустааҕы Тыа хаһаайыстыбатын кылаабынай агронома Прокопий Белолюбскай кэпсээбитинэн, быйыл улуус үрдүнэн 1311 гектардаах сиргэ туораахтаах култуура ыһыллыбыт, 277 гектарыгар сэлиэһинэй, онтон ордугар эбиэс.

2012 сылтан республика учуонайдара саҥа сиэмэни айыынан дьарыктаналлар. Билигин 100 % ыһыы сиэмэтигэр ылсан үлэлииллэр. Ол курдук, «Биэттэ-Агроҕа» Туймаада сэлиэһинэй суорда ыһыллыбыт. Оттон урбаанньыт Дмитрий Илларионовка сорду буккуйбат туһуттан, Приленская 19 диэн сэлиэһинэй сордун ыспыттар. Кэнники бириэмэҕэ Виленская диэн эмиэ бэйэбит учуонайдарбыт оҥорбут эбиэс суордун биһирээн ыһаллар.

Быйылгы сылга супер элита кылаастаах Виленская сорду кытта бэйэбитигэр баар элита кылаастаах сиэмэни ыспыттар. Быйылгы сылга бэс ыйа, от ыйа ардаабатаҕынан, курааҥҥа оҕустарыы баар буолан баран, олохтоох суортарбыт буолан, тулуһан, ортотунан үүнүү кэлииһи дэһэллэр. Сэлиэһинэй ситэн уонна туруйалартан былдьаһан «Биэттэ-Агро» хомууру атырдьах ыйын 12 күнүттэн саҕалаабыт.

Биһиги сылдьыыбытыгар, 88 гектартан 112 тонна хомуллан турара. Оттон Дмитрий Илларионов икки бааһынаны хомуйбут. Быйылгы сылга барыта 1400 тонна сиэмэ хомуллара сабаҕаланар. Мантан кэлэр сыллааҕы ыһыыга 300-чэкэ элитэ сиэмэни, бэйэбит кормовой ыһыыбытыгар 100-чэкэ туоннаны уурунуохтара, уонна 1000 курдук туоннаны комбикорм оҥорор собуоппут үлэҕэ киирдэҕинэ оҥоруохтара. Маны таһынан быйыл атырдьах ыйын 20 күнүгэр «Биэттэ-Агроҕа» 40-чэ гектарга оруос уонна 24 гектарга элбэх сыллаах от сиэмэтин ыспыттар. Түмүгүн эһиил күүтэллэр. Этэҥҥэ үүнүүнү биэрдэҕинэ, инники сылларга хаһаайыстыбаларбытын элбэх сыллаах от сиэмэтинэн хааччыйар былааннаахтар.

2012 сылтан Дмитрий Илларионов хаһаайыстыбата оройуоннаммыт «Аартык» диэн оруос сиэмэни ыспыттара, үрдүк үүнүүнү көрдөрбүтэ.

Окоемовкаҕа «Нэлэгэр» бааһынай хаһаайыстыбаҕа кормовой култуурабытыгар кытта ыһан боруобалаабыттара, эмиэ бэркэ үүммүттээх. Инники сылларга бу курдук араас суорду үүннэрэн, сүөһүбүтүгэр, сылгыбытыгар аналлаах аһынан, ыһыы сиэмэтинэн хааччыйарга сорук туруорунан, үлэ оннук саҕыллар.

✍️Мария АРГУНОВА.

✅ @uamurusahargata @ulusmedia