📰📰📰

⭕ Г.В. Егоров аатынан Мүрү 1-гы №-дээх орто оскуолатын суруналыыстыка куруһуогун (сал. М.А. Аммосова) оҕолоро улуус урукку киинигэр Томторго экрскурсияҕа сылдьан олус элбэҕи биллибит.

⭕ Томтор сыыр үрдүгэр турар, олус кыраһыабай айылҕалаах сир, аллараа диэки көрдөххө – Мүрү алаас бу тэнийэн сытар. Дьон ол иһин былыргыттан сөбүлээн олохсуйбуттар эбит.

⭕ Манна 1805 сыллаахха таҥара дьиэтэ тутуллубут. Бу таҥара дьиэтин Семен Васильев-Уһуктаах Сэмэн туттарбыт. Оччолорго кини Бороҕон улууһун кулубата эбит. Тутууга боростуой дьон бары сиэртибэ оҥорон, 2777 солк. харчынан көмөлөспүттэр.

⭕ Таҥара дьиэтэ 1812 сыллаахха сибэтии буолбут. Таҥара дьиэтин үлэһитэ саҥа төрөөбүт оҕолорго ааты иҥэрэр, оттон өлбүттээххэ малыыппаны ааҕар эбит. Томторго таҥара дьиэтэ баар буолбутугар үөрэн, бэл Александр I ыраахтааҕы мэтириэти (икона) ыыппыт. Ол мэтириэт Александр Невскэ мөссүөнэ уруһуйдаах, араамата кыһыл уонна үрүҥ көмүстэн кутуллан оҥоһуллубут үһү.

⭕ Томторго оччолорго араас тутуу барыта баар эбит, элбэх нуучча фельдшерэ кэнэ үлэлээбит. Онон кинилэргэ анаан мэҥэ таас туруоруллубут.

⭕ Өрөбөлүүссүйэ кэнниттэн таҥара дьиэтигэр оробуочай эдэр ыччат оскуолата үлэлээбит. Оттон 1930 сылтан улуус киинин Оҕуруоттаах диэн сиргэ (билиҥҥи Бороҕон сэлиэнньэтин миэстэтигэр) көһөрөргө мунньах бөҕө саҕаламмыт. Онон Томтор турар сирин иэнэ кыра буолан, көһөрөргө күһэллибиттэр.

⭕ Билигин бу ытык сир улуус биир харыстыыр, баай историялаах кэрэ бэлиэ миэстэтэ буолар.

🖊️ Аурелия Рожина, Мүрү 1N-дээх орто оскуолатын 7 "в" кылааһын үөрэнээччитэ

✅ @muru.sahargata

#уйгусирэуусалдан
#уусалданхаһыата
#мүрүсаһарҕата
#эдкордарсуруйаллар
#мүрү1нүөмэрдээхортооскуолата
https://www.instagram.com/p/CT3Q40eIcBu/?utm_medium=share_sheet