#оҕолорсуруйаллар

🏆 Уһун Күөл оскуолатыгар “Көтөр мээчик” турнир бэркэ ааста

Уһун Күөл орто оскуолатыгар “Көтөр мээчик” диэн волейбол турнира буолан ааста. Манна оскуола оҕолоро уонна учууталлар холбоһон күрэхтэспиттэрэ.

Кыргыттар уонан уолаттар үстүү хамаандалара күөн көрүстүлэр. Мин санаабар, үчүгэй баҕайы күрэхтэһии буолан ааста. Бары хамаандалар туох баалларынан хамсанан кыһаллан-мүһэллэн оонньоотулар.

Кыргыттарга Розанна Максимова “Кустук” хамаандата бастаата, иккис миэстэ – Марина Данилова “Күннэр” хамаандата, үһүс миэстэ Надежда Домотова “Надежда” хамаандата буоллулар. Уолаттарга бастакы миэстэни Дмитрий Сивцев “Хотойдор” хамаандата, иккис миэстэни Анатолий Охлопков – “Мохсоҕоллор”, үһүс миэстэни Петр Гуляев “Ореллар” хамаандалара үллэһиннилэр. Кыайыылаахтар грамотанан уонна мэтээллэринэн наҕараадаламмыттара.

✍️ Ариана Сивцева, Уһун Күөл орто оскуолатын 10-с кылааһын үөрэнээччитэ

✅ https://мюрюгазета.рф/article/92470

#оҕолорсуруйаллар

💢 Саас

Саас диэн миэхэ саамай күндү дьыл кэмэ. Күн сылаастык уонна уһуннук күүскэ тыгар. Былыта суох ып-ыраас халлаан буолар. Хаар ууллан чалбахтар тахсаллар. Чыычаахтар кэлэллэр. Уулусса чыычаах саҥатынан туолар.

Саас оҕолор таһырдьаттан киирбэттэр. Хаарынан бырахсаллар, хаар киһи оҥороллор, сыыртан салаасканан сырылыыллар, хаҥкылыыллар, хайыһардыыллар.

Улахан дьон хотонтон, булуустан, теплица үрдүттэн хаар түһэрэллэр. Маны таһынан ынахтар күөлгэ уулата илдьэллэр, булууска муус угаллар.

Мин чугас дьүөгэм Саяна. Кинини кытта сайын да, кыһын да, саас да, күһүн да наар оонньооччубут. Күммүтүн билбэккэ аһарабыт.
Дьыл кэмиттэн сандал сааһы сылааһын иһин саамай сөбүлүүбүн.

✍️ Соня Алексеева, Уһун Күөл орто оскуолатын 5-с кылааһын үөрэнээччитэ

☑️https://vk.com/wall-219778198_22

✅ t.iss.one/murusahargata @ulusmedia

#оҕолорсуруйаллар

💢 Уһун Күөл орто оскуолатын 5-с кылааһын үөрэнээччитэ Айаал ТУРАНТАЕВТАН кроссвордтар

☑️https://vk.com/wall-219778198_23

✅ t.iss.one/murusahargata @ulusmedia

#оҕолорсуруйаллар

💢 Баһаарынай чааска экскурсиялаатыбыт

Биһиги баһаарынай чааска экскурсияҕа сырыттыбыт. Онно биһигини байыастар Борис Иванов уонна Анатолий Иванов көрсүбүттэрэ уонна наһаа үчүгэйдик быһааран, көрдөрөн кэпсээбиттэрэ.

Биһиги бары экскурсияны олус сөбүлээтибит. Мин ордук улахан "КАМАЗ" баһаарынай массыыналары интэриэһиргээтим. Суоппар миэстэтигэр олорон бэйэбин суоппар курдук сананным. Көлүөһэтэ уп-улахан, мин саҕа эбит.

Мин улааттахпына баһаарынай байыас буолуохпун баҕардым.

✍️ Ваня Бережнев, 2-с кылаас үөрэнээччитэ, "Илдьит" ЭКП эдкора

☑️ https://vk.com/wall-219778198_27

✅ t.iss.one/murusahargata @ulusmedia

#оҕолорсуруйаллар

⚽️ Биһиги быйыл 5-с кылаас буоллубут. Кылааспыт салайааччыта Лидия Вениаминовна Мигалкина, кини өссө биһигини математикаҕа үөрэтэр. Кылааспытыгар онуобут, олус иллээхпит. Күн аайы саҥаны билэн барабыт, атын-атын учууталлар үөрэтэллэрин астынабыт.

Оскуолабытыгар араас элбэх куруһуок, секция үлэлиир. Биһиги кылааспытыттан үгүспүт кыыстыын, уоллуун футбол секциятыгар сөбүлээн сылдьан эрэбит. Тренербит Алексей Тарскай нэдиэлэҕэ 4-5 күн 16 ч. 30 м. киэһэ бөһүөлэкпит спортсаалатыгар дьарыктыыр.

Бу күннэргэ "Мини-футбол – оскуолаҕа" диэн Бүтүн Россиятааҕы бырайыак 2-с түһүмэҕин футболга күрэхтэһиитэ буола турар. Бэҕэһээ тоҕус хамаандаттан Чараҥ оскуолата 2-с миэстэ буолан үөрдүбүт аҕай. Кылааспытыттан оскуола чиэһин көмүскүүр хамаандаҕа Ваня Петров, Иввар Алексеев, Савелий Шелковников уонна кыргыттартан Алексанна Петрова оонньоотулар. Алексанна футболу сөбүлүүрүн таһынан үөрэҕэр эмиэ туйгун.

Дьэ ити курдук, кылааспыт оҕолорун кыайыыларынан киэн туттабыт уонна үөрэххэ,спортка ситиһиилэрбит өссө иннибитигэр диэн үөрэбит.

✍️ Сайаана Трофимова, Чараҥ орто оскуолатын 5-с кылааһын үөрэнээччитэ

🏃 Саайтка👈

✅ @uamurusahargata @ulusmedia

#оҕолорсуруйаллар

👍 Уус Алданнааҕы социальнай-реабилитациялыыр кииҥҥэ быйыл сайын "Кустук" оҕо площадката үлэлээтэ, 3-с сезон сҕолоро баһаарынай чааска экскурсияҕа сылдьыбыттарын уонна “Умсулҕан” түмсүү коллекционердара Мария Румянцеваны, Анна Федорованы кытта интэриэһинэй көрсүһүүттэн элбэҕи билбиттэрин-көрбүттэрин туһунан киин иһинэн үлэлиир “Илдьит” эдкорпост иитиллээччитэ 9 саастаах Айаал Колодезников суруйар
👉 БАТТАА

✅ @uamurusahargata @ulusmedia

#оҕолорсуруйаллар

Экскурсияҕа сылдьан астынным

Атырдьах ыйын 27-28 күннэригэр "Мүрү саһарҕата" хаһыат редакциятыгар уонна Спорт дыбарыаһыгар экскурсияҕа сырыттым. Экскурсияҕа сылдьар наһаа интэриэһинэй, элбэх саҥаны биллим 👍

📰📰📰 Ол курдук, Афанасий Копырин экскурсияны салайан сиһилии көрдөрө-көрдөрө кэпсээтэ. Бастакы хаһыат хаһан, хайдах бэчээттэнэн тахсыбытын, урукку станоктарга хаһыаты хайдах үлэлээн бэчээттииллэрин наһаа интэриэһинэйдик кэпсээтэ. Бастакы хаһыат латыын тылынан тахсыбыт эбит. Кырааската, хаһыат хаартыскатын, суругун таһаарар эмтэрэ наһаа сыттаах буолар үһү. Журналистар, редактордар хаартыскалара ыйанан тураллар этэ. Кинилэр тустарынан билиһиннэрдэ. Манна сылдьан мин элбэҕи биллим, ордук художник-карикатурист Александр Попов үлэлэрин наһаа сэргээтим.

🤾‍♀⛹‍♂🏌‍♂ Салгыы спордунан дьарыктанар дыбарыаска бардыбыт. Онно биһиэхэ бокс тренерэ Станислав Кириллин тренажердары сырдатта. Биһиги сөҕө- махтайа иһиттибит. Беговой дорожкаҕа сүүрэн көрдүм, илии-атах тренажердарыгар бэйэбин холонон көрдүм, үөрдүм-көттүм, сынньанным.
Миэхэ биир умнуллубат күннэри бэлэхтээбит иитээччилэрбэр махтанабын!

Сандаара Готовцева, реабил. киин иитиллээччитэ.

✅ @uamurusahargata @ulusmedia

#оҕолорсуруйаллар

🎖🇷🇺Тандаҕа Уус Алдан улууһугар Геройдар күннэрин уонна Саха Өрөспүүбүлүкэтигэр Судаарыстыбаннас күнүн бэлиэтиири тэҥҥэ тутан, бүгүн И.П. Готовцев аатынан историяны, кыраайы үөрэтэр музейга "Танда – Геройдар дойдулара" диэн саҥа экспозицияны үөрүүлээх быһыыга-майгыга арыйдылар.

Итини таһынан күһүҥҥү атыы-тутуу дьаарбаҥката тэрилиннэ. Онно түөлбэлэр икки ардыларыгар айылҕа матырыйаалыттан "Күһүҥҥү зонтигы" оҥорууга күрэс, оҕуруот аһын быыстапката олохтоохтор болҕомтолорун тарта. Ону тэҥэ фотозона арааһа оҥоһуллубутугар дьон-сэргэ дуоһуйа хаартыскаҕа түстэ.

✍️ Күндүүнэ Егорова, М.Н. Готовцев аатынан Танда орто оскуолатын 7-с кылааһын үөрэнээччитэ

✅ @uamurusahargata @ulusmedia