🍂🍂🍂Балаҕан ыйыгар үктэннибит. Толору күһүҥҥү ый. Хаһыҥ түһүө, от-мас олоччу хагдарыйыа.

🌾🌾🌾Бүгүн сарсыарда 6 чааска Бороҕоҥҥо 4 кыраадыс сылаас буолбут. Күнүс 13-15 кыраадыс сылаас буолара күүтүллэр. Хотугулуу арҕааттан сөкүүндэҕэ 4 м түргэннээхтик үрэр тыаллаах, дьайҕаран ылар былыттаах күн.

🍁🍁🍁Балаҕан ыйа да сылаас күннэрдээх буолааччы. Кэлэр нэдиэлэ сылаас буолуо диэн сабаҕалыыллар. Онон сылаас күһүнү кэтэһэбит.

✍️ Афанасий Копырин.

📸 Ольга Шепелева.

✅ @uamurusahargata @ulusmedia

☘️ Балаҕан ыйын 1 күнэ ☘️

♈️ Хой

Дьиэ кэргэн үөрүүтүн күнэ. Аймахтаргын кытта эбиэттиэххин сөп эбэтэр бэйэҥ ыалдьыттаа.

♉️ Оҕус

Билигин атын дьон санаатыттан тутулуктанаргын тохтот. Хайдах сөптөөх дии санаабыккын оҥор. Күүс эбинэр сыаллаах кыратык уоскуйан, сынньана түс.

♓️ Игирэлэр

Кэллиэгэлэриҥ, билсэр дьонуҥ эйиэхэ талаһыахтара. Айаҥҥа хорсуннук турунуоххун сөп. Үлэ-хамнас, үп-харчы үрдүк чыпчаалга тахсыаҕа.

♋️ Рак

Сылайыаххар диэри элбэх кэпсэтии тахсыаҕа. Дьону кытта алтыһаргын аччата түс, чугас дьоҥҥун эрэ чугаһат.

♌️ Хахай

Бэйэҥ хайдах баҕараргынан быһаарынан кэлбит буоллаххына, билигин атын дьон быраабылатынан оонньуур күнүҥ. Утарылаһан уйулҕаҕын ыһыма, доруобуйаҕын мөлтөтүмэ.

♍️ Кыыс

Эйиэхэ ситиһиини түстүүр күн үүннэ. Чугас дьоҥҥор эн болҕомтоҥ наада буолуоҕа. Саҥа таҥас атыылаһарга табыгастаах.

♎️ Ыйааһын

Эйигин бытархай да дьыалаҕа ситиһии арыаллыаҕа - бу эн түбүктээх сыраҥ наҕараадата.

♏️ Скорпион

Сулустар бу күнү дьиэ кэргэҥҥин кытта атаараргар сүбэлииллэр. Маннык сынньалаҥ сүргэҕин көтөҕүө, күүс-уох биэриэҕэ.

♐️ Охчут

Ыраах айан табыллыаҕа. Кириитикэлииртэн туттун - дьон ыарыылаахтык ылыныа эбэтэр олох да кыыһыран илгистэн туруоҕа.

♑️ Чубуку

Соруккун толороргор санааҕын уурдаххына, чэпчэкитик ааһыаҥ уонна түмүгүттэн үөрүөҥ. Бу дьыалаҕа билиитэ суох дьон санаатыгар боҕомтоҕун уурума.

♒️ Күрүлгэн

Сыалгын ситиһэр суолгар бэйэҥ тускунан куһаҕан өйдөбүлү хаалларыма. Дьону өһүргэппэт курдук сырыт. Доруобуйаҕын харыстаа.

♊️ Балыктар

Тугунан дьарыктанаргын толкуйдаа. Урукку дьыалаҕын түмүктүүгүн дуу эбэтэр саҥаҕа ылсаҕын дуу? Тулаҥ эйиэхэ улаханнык эрэнэр.

✅ @uamurusahargata @ulusmedia

🔔📚С Днём знаний!

💐Пусть этот учебный год принесет много новых знаний, интересных открытий и ярких эмоций. Желаем всем вдохновения, терпения и удачи в достижении всех целей! Пусть каждый день будет наполнен радостью и интересом к учебе.

Успехов в новом учебном году! 🎉📚✏️

@ulusmedia

Күндү Уус Алдан улууһун үөрэнээччилэрэ, үөрэх эйгэтин үлэһиттэрэ, төрөппүттэр!

Эһигини Билии күнүнэн уонна үөрэх саҥа дьыла саҕаламмытынан Уус Алдан улууһун дьаһалтатын уонна тус бэйэм ааппыттан истиҥник эҕэрдэлиибин! 🎊🎊🎊

Балаҕан ыйын 1 күнэ биһиэхэ хас биирдиибитигэр ураты суолталаах, долгутуулаах, бары көлүөнэ дьоҥҥо өйбүтүгэр-санаабытыгар дириҥник иҥмит, оскуолаҕа үөрэммит сылларбытын, доҕотторбутун, учууталларбытын ахтар-саныыр, умнуллубат үтүө өйдөбүллээх бэлиэ күммүт.
Алтан чуораан чугдаарар тыаһынан оскуола боруогун атыллыыр маҥнайгы кылааска киирэр кырачааннарга уонна төрөппүттэригэр ураты долгутуулаах түгэн. Кинилэргэ билии киэҥ аартыгын арыйар, олохторугар бастакы олук уурар дьоһун кэм саҕаланар. Оскуоланы бүтэрээччилэргэ эппиэтинэстээх, олохторугар биир быһаарыы­лаах кэрдиис кэм буолар. Кэнчээри ыччаппыт үөрэҕи өрө тутан, чулуу үлэһит буолан, улуус­пут сайдыытын түстэһиэххит диэн бигэ эрэнэбит.

Күндү учууталлар, бары педагогтар, улууспут кэнчээри ыччатын инникитин түстүүр кэскиллээх үлэҕит ситиһиилээх, таһаарыылаах буоллун.
Күндү оҕолор! Бу сырдык үтүө күн барыгытыгар чэгиэн туругу, үтүө санааны, эйэни уонна этэҥҥэ буолууну баҕарабын! Билиигэ, үтүөҕэ, сырдыкка тардыһыыгыт күүһүрдүн, айар талааҥҥыт, дьоҕургут арыллан истин! Үөрэниҥ, үүнүҥ-сайдыҥ, бэйэҕитигэр элбэх саҥаны арыйыҥ, үтүөҕэ дьулуһуҥ! Саҕалаабыккыт барыта кыалыннын, табылыннын, сатаннын!

Ытыктабыллаах учууталлар, төрөппүттэр! Кэнчээри ыччаппыт дэгиттэр сайдыылаах, төрөөбүт дойдубут инникитин уһансар кыахтаах буола буһан-хатан тахсарын түстүүргэ айымньылаах үлэни, ситиһиилэри баҕарабын! Оҕолорбут ситиһиилэринэн үөрдэ турдуннар, хас биирдии дьиэҕэ үөрүү уонна дьол тосхойдун!

Василий АММОСОВ, Уус Алдан улууһун дьаһалтатын баһылыга

✅ @uamurusahargata @ulusmedia