📰📰📰

⭕ Өрөспүүбүлүкэ үрдүнэн, ол иһигэр улууспутугар эмиэ муус устар 1 күнүттэн 30 күнүгэр диэри баһаары сэрэтиигэ “Олорор дьиэ-уот-2021” анал ый саҕаланна.

⭕ “Сыл саҥатыттан улууспутугар 12 баһаар бэлиэтэннэ, хомойуох иһин, биир оҕо уокка былдьанна. Буолбут баһаардар төрүөттэрэ – сүрүннээн оһох турбатын үөлэһиттэн, оттуллар оһохтон бэйэтиттэн, аһаҕас уоту сэрэҕэ суох туттууттан, электрическэй техникэттэн, уот ситимиттэн”, – диэн улуустааҕы 34 №-дээх баһаарынай сулууспатын баһаары утары сэрэтэр үлэҕэ отдела иһитиннэрдэ.

⭕ Баһаарынайдар баһаар буолбутун тута сэрэтэр, биллэрэр араас анал тэрил көҥүл атыыга баарын санаталлар. “Маннык тэриллэр буруо таҕыста эрэ тыаһаан биллэрэллэр, өссө уот умайда эрэ анал бороһуогунан саба ыһан умуруорар сыһыарыллар пиростикердэри туттуоххутун сөп, шаровай огнетушителлэр эмиэ бааллар. Оннуктары атыылаһан, дьиэҕэ, гарааска, тиэхиньикэҕэ туруоран туһанаргытыгар, баһаары сэрэтэргитигэр ыҥырабыт”, – диэн сүбэлииллэр.

⭕ Маны сэргэ, баһаар тахсыбатын туһугар оттуллубут оһоҕу, электрроприбордары эмиэ көрүүтэ суох хаалларымыахха, оҕолору дьиэҕэ соҕотохтуу таһыттан хатаан барымыахха.

⭕ Тустаах дьаһалга олоҕуран анал ый устатыгар улуус баһаары утарыыга сулууспатын этэрээтэ чааһынай, уопсай дьиэлэринэн сылдьан уоттан-күөстэн сэрэтэр-өйдөтөр үлэни ыытыахтара, памятка суруктары түҥэтиэхтэрэ.

⭕ “Улууспут күндү олохтоохторо, бары болҕомтолоохтук сыһыаннаһан, баһаардар буолбаттарын туһугар кыһаллыаҕыҥ”, – диэн улуустааҕы баһаарынай сулууспа үлэһиттэрэ ыҥыраллар.

#уйгусирэуусалдан
#улуусхаһыата
#мүрүсаһарҕата
#аналый
#баһаарысэрэтииүлэтэ
https://www.instagram.com/p/CNRbf-Ssg65/?igshid=u1lfff4iilj9